Haddoo 26 - Kafa Linguistics Project

Asheenaꞌo Guttinnoon Haddeyoo

¹ Naxoyee gubb, Doono Yeeri Muusinaa qeeshoo Harooni bushoo Elazaarinoyich ishichiye:

² “Boonoshi eeno hiye natonaa ebiyee damboona tunetinaꞌon, ginooch hamoyich bedditinaꞌo bullin, Israꞌeelee iitoo bulliichee boonoshi gumbi gumboona haddibote” iye.

³ Aroochee Muusinaa qeeshoo Elazaarina Yoordaanoosi aachi gashoochaa, Yaariki katemee ciinooch beeti Moꞌabi gaddoochaa asheenaꞌoyich ishichiyeete:

⁴ “Doono Yeeri Muusich gettitoommon, boonoshi eeno hiye natonaa ebiyee damboona tuneti asheenaꞌon haddibote” iyeete. Gibitsee kechii waati Israꞌeeleenaꞌo eboshine:

⁵ Israꞌeelichi gutenee bushoo Roobeeli shiijjereenaꞌoochee: Hanooki gumbee asheenaꞌo, Faali gumbee asheenaꞌo,

⁶ Hetsirooni gumbee asheenaꞌonaa Karimi gumbee asheenaꞌonane.

⁷ Eboshiyoo Roobeeli shiijjereenaꞌochi gumbee asheenaꞌone. Boonoshi haddoo aabbaa keejje humaa shabaatte ballaa shaashoone.

⁸ Faali bushoo Eliyaabi,

⁹ Eliyaabi bushiisheenaꞌo Nemuꞌeeli, Daataaninaa Abiraaminane. Ebi Daataaninaa Abiraamina iiteenaꞌo kaacciti ukkireenaꞌone. Qoraahichi dabbeenaꞌo Doono Yeeri toommooch boonoshi tiyiyooba, boonoshina tookkii tuneꞌi, Muusinaa Haroonina tookkii kaaretinaꞌone. Doono Yeeri toommooch boonoshi tiyiyooba,

¹⁰ showee haawuttaꞌa Qoraahina tookkaa boonoshin qooxxahan. Qoraahichi dabbeenaꞌo qitiyooba gutte ballaa aache asheenaꞌon qaaqqoo maahe. Ebina boonoshiyoo bare asheenaꞌoyich cuuꞌiyoon tuneheete.

¹¹ Tunebaani Qoraahichi shiijjeroo kuxeyaanoone.

¹² Simoonichi shiijjereenaꞌo boonoshi gumbi gumboona eboshine: Nemuꞌeeli gumbee asheenaꞌo, Yamiini gumbee asheenaꞌo, Yakiini gumbee asheenaꞌo,

¹³ Zaari gumbee asheenaꞌonaa Shaawulli gumbee asheenaꞌonane.

¹⁴ Ebi Simooni shiijjereenaꞌochi gumbee asheenaꞌo hiyaa gutte humaa gutte balleenaꞌone.

¹⁵ Gaadi shiijjereenaꞌo boonoshi gumbi gumboona eboshine: Tsefooni gumbee asheenaꞌo, Haggi gumbee asheenaꞌo, Shuuni gumbee asheenaꞌo,

¹⁶ Ozini gumbee asheenaꞌo, Eriyi gumbee asheenaꞌo,

¹⁷ Aroddi gumbee asheenaꞌonaa Areeli gumbee asheenaꞌonane.

¹⁸ Ebi Gaadi shiijjeree gumbee asheenaꞌochi haddoo aabbe humaa uuche balloone.

¹⁹ Yihudi bushiisheenaꞌo Eerinaa Onaanina Kanaanee showoochaa qititinaꞌone.

²⁰ Yihudi shiijjereenaꞌo boonoshi gumbi gumboona eboshine: Seeli gumbee asheenaꞌo, Feretsi gumbee asheenaꞌonaa Zaari gumbee asheenaꞌonane.

