Haddoo 1 - Kafa Linguistics Project

Israꞌeeleenaꞌo Haddeyoo

¹ Israꞌeeleenaꞌo Gibitsee boonoshi kechitoyee gubb, guttinnee natooba, guttinnee agenee ikkinnee qemooba, Doono Yeeri Muusich Siini barahoochaa, danee duukkaanee daggoochaa ishichiꞌi gettiye:

² “Israꞌeeleenaꞌo bullin boonoshi gumbi gumboona, boonoshi qaabbechinaꞌo yari yaroona, boonoshi shigi shigee haddoommona, anaaminaꞌo bullin haddibote.

³ Neennaa Haroonina hiye natonaa ebiyee damboona tuneti, ginooch hamoyich bedditi anaaminaꞌon, Israꞌeelee showoo bulliichee boonoshi kuxi kuxona haddibote.

⁴ Yoodi yoodoochee, bi qaabbechi yaroochi ukkiroo tuneti ikke asho ittoshina tookki beebe.

⁵ Ittoshin gaachemmi asheenaꞌo eboshine: Roobeeli yoodoochee Sheduuri bushoo Elisuuri;

⁶ Simooni yoodoochee Tsurishadayi bushoo Shelumeli;

⁷ Yihudi yoodoochee Aminadaabi bushoo Nahishooni;

⁸ Yisakoori yoodoochee Tsuꞌaari bushoo Netaaneli;

⁹ Zebulooni yoodoochee Helooni bushoo Eliyaabi;

¹⁰ Yooseefi bushiishoochee, Efreemi yoodoochee Amihuudi bushoo Elishami; Minaasi yoodoochee Fedatsuuri bushoo Gamaleeli;

¹¹ Biiniyaami yoodoochee Gideꞌooni bushoo Abidani;

¹² Daani yoodoochee Amishadaayi bushoo Ahezeeri;

¹³ Aseeri yoodoochee Okiraani bushoo Fageeli;

¹⁴ Gaadi yoodoochee Deweeli bushoo Eliyasaafinaa

¹⁵ Nifitaali yoodoochee Enaani bushoo Ahiirinane” iye.

¹⁶ Eboshiyoo iitee daggoochee kaachetinaꞌo, boonoshi qaabbechi yoodi yoodoon yaabii qeejjii beetinaꞌonaa Israꞌeelee yareenaꞌochi ukkireenaꞌonane.

¹⁷ Muusinaa Haroonina ebi boonoshi shigoona ceekketi asheenaꞌon ceeggii daammiyeete.

¹⁸ Guttinnee agenee ikkinnee qemooba, asho bullin ikkooch kiciyeete. Hiye natinaꞌonaa ebiyee dambeenaꞌona boonoshi gumbi gumboon, boonoshi qaabbechinaꞌo yari yaroonaa boonoshi shigi shigoonon ikkikkeꞌi, gettii kooreeheete.

¹⁹ Doono Yeeri biich gettitoommon, Muusi Siini barahoochaa boonoshin haddiye.

²⁰ Israꞌeelichi gutenee bushoo Roobeeli yoodoochee, hiye natonaa ebiyee damboona tuneti, ginooch hamoyich bedditi anaamo bullichi shigo, bi shiijjeri shiijjeroona, bi gumbi gumboona, bi qaabbechinaꞌo yari yaroona bi qelli qelloona kooreehe.

²¹ Roobeeli yoodoochee haddeeto, aabbaa shiritte humaa uuche balloone.

²² Simooni yoodoochee, hiye natonaa ebiyee damboona tuneti, ginooch hamoyich bedditi anaamo bullichi shigo, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi qelli qelloona kooreehe.

²³ Simooni yoodoochee haddeeto, aachaa yiixiye humaa keejje balloone.

²⁴ Gaadi yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

²⁵ Gaadi yoodoochee haddeeto, aabbaa uuche humaa shiritte ballaa aachoone.

