2 Qorontoosi 5 - Kafa Linguistics Project

Shimaayooch Nooch Beeti Kexo

¹ Bashoommi hini showeexi no kexo, ebiyoo no meeno, bi happee gaata, ashi kishoona shuuneyaani, bulli yemeenee kexo, ebiyoo Yeeri haggiti kexo, shimaayooch nooch beemon ariibeeto noone.

² Shimaayooch beeti are no kexon taheya oogichaa qaataabee, gaashillaabeeto noone;

³ are shimaajji no kexon taheechi shokkaachoon tuneyaachone.

⁴ Iberoon bashoommi hini no meenona beechaa, no meeno noon maggetaa gaashillaabeeto noone; and hini no taheti meenon shootteyoon shunnaabeeto toono noone; tunebaani qitemmi no meeno bulli yemeenee kashoona bi shaddeetaa shimaajji ashittinoon taheya qaawaabeeto noone.

⁵ Ebi mooyoyich noon hallito Yeerine; woyemmi mooyon manjiibeeti yechiyoo tuniiꞌi Yaafe Ayaanoon nooch immito biine.

^6-7 Ebich bulli aaboon gibenaꞌa Yeeri toommooch mulloon tooꞌiyoonalli, beꞌona shaꞌetaachone; beeyi kexo tuneti no meenona no beemmi wottoon, no Doono Yesuus Kiristoos waanee wokkaꞌa no beemon ariibeeto noone.

⁸ Gibenaꞌa, hini beeyi kexo tuneti no meenoochee bariꞌi Doono Yesuus Kiristoosina tookkii beemon shunnaabeeto noone.

⁹ Ebich wotta hini no meenona no beetaa woyee no baritaa, Doono Yesuus Kiristoosin emirikkoon oogichaa qaawaabeeto noone.

¹⁰ Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Kiristoos Waanaa Yeerina Shuno

¹¹ Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

¹² Mullooch beeti mooyona tuneyaanoon maach bekkeebeeti mooyona geecii beetinaꞌoyich ama geti ittoshi wochemmo gaata, noonna ittoshi geecemmi gommon ittoshich immehonalli, wochinnoon ittoshina naadeya qaawaachone.

¹³ No yibbaataabeeti yibbaatoona geyechon no shaahigaata, Yeericha iyaꞌaniye; woyee shalligechon no shaahigaata, ittoshicha iyaꞌaniye.

¹⁴ Ikkoo bullicha iꞌi qitito bi tunoon, ebichoo asho bulli qitito bi tunoon no ariitoyich, Kiristoosichi shuno noon hajjii beetone.

¹⁵ Kashoona beetinaꞌo boonoshicha iꞌi qititonaa qitoochee tiyitonon emirikkoyichalli, gubb boonoshi qelloon emirikkoyich boonoshi beetaachemmoyich bullicha iꞌi qitiye.

¹⁶ Illa ebiyee bekk koninolla ashi shalligoommona ciinaachone; ebiyee aaf Kiristoosin ashi shalligoommona ciinnaabee echeto noone; tunebaani illa and ebiyoommon tuniiꞌa ciinaachone.

¹⁷ Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

¹⁸ Ebi bulli tuneto, Kiristoos waanaa tuneꞌi biinna tookkii noon shuniiti, shuniyee shuunoonoo nooch immiti Yeerinane.

¹⁹ Yeeri Kiristoosina shuuneebee alemee asheenaꞌon biinna tookkii shunii beehe; boonoshi xuꞌoonoo haddaanoone; noochoo shuniyee wochoon immiye.

²⁰ Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

²¹ Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.