²¹ Feretsi shiijjereenaꞌo Hetsirooni gumbee asheenaꞌonaa Hamuuli gumbee asheenaꞌonane.

²² Ebi Yihudi shiijjereenaꞌochi haddoo shabaa shiritte humaa uuche balloone.

²³ Yisakoori shiijjereenaꞌo boonoshi gumbi gumboona eboshine: Tooli gumbee asheenaꞌo, Fuꞌaahi gumbee asheenaꞌo,

²⁴ Yashuubi gumbee asheenaꞌonaa Shimirooni gumbee asheenaꞌonane.

²⁵ Ebi Yisakoori shiijjereenaꞌochi haddoo shichaa awudde humaa keejje balloone.

²⁶ Zebulooni shiijjereenaꞌo boonoshi gumbi gumboona eboshine: Sereedi gumbee asheenaꞌo, Elooni gumbee asheenaꞌonaa Yahileeli gumbee asheenaꞌonane.

²⁷ Ebi Zebulooni shiijjereenaꞌochi haddoo shiche humaa uuche balloone.

²⁸ Yooseefi shiijjereenaꞌo Minaasinaa Efreemina waanaa boonoshi gumbi gumboona eboshine:

²⁹ Minaasi shiijjereenaꞌo, Makiri gumbee asheenaꞌone. Makiriyoo Gilaadi nihoone.

³⁰ Gilaadi shiijjereenaꞌoo eboshine: Izeeri gumbee asheenaꞌo, Heleeki gumbee asheenaꞌo,

³¹ Asreeli gumbee asheenaꞌo, Shekeemi gumbee asheenaꞌo,

³² Shemiidi gumbee asheenaꞌonaa Hefeeri gumbee asheenaꞌonane.

³³ Hefeeri bushoo Tselofaadich maache bushiishoani anaami bushoo aalloone. Ebi Tselofaadi maache bushiisheenaꞌochi shigo Mahilaahi, Noohi, Hogili, Milikinaa Tiritsinane.

³⁴ Ebi Minaasi shiijjereenaꞌochi haddoo aachaa gutte humaa shabaatte balloone.

³⁵ Efreemi shiijjereenaꞌo boonoshi gumbi gumboona eboshine: Shutelaahi gumbee asheenaꞌo, Bekeeri gumbee asheenaꞌonaa Taahaani gumbee asheenaꞌonane.

³⁶ Eraani gumbee asheenaꞌo Shutelaahichi shiijjereenaꞌone.

³⁷ Ebi Efreemi shiijjereenaꞌochi haddoo shaashaa gutte humaa uuche balloone. Eboshiyoo boonoshi gumbi gumboona Yooseefichi shiijjereenaꞌone.

³⁸ Biiniyaami shiijjereenaꞌo boonoshi gumbi gumboona eboshine: Belaahi gumbee asheenaꞌo, Ashibeeli gumbee asheenaꞌo, Ahiraami gumbee asheenaꞌo,

³⁹ Shufaami gumbee asheenaꞌonaa Hufaami gumbee asheenaꞌonane.

⁴⁰ Wotta Belaahi bushiisheenaꞌo Ariddinaa Naꞌimaanina waanaa Ariddi gumbee asheenaꞌonaa Naꞌimaani gumbee asheenaꞌonane.

⁴¹ Ebi boonoshi gumbi gumboona haddeeti Biiniyaamichi shiijjereenaꞌo aabbaa uuche humaa shiritte balleenaꞌone.

⁴² Daani shiijjereenaꞌo, Shuhaamichi gumbee asheenaꞌochi haddoo,

⁴³ bulli shichaa awudde humaa awudde balloone.

⁴⁴ Aseeri shiijjereenaꞌo boonoshi gumbi gumboona eboshine: Yimini gumbee asheenaꞌo, Yishiwi gumbee asheenaꞌonaa Beeriyi gumbee asheenaꞌonane.

⁴⁵ Hebeeri gumbee asheenaꞌonaa Malikeli gumbee asheenaꞌona Beeriyi shiijjereenaꞌone.

