Haddoo 7 - Kafa Linguistics Project

Maccee Ukkireenaꞌo Immiti Wojjoo

¹ Muusi yaafee duukkaanoon xogii bi qanniihooba, yaafee duukkaanoonaa bi qiico bullinon, deejjee gudoonaa bi qiico bullinonoo huuttii yaafiye.

² Aroochee Israꞌeelee yoodeenaꞌochi gumbee ukkireenaꞌo tuneti ebiyoo asheenaꞌo haddeehooba ukkireꞌi beetinaꞌo,

³ boonoshi wojjoon Doono Yeeri aafooch giddiiheete. Boonoshi giddiito, gutti gutte ukkireenaꞌo tuneꞌi ikkikke gaarin, wotta boonoshi qelli qelloona ikkikke gattooniye; ebina qereeti shiritte gaarinaa aaraa gutte gattoonon giddiiheete. Ebi wojjoon deebiꞌi yaafee duukkaanee aafooch giddiiheete.

⁴ Aroochee Doono Yeeri Muusich ishichiye:

⁵ “Ebin boonoshi waanee deꞌiree, danee duukkaaneexi maddoyich boonoshi heechiyemmoyich, boonoshi shuunoyich bi qaawii qaawee beetoommon, Leweenaꞌoyich imbe” iye.

⁶ Muusiyoo gaarinaꞌonaa gatteenaꞌonon deqqiꞌi Leweenaꞌoyich immiye.

⁷ Gutte gaarinaa awudde gattoonon Gerishoonichi yareenaꞌoyich boonoshi maddoommona immiye.

⁸ Qeeshoo Harooni bushoo Itamaarichi getooch qeyiibeeti Meraarichi yareenaꞌoyich boonoshi maddoommona awudde gaarinaa shimitte gattoonon immiye.

⁹ Tunebaani Qohaatichi yareenaꞌo boonoshich icheti yaafeeti qiico gogooch shaakkeebeeto bi tunetoyich, amoonolla boonoshich imaanoone.

¹⁰ Ukkireenaꞌo wotta deejjee gudo huuttehooba deejjee gudee diiree baaroyich wojjoon deebiyeete; deebiꞌi deejjee gudee aafooch giddiiheete.

¹¹ Doono Yeeri Muusich ishichiye: “Ukkireenaꞌo boonoshi ikkikkoona, boonoshi wojjoon deejjee gudee diiree baaroyich, qemi qemona giddiibeete” iye.

¹² Ikkinnee qemooba wojjoon giddiito, Yihudi yoodoochee tuneti, Aminadaabi bushoo Nahishoonine.

¹³ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

¹⁴ ixaano ceenniti, aashire sheqeelee aachoochee shuuneeti ikke shaatoo,

¹⁵ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

¹⁶ axaaxee deejjoyich ikke emmishee baaddoo,

¹⁷ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Aminadaabi bushoo Nahishoonichi wojjoo ebine.

¹⁸ Guttinnee qemooba Yisakoori yoodee ukkiroo tuneti, Tsuꞌaari bushoo Netaaneli wojjoon giddiihe.

¹⁹ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

²⁰ ixaano ceenniti, aashire sheqeelee aachoochee shuuneeti ikke shaatoo,

²¹ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

²² axaaxee deejjoyich ikke emmishee baaddoo,

²³ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Tsuꞌaari bushoo Netaanelichi wojjoo ebine.

²⁴ Keejjinnee qemooba Zebulooni yoodee ukkiroo Helooni bushoo Eliyaabi wojjoon giddiihe.

²⁵ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

²⁶ ixaano ceenniti, aashire sheqeelee aachoochee shuuneeti ikke shaatoo,

²⁷ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

²⁸ axaaxee deejjoyich ikke emmishee baaddoo,

²⁹ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Helooni bushoo Eliyaabichi wojjoo ebine.

³⁰ Awuddinnee qemooba Roobeeli yoodee ukkiroo Sheduuri bushoo Elisuuri wojjoon giddiihe.

³¹ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

³² ixaano ceenniti, aashire sheqeelee aachoochee shuuneeti ikke shaatoo,

³³ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

³⁴ axaaxee deejjoyich ikke emmishee baaddoo,

³⁵ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Sheduuri bushoo Elisuurichi wojjoo ebine.

³⁶ Uuchinnee qemooba Simooni yoodee ukkiroo Tsurishadayi bushoo Shelumeli wojjoon giddiihe.

³⁷ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

³⁸ ixaano ceenniti, aashire sheqeelee aachoochee shuuneeti ikke shaatoo,

³⁹ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁴⁰ axaaxee deejjoyich ikke emmishee baaddoo,

⁴¹ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Tsurishadayi bushoo Shelumelichi wojjoo ebine.

⁴² Shirittinnee qemooba Gaadi yoodee ukkiroo Deweeli bushoo Eliyasaafi wojjoon giddiihe.

⁴³ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁴⁴ ixaano ceenniti, aashire sheqeelee aachoochee shuuneeti ikke shaatoo,

⁴⁵ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁴⁶ axaaxee deejjoyich ikke emmishee baaddoo,

⁴⁷ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Deweeli bushoo Eliyasaafichi wojjoo ebine.

