1 Qorontoosi 6 - Kafa Linguistics Project

Kittinnoo Kittinnoon Taggo

¹ Ittoshi daggoochee ikke kittinnoo bi manoon bi taggemmi mooyo beegaata, yaafeenaꞌo toommoochaa taggoon qajjiichii, Yeer asheenaꞌo tuneyaaneenaꞌo toommoochaa taggoyich, aabichiꞌi aafoon kupphehe?

² Yaafeenaꞌo hini alemee toommooch gubb nallemminaꞌo boonoshi tunoon ariyaachote? Hini alemee toommooch gubb nallemmo ittoshi tunegaata, and giisheche mooyon nalloo ittoshin mawiye?

³ Qemi qemona daneebeeti mooyo qayaa, maraakeenaꞌo toommoochona gubb nallemmo no tunoon ariyaachote?

⁴ Ishigaata, eboshiyoommi mooyo tiyiyooba, kittinnee guuphinaꞌo hoxeeti asheenaꞌon kaacciꞌi, “No taggoon nallibote” amoyich iyote?

⁵ Ittoshin yeelliyaache? Kittinneenaꞌo daggoochee tiyiti taggoon nallemmi ikke shalligechi asho aabichiꞌi ittoshi daggooch aallehe?

⁶ Kittinnoo kittinnoon taggehe? Ebiyoo wotta Kiristoosi toommooch mulloon tooꞌiyaaneenaꞌo toommoochaa tunehe?

⁷ Illa ittoshinaa ittoshina taggeebeeto tunegaata, ittoshi kittinnee qocoon muriccito ittoshine. Ebiyee cikkiꞌi ittoshi xukkeyoo ittoshich gaaweyaache? Bokkeyoo ittoshich gaaweyaache?

⁸ Tunebaani ittoshi kittinnee maneenaꞌon xuqqiyote, boggiyote.

⁹ Hukkechinaꞌo Yeerichi taatittineen woraashaachemminaꞌo boonoshi tunoon ariyaachote? Muriccaahote! Shunoon maa beetinaꞌo, shahalloyich goyinnee beetinaꞌo, yahechinaꞌo, anaamona tookkii shunoon maabeeti anaaminaꞌo,

¹⁰ gaayeenaꞌo, hiriggechinaꞌo, mashechinaꞌo, naagechinaꞌo, boggechinaꞌo, eboshi daggoochee ikkolla Yeerichi taatittineen woraashaachemmone.

¹¹ Ebiyee aaf ittoshi daggoochee ikkikkeenaꞌo eboshiyoomminaꞌone; tunebaani and ittoshi Doono Yesuus Kiristoosinaa no Nuggishoochi Yaafe Ayaanoona axaaxoochee macheto ittoshine; yaafeeto ittoshine; cadiqiinoo ito ittoshine.

Ashittinoona Yeerin Oogiyoo

¹² “Bulli mooyo taach daaggeetone;” tunebaani bulli mooyo gaaccemmo toonoone. “Bulli mooyo taach daaggeetone;” tunebaani ikke mooyolla taan hajjaachemmone!

¹³ Wotta “Maayo maacoyichiye; maacoo maayoyichiye;” tunebaani Yeeri maayoonoo, maacoonoo aalliyemmone. Tunetaa ashittino Doonoyichalli shunee mamoyich toonoone; Donoo ashittinoyichiye.

¹⁴ Yeeri Doono Yesuusin qitoochee tiijjitone; noonoo wotta bi giidoona qitoochee tiijjemmone.

¹⁵ Ittoshi ashittino Kiristoosichi ashittinee quumo bi tunoon ariyaachote? Ishigaata, Kiristoosichi ashittinee quumoon daami shuno maabeeti maachechi ashittinee quumoochee ikkoommon tuniibota? Cir tunaaye!

¹⁶ Woyee shuno maabeeti maacheena tookkii shuno maato, biinna tookkii ikke meeno bi tunoon ariyaachote? Yaafe Macaafoochaa “Gutteenaꞌo ikke meeno tunemminaꞌone” getaa kooreetone.

¹⁷ Tunebaani Doono Yesuusina tookkii ikkotteti uro bi ayaanoona Yesuusina tookkii ikkottetone.

¹⁸ Ebich shunee mamoochee wohote. Asho bi shuuneebeeti bare axaaxoo bulli bi meenoyee maachiye; tunebaani shunoon maabeeto, axaaxoon bi shuuneebeeto bi hajjee meechi toommoochiye.

^19-20 Woyee ittoshi ashittino Yeeri ittoshich bi immiti Yaafe Ayaano beeti yaafee kexo bi tunoon ariyaachote? Yeeri aaxxe gatiyoona ittoshin kemetone; ebich ittoshi ashittino ittoshi hajjoo toonoone. Illa ittoshi ashittinoona Yeerin oogiibote.