⁴⁶ Aseeri bushee shigo Seeri getteehe.

⁴⁷ Ebi Aseeri shiijjereenaꞌo gumbee asheenaꞌochi haddoo aachaa keejje humaa awudde balloone.

⁴⁸ Nifitaali shiijjereenaꞌo boonoshi gumbi gumboona eboshine: Yahitseeli gumbee asheenaꞌo, Guuni gumbee asheenaꞌo,

⁴⁹ Yetseeri gumbee asheenaꞌonaa Shileemi gumbee asheenaꞌonane.

⁵⁰ Ebi Nifitaali shiijjereenaꞌo haddoo aabbaa uuche humaa awudde balloone.

⁵¹ Israꞌeelee anaaminaꞌo haddoo bulli shiritte ballaa ikke humaa shabaatte ballaa shaashoone.

⁵² Doono Yeeri Muusich ishichiye:

⁵³ “Ebi asheenaꞌoyich showoo boonoshi shigee haddoommona iristo bi tunemmoyich qoodeyemmone.

⁵⁴ Meeti shiishechi yoodoyich wodde iristoon, giisheche shiishechi yoodoyich giisheche iristoon immemmo neene. Bulli yoodoyich bi haddi haddoommona iristo ichemmone.

⁵⁵ Tunebaani showoo ixoona qoodeyemmone. Boonoshi qaabbechinaꞌochi yoodi yoodee shigoommona woraashemminaꞌone.

⁵⁶ Meetinaꞌonaa giishecheenaꞌona ciinaa iristo ixoona boonoshich qoodeyemmone” iye.

⁵⁷ Boonoshi gumbi gumboona haddeeti Leweenaꞌo eboshine: Gerishooni gumbee asheenaꞌo, Qohaati gumbee asheenaꞌonaa Meraari gumbee asheenaꞌonane.

⁵⁸ Eboshi wotta Lewi gumbee asheenaꞌone: Libiini gumbee asheenaꞌo, Kebirooni gumbee asheenaꞌo, Mahili gumbee asheenaꞌo, Muushi gumbee asheenaꞌonaa Qoraahi gumbee asheenaꞌonane. Qohaati Amiraami nihoone.

⁵⁹ Amiraami mechee shigo Yokebeedi getteehe. Biyoo Lewi busheene. Bi shiijjeto Gibitsee showoochaa Leweenaꞌochi shiijjeroocheeniye. Biyoo Amiraamich Haroonin, Muusinaa boonoshi manee Miiriyaminon shiyahan.

⁶⁰ Harooniyoo Nadaabin, Abiihin, Elazaarinaa Itamaarinon shiyihe.

⁶¹ Tunebaani Nadaabinaa Abiihina yaafeyaani qaaqqoon Doono Yeeri aafooch boonoshi giddiihooba qitiyeete.

⁶² Ikke agenoonaa ebiyee damboona tuneꞌi boonoshi daggoochee haddeeti anaaminaꞌo bulli hiyaa keejje humeenaꞌone. Israꞌeeleenaꞌo daggoochee iristo boonoshich icho bi qajjitoyich Israꞌeeleenaꞌona tookkii haddeyaaneenaꞌone.

⁶³ Muusinaa qeeshoo Elazaarina Yoordaanoosi aachi gashoochaa, Yaariki katemee ciinooch beeti Moꞌabi gaddoochaa Israꞌeeleenaꞌon boonoshi haddiyooba haddeetinaꞌo eboshine.

⁶⁴ Tunebaani Muusinaa qeeshoo Haroonina Siini barahoochaa Israꞌeeleenaꞌon boonoshi haddiyooba beeti asheenaꞌoochee ikkolla aalloone.

⁶⁵ Ebiyoo Doono Yeeri “Barahoochaa qitemminaꞌone” bi itoyich, Yefuuni bushoo Kaaleebinaa Nuuni bushoo Yaasinoyee besh, boonoshi daggoochee ikke asholla echeyaanoone.