⁴⁸ Shabaattinnee qemooba Efreemi yoodee ukkiroo Amihuudi bushoo Elishami wojjoon giddiihe.

⁴⁹ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁵⁰ ixaano ceenniti, aashire sheqeelee aachoochee shuuneeti ikke shaatoo,

⁵¹ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁵² axaaxee deejjoyich ikke emmishee baaddoo,

⁵³ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Amihuudi bushoo Elishamichi wojjoo ebine.

⁵⁴ Shimittinnee qemooba Minaasi yoodee ukkiroo Fedatsuuri bushoo Gamaleeli wojjoon giddiihe.

⁵⁵ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁵⁶ ixaano ceenniti, aashire sheqeelee aachoochee shuuneeti ikke shaatoo,

⁵⁷ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁵⁸ axaaxee deejjoyich ikke emmishee baaddoo,

⁵⁹ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Fedatsuuri bushoo Gamaleelichi wojjoo ebine.

⁶⁰ Yiixiyinnee qemooba Biiniyaami yoodee ukkiroo Gideꞌooni bushoo Abidani wojjoon giddiihe.

⁶¹ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁶² ixaano ceenniti, aashire sheqeelee aachoochee shuuneeti ikke shaatoo,

⁶³ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁶⁴ axaaxee deejjoyich ikke emmishee baaddoo,

⁶⁵ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Gideꞌooni bushoo Abidanichi wojjoo ebine.

⁶⁶ Aashirinnee qemooba Daani yoodee ukkiroo Amishadaayi bushoo Ahezeeri wojjoon giddiihe.

⁶⁷ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁶⁸ ixaano ceenniti, aashire sheqeelee aachoochee shuuneeti ikke shaatoo,

⁶⁹ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁷⁰ axaaxee deejjoyich ikke emmishee baaddoo,

⁷¹ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Amishadaayi bushoo Ahezeerichi wojjoo ebine.

⁷² Aaraa ikkinnee qemooba Aseeri yoodee ukkiroo Okiraani bushoo Fageeli wojjoon giddiihe.

⁷³ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁷⁴ ixaano ceenniti, aashire sheqeelee aachoochee shuuneeti ikke shaatoo,

⁷⁵ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁷⁶ axaaxee deejjoyich ikke emmishee baaddoo,

⁷⁷ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Okiraani bushoo Fageelichi wojjoo ebine.

⁷⁸ Aaraa guttinnee qemooba Nifitaali yoodee ukkiroo Enaani bushoo Ahiiri wojjoon giddiihe.

⁷⁹ Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

⁸⁰ ixaano ceenniti, aashire sheqeelee aachoochee shuuneeti ikke shaatoo,

⁸¹ micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

⁸² axaaxee deejjoyich ikke emmishee baaddoo,

⁸³ ikkittinee deejjoyich gutte gattoo, uuche ogooge bagee baaddoo, uuche emmishee baaddoonaa ikke nato tuneti, uuche bagee baaddoonane. Enaani bushoo Ahiirichi wojjoo ebine.

⁸⁴ Deejjee gudo huutteehooba, diiree baaroyich Israꞌeelee ukkireenaꞌo giddiiti wojjoo ebine. Birewee yalle saano aaraa guttoo, birewee quppe saano aaraa guttoo, aachee shaatoo aaraa guttoo,

⁸⁵ birewee yalle saano bi ikkikkoona balli balli shaashe sheqeelo, wotta birewee quppe saano bi ikkikkoona shabi shabe sheqeeloone. Ebi bulli birewee qiico yaafee kechi machoona qocaa gutte humaa awudde balle sheqeeloone.

⁸⁶ Ixaano ceenniti, aaraa gutte aachee shaatoo bi ikkikkoona yaafee kechi machoona aashiri aashire sheqeeloone; aachee qiico bulli yaafee kechi machoona qocaa balli hiye sheqeeloone.

⁸⁷ Micciibeeti deejjoyich giddeti gijjeenaꞌo bulli aaraa gutte wuro, aaraa gutte ogooge bagee baaddoo, ikke nato tuneti, aaraa gutte bagee baaddoonaa eboshina tookki giddemmi maayi buuroonane. Axaaxee deejjee emmishee baaddoo aaraa guttoone.

⁸⁸ Ikkittinee deejjoyich tunemmi gijjeenaꞌo bulli hiyaa awudde wuro, shiche ogooge bagee baaddoo, shiche emmishee baaddoonaa ikke nato tuneti, shiche bagee baaddoonane. Deejjee gudo huuttetoyee gubb, diiree baaroyich giddeti wojjoo ebine.

⁸⁹ Muusiyoo danee duukkaanoochaa Doono Yeerina yibbaatoyich bi giyiyooba, miixee taabootee toommooch beeti, axaaxoon maariyee guufoyee tookkaa, gutte kiruubeenaꞌochi gutte daggoochaa Doono Yeeri biich yibbaatetaa waayehe.