Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

2 Qorontoosi 9 - Kafa Linguistics Project

1 Yaafeenaꞌoyich tunemmi gijjee buusheechon ittoshich kooroo taach qaawiyaache.

2 Ebiyoo, gaawe ittoshi daaggoona degoyich qannito ittoshi tunoon ta arii beetoyichiye. “Akaayee showooch beeti kittinneenaꞌo aannooba tiijjiꞌi degoyich qannitinaꞌone” iyaꞌa Makidoonee showooch beeti kittinneenaꞌoyich ittoshichon geecoona getteto taane. Degoyich ittoshich beeti qanaato meetinaꞌo wotta degoyich boonoshi tiyemmoyich tuniitone.

3 Tunebaani boonoshich ta gettetoommon qannito ittoshi tunemmoyich, ebi mooyona ittoshi toommooch nooch beeti geecoo duube yibbaatoo tuneree bi echataachemmoyich, ebi maneenaꞌon ittoshi waan wochaa daachiito taane.

4 Diqqich ikkikke Makidoonee asheenaꞌo taanna tookkii waaꞌi, qannaano ittoshi beetaa boonoshi danegaataa, ittoshichon no gibeno am shaahoon noon yeelliyehe! Ittoshiyoo wotta oogichi yeellemmo ittoshine.

5 Ebich ebiyee aaf imbone iꞌi ittoshi gibeno giyiti gijjee wojjoon ittoshich shalligichiree shiichi boonoshi kicemmoyich, maneenaꞌon tayee shiichiree ittoshi waan boonoshi hammemmoyich qollo tato tuneꞌi taach bekketone. Ebina ta waahooba, ittoshi wojjoo qannite getone; ittoshi immiti wojjoo baad xuꞌaa tuneyaanoon mulloochee tiyito bi tuno arichete getone.

6 Eke ebin shalligibote! Giishechoon shookkito giishechoon qeccemmone; woddoon shookkito woddoon qeccemmone.

7 Yeeri emiroona immii beeton shunniye; ebich asho bulli ayinoona woyee baroo imbe getaa tuneyaanoon, bi mulloona bi gabitoommon imbe.

8 Bulli aaboon bulli gommona ittoshich qaawiibeeto bullin daneree, gaawe shuunoo bullin woddiree ittoshi shuunemmoyich, Yeeri bi wojjoo bullin ittoshich woddiyoon hakkiye.

9 Ebiyoo, “Mulloochee tiijjii girechinaꞌoyich immiye; bi cadiqoo bulli yemeenoon beeyemmone.” getaa bi kooreetoommoniye.

10 Shookkii beetoyich yaroon, mamoyich maayoon immiibeeti Yeeri ittoshi shookkemmi yaroon woddiiree ittoshich immemmone, abbetiyemmone, ittoshi cadiqee aafoon ittoshich woddiyemmone.

11 Ittoshi immiti wojjoo no waanaa boonoshich shagaa, meeti asheenaꞌo biin galletemmoyich, bulli aaboon mulloochee tiijjiree ittoshi immemmon Yeeri bulli gommona woddiiree ittoshich immemmone.

12 Ebi ittoshi immiibeeti dego, yaafeenaꞌochi shappoon ceechoo baach tuneyaanoon, asheenaꞌo Yeerin woddiiree boonoshi galletemmoyich tuniyemmone.

13 Ebi wojjoon ittoshi imo gibeneeto ittoshi tunoon bekkiyemmone; Kiristoosichi mishiraachee qaaroon iberiiꞌi deꞌa ittoshi itoyich, boonoshinaa bare asho bullinoyich mulloochee tiijjiꞌi ittoshi deggitoyichoo, asheenaꞌo Yeerin galletemminaꞌone.

14 Boonoshiyoo Yeeri ittoshich immiti beshaa beshe wojjee naboyich ittoshin sharaatebee ittoshich corootemminaꞌone.

15 Ebine, getaa ashi qaaroona getteyoo hakkeyaani, worganikkiti bi wojjoyich Yeeri galleteebe.

SIM International, 2020.

ကြှနျုပျတို့နောကျလိုကျပါ:



ကြော်ငြာတွေ