Dojjecho 6 - Kafa Linguistics Project

¹ Hini showee toommoochaa, ashi toommooch tuneebeeti bare gonde mooyon beeggeho.

² Yeeri ashich gaannoon, gijjoonaa oogoonon immiye; biich qaawii beetoochee shappiti mooyo aalloone. Tunebaani ebi aroon bi maayemmoyich Yeeri hakkoon biich imaanoone; aroon maayemmo baroone; ebiyoo duuboonaa ayinikkiti mooyonane.

³ Asho balle bushiishoon bi shiyitaa, bi eeno genjetaa, meeti yemeenoon kashoona bi beetaa, bi hajjitona emiraano bi tunegaata, gaawichii duukkeyaano bi tunegaata, ta gaboochaa, biyee bi indee maacaa qicceꞌi shiijjetoyich gaawiye.

⁴ Ebiyoo ebi bushoo nooch giyaani gommona shiijjeꞌi manderooch wottee bi hammitoyichiye; bi shigoo manderooch batteehe.

⁵ Biyoo aabeen beegaanoon, amoonolla ariyaanoon tooqqii kashetone.

⁶ Asho gutte hume naton kashoona beeꞌi, beemona emiraano bi tunegaata, bulliyona boonoshi hammemmo ikke xaaꞌooch toone?

⁷ Asho aajjiibeeto bi maayemmon danoyichiye; tunebaani maa miyaanoone.

⁸ Mullaalloyee mullecho tunee gaaco amoone? Girecho ashoona tookkii iibaareyoona beemon bi ariyee gaaco amoone?

⁹ Qaatoona qaawillii beemoyee nooch beetona emiroo gaawiye; ebiyoo duubo, yongoon yookkii dabboommone.

¹⁰ Hini showee toommooch beeti mooyo bulli shigechone; asho koni bi gaata arichetone; asho biyee beshiton taggee wochoon hakkaache.

¹¹ Yibbaatee woddooch wodde duube mooyo beetone; ishigaata, ebi ashich amoon gaaccehe?

¹² Kashoona bi beeti giisheche yemeenooch, yiirittoochoommon beshemmi duube bi yemeenooch, ashich gaaccemmi mooyon ariibeeto kone? Woyee hini showoon gawukkii bi hammitoyee gubb, hini showee toommooch tunemmi mooyon ashich geton hakkemmo konine?