Haddoo 25 - Kafa Linguistics Project

Moꞌabeenaꞌo Israꞌeeleenaꞌon Muriciyoo

¹ Israꞌeeleenaꞌo Shixiim beebee, Moꞌabee maacheenaꞌona tookkii shaddooch giyiyeete.

² Ebi maacheenaꞌo boonoshi nuggisheenaꞌochi deejjooch asheenaꞌon ataalliyeete. Asheenaꞌoo deejjee maayoon maaheete; boonoshi nuggisheenaꞌoyichoo goyinneheete.

³ Ebina Israꞌeeleenaꞌo Baꞌaal Feꞌoorich goyinneheete. Ebich Doono Yeeri kaaro boonoshi toommooch aaxxehe.

⁴ Aroochee Doono Yeeri Muusich “Doono Yeeri ta kaaree shiixxoo Israꞌeeleenaꞌo waanee bi wokkemmoyich asheenaꞌochi ukkireenaꞌon daamiree, aabooch Doono Yeeri ta aafooch yoode” iye.

⁵ Muusiyoo Israꞌeeleenaꞌon nallii qeejjii beetinaꞌoyich “Ittoshi ikkikkoona Baꞌaal Feꞌoorich goyinneti ittoshi ashoon wuxibote” iye.

⁶ Aroochee Israꞌeeleenaꞌo daggoochee ikkoo, Muusinaa Israꞌeeleenaꞌo bullinochi aafooch ikke Miidiyamee asheen yechii bi xibeenaꞌo waan waahe. Areegaata, Muusinaa Israꞌeeleenaꞌo bullina danee duukkaanee kellooch eeppii beetinaꞌone.

⁷ Qeeshoo Harooni bushoochi bushoo, Elazaari bushoo Finihaasi ebin beeggiꞌi, iiteenaꞌo daggoochee tiyii, ginoon yechiꞌi,

⁸ ebi Israꞌeelee ashoon dabbii duukkaanooch giyiye; giyiꞌi ginoona Israꞌeelee ashoonaa ureenon xaaqqii kochiꞌi wuxiye. Ebina Israꞌeeleenaꞌo waanee naxo tooqqiye.

⁹ Tunebaani ebi naxoona hiyaa awudde hume asheenaꞌo qititinaꞌone.

¹⁰ Aroochee Doono Yeeri Muusich ishichiye:

¹¹ “Qeeshoo Harooni bushoochi bushoo, Elazaari bushoo Finihaasi ta oogoyich boonoshi daggooch ta qanaatoommon qanaateꞌi, ta kaaree shiixxoon Israꞌeeleenaꞌo waanee bi wochitoyich, ta kaaroona boonoshin aalliyaano taane.

¹² Ebich ta diggee wogoon biinna tookki geddemmo ta tunoon biich gete.

¹³ Bi, Yeerich qanaateꞌi Israꞌeeleenaꞌon bi maariitoyich, biinnaa biyee gubbi bi shiijjereenaꞌonoyich qeeshittinee maddooch manjee wogoon biich tunemmone” iye.

¹⁴ Miidiyamee asheena tookkii qititi Israꞌeelee ashoochi shigo Zimiri getteehe; biyoo Saali bushoone. Simooni yoodee ukkiroone.

¹⁵ Qititi ure Kozibi getteehan; biyoo Miidiyamee ikke yaree ukkiroo tuneti Tsuuri busheene.

¹⁶ Doono Yeeri Muusich ishichiye:

¹⁷ “Miidiyameenaꞌon duꞌiiree koyi aalliibote.

¹⁸ Ebiyoo Feꞌoori guudoochaa ittoshin dawushiꞌi ittoshi toommooch boonoshi shuuneti gonde mooyonaa Feꞌooraa kinditi naxee naboona qititi boonoshi iraashoochi bushee tuneti boonoshi manee Kozibichi gommona ittoshin boonoshi dawushiti dawushoonoyichiye” iye.