Erimiyaasi 45 - Kafa Linguistics Project

Yeeri Baaruukich Gibenikkiti Gibeno

¹ Yihudee taatoo Yosiyaasichi bushoo Yoyaqiimi taateti awuddinnee natooch, Erimiyaasi gettiti qaaroon Neraayichi bushoo Baaruuki macaafooch bi kooriyooba, keemechi Erimiyaasi biich gettiti qaaro ebine:

² “Baaruuko, Israꞌeelee Nuggishoo Doono Yeeri ishichiye:

³ ‘Doono Yeeri, ta biiyee toommooch ayinoon bi daakkitoyich taach woowo! Ta gaashilli woddoona maraateto taane; tooqqii kashoon mucceto taane’ ito neene.

⁴ “Baaruukich Doono Yeeri ishichiye: ‘Ebiyoche ta haggeton happemmo taane; ta bechiton waaxxemmo taane; ebinoo showee toommo bulliich tuniyemmo taane.

⁵ Ne qellich beshe mooyon qaawii beetine? Ebin qaawiyaahine; ebiyoo meeno taheto bulli toommooch gonde mooyon deebemmo ta tunetoyichiye, iye Doono Yeeri. Tunebaani ne hammemmi xaaꞌoo bulliichaa ne kashe muriccemmoyich tuniyemmo taane’ itone” iye.