²⁶ Yihudi yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

²⁷ Yihudi yoodoochee haddeeto, shabaa awudde humaa shiritte balloone.

²⁸ Yisakoori yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

²⁹ Yisakoori yoodoochee haddeeto, aachaa awudde humaa awudde balloone.

³⁰ Zebulooni yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

³¹ Zebulooni yoodoochee haddeeto, aachaa shabaatte humaa awudde balloone.

³² Yooseefi bushiishoochee, Efreemi yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

³³ Efreemi yoodoochee haddeeto, aabbe humaa uuche balloone.

³⁴ Wotta Minaasi yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

³⁵ Minaasi yoodoochee haddeeto, shaashaa gutte humaa gutte balloone.

³⁶ Biiniyaami yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

³⁷ Biiniyaami yoodoochee haddeeto, shaashaa uuche humaa awudde balloone.

³⁸ Daani yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

³⁹ Daani yoodoochee haddeeto, shichaa gutte humaa shabaatte balloone.

⁴⁰ Aseeri yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

⁴¹ Aseeri yoodoochee haddeeto, aabbaa ikke humaa uuche balloone.

⁴² Nifitaali yoodoochee, hiye natonaa ebiyee damboona tuneti, ginooch hamoyich bedditi anaamo bulli, bi shiijjeri shiijjeroona, bi gumbi gumboona, bi qaabbechinaꞌo yari yaroona, bi shigi shigoona kooreehe.

⁴³ Nifitaali yoodoochee haddeeto, aachaa keejje humaa awudde balloone.

⁴⁴ Israꞌeeleenaꞌon yaabii qeejjiibeeti aaraa gutte asheenaꞌo boonoshin gaachetaa, Muusinaa Haroonina hadditinaꞌo eboshine. Ebi aaraa gutte asheenaꞌo boonoshi qaabbechinaꞌo yari yaroyich shaxeenaꞌone.

⁴⁵ Israꞌeelee asho bulliichee hiye natonaa ebiyee damboona tuneti, ginooch hamoyich bedditi anaaminaꞌo bulli, boonoshi qaabbechinaꞌo yari yaroona haddeeheete.

⁴⁶ Haddeeto bulla, shiritte ballaa keejje humaa uuche ballaa aachoone.

⁴⁷ Tunebaani Leweenaꞌo boonoshi qaabbecho yoodoona eboshina tookkii haddeyaaneenaꞌone.

⁴⁸ Ebiyoo Doono Yeeri Muusich bi ishichitoyichiye:

⁴⁹ “Lewi yoodoon haddiyaahine. Boonoshi haddoon Israꞌeeleenaꞌochona bacciyaahine.

⁵⁰ Tunebaani Leweenaꞌon miixee duukkaanoonaa bi qiico bullinochi, wotta arooch beeti mooyo bulli toommooch ukkiriibe. Danee duukkaanoonaa bi qiico bullinon shaageete; aroonoo quyebeete. Danee duukkaanee guudoona boonoshi kaamboon gedi kotebeete.

⁵¹ Danee duukkaanoo tiyii beegaata, Leweenaꞌo waaxeete; bi xogee beegaatoo, xogibeete. Bare asho arooch bi katinigaata, qitibe.

⁵² Israꞌeeleenaꞌo boonoshi duukkaanoon boonoshi kuxi kuxona xogibeete. Asho bi ikkikkoona bi kaambi kaamboonaa bi baanderi baanderoona kotebe.

⁵³ Tunebaani Israꞌeeleenaꞌo toommooch kaaree shiixxoo kindaachemmoyich, Leweenaꞌo miixee duukkaanee guudoona boonoshi duukkaanoon xogiree kotebeete; miixee duukkaanoonoo quyebeete” bi itoyichiye.

⁵⁴ Israꞌeeleenaꞌo Doono Yeeri Muusich gettitoommon tuniiꞌi ebi bullin tuniiheete.