1 Kiinoo 9 - Kafa Linguistics Project

Kecoochee Wotteti Asheenaꞌo

¹ Israꞌeelee asho bulli bi yari yaree woretoona kobereetone. Ebiyoo Israꞌeelee taateenaꞌochi mazgabooch kotetone. Yihudee asheenaꞌo boonoshi axaaxee naboona Baabloonee showooch kecaa hammitinaꞌone.

² Batti batt boonoshi katemi katemooch beeti boonoshi showooch wottetinaꞌo, ikkikke Israꞌeeleenaꞌo, qeesheenaꞌo, Leweenaꞌonaa yaafee kechi maddechinaꞌonane.

³ Yihudi, Biiniyaami, Efreeminaa Minaasinochi yoodoochee, Yerusaalemi koteya hammitinaꞌo:

⁴ Yihudi bushoo, Feretsi bushoo, Baniyi bushoo, Imiri bushoo, Omiri bushoo, Amihuudi bushoo Utayi;

⁵ Shiloonichi shiijjeroochee wottetinaꞌo: Bi gutenee bushoo Asayaahinaa bi bushiisheenaꞌona;

⁶ Zaarichi shiijjeroochee wottetinaꞌo: Yeꞌeelinaa bi xibeenaꞌona; Yihudee asheenaꞌoochee hammii kotetinaꞌo bulli shiritta ballaa yixene kechi asheenaꞌone.

⁷ Biiniyaami yoodoochee wottetinaꞌo: Hasenuwaahi bushoo, Hodawiyi bushoo, Meshulaami bushoo Saluuhi;

⁸ Yerohaami bushoo Ibineꞌaahi; Mikiri bushoochi bushoo, Uuzi bushoo Elaahinaa Ibiniyi bushoo, Reweeli bushoo, Shefaxiyi bushoo Meshulaaminane.

⁹ Biiniyaami yoodoochee Yerusaalem koteya hammitinaꞌo yiixiya ballaa aachaa shiritte kechi asheenaꞌone. Hiniyee damba boonoshi shigo kooreeti asheenaꞌo bulli yari yaree iraasheenaꞌone.

¹⁰ Qeesheenaꞌoochee Yerusaalem kotetinaꞌo: Yedaayi, Yehoyariibi, Yakiini,

¹¹ yaafee kechi ukkiroo Akixuubi bushoo, Merayooti bushoo, Sadooqi bushoo, Meshulaami bushoo, Hiliqiyi bushoo Azariyaasi;

¹² Malikiyi bushoo, Fashuuri bushoo, Yerohaami bushoo Adaayinaa Imeeri bushoo, Meshilemiti bushoo, Meshulaami bushoo Yahiziri bushoo Adeeli bushoo Maꞌasayinane.

¹³ Yari yaree iraasheenaꞌo tuneti qeesheenaꞌo ikke humaa shabaatta ballaa shiche asheenaꞌone. Eboshi bulli Yeerichi kechi daggooch shuunee shuunoon hakkiti asheenaꞌone.

¹⁴ Leweenaꞌoochee Yerusaalem kotetinaꞌo: Meraari bushoo, Hashabiyi bushoo, Aziriqaami bushoo, Hashuubi bushoo Shemayaahi;

¹⁵ Bakbakaari, Hereeshi, Galaalinaa Asaafi bushoo, Zikiri bushoo, Miki bushoo Mataniyina;

¹⁶ Yedutuuni bushoo, Galaali bushoo, Shemayaahi bushoo Abidiyinaa Nexoofeenaꞌochi gafeenaꞌooch koteti, Eliqaani bushoo, Aasi bushoo Beraakiyinane.

¹⁷ Kellechinaꞌoochee Yerusaalem kotetinaꞌo: Shaluumi, Aquubi, Xalimooni, Ahimaaninaa boonoshi xibeenaꞌonane. Boonoshi iraashoo Shaluumine.

¹⁸ Arooba beddaahaa taatoochi kelloon aabi-keyo waanaa quyee beeheete. Leweenaꞌochi kaamboon quyeebee echeti kellechinaꞌo eboshine.

¹⁹ Qoraahi bushoo, Ebiyasaafi bushoo, Qoori bushoo Shaluuminaa Qoraahi yareenaꞌo tuneti bi nihoochi kechi asheenaꞌona boonoshi qaabbechinaꞌo Doono Yeerichi duukkaanoon quyetoommon, Doono Yeerichi yaafee kexooch giijjiibeeti kelloon quyee beeheete.

²⁰ Aroyee aaf, kellechinaꞌo toommooch ukkiroo Elazaari bushoo Finihaasine; Doono Yeeriyoo biinna tookkii tunee beehe.

²¹ Meshelemiyi bushoo Zakaariyaasi danee duukkaanooch giijjiibeeti kellooch, kellecho tunee quyee beehe.

²² Kelleenaꞌon quyoyich kellechinaꞌo tuneꞌi kaachetinaꞌo gutte ballaa aaraa gutte asheenaꞌone. Boonoshiyoo yari yaree woretoona, boonoshi beeti gafi gafoona mazgabooch kobereeheete. Ebi kellechinaꞌochi qaabbechinaꞌon ebi gibeneyoon qaawiibeeti shuunoyich kaaccii kotiitinaꞌo Daawitinaa yaaꞌechi Saameelinane.

²³ Ebina boonoshinaa boonoshi shiijjeroona Doono Yeerichi kexo tuneti danee duukkaanooch giijjiibeeti kellooch kellechinaꞌo tuneheete.

²⁴ Kellechinaꞌo awudde badd, ebi geto aabi-keyo waan, aabi-gimo waan, dambi-waaninaa deshi-waaninooch beetinaꞌone.

²⁵ Boonoshi gafi gafooch beeti boonoshi maneenaꞌo waaꞌi, kaalloon geddiꞌi shabaatti shabaattoon quyoona ebi kellechinaꞌon gaachee beeheete.

²⁶ Leweenaꞌo tuneti kellechinaꞌochi awudde ukkireenaꞌo Doono Yeerichi kechi gateenaꞌonaa qiiceenaꞌonochi toommooch ukkireenaꞌone.

²⁷ Yaafee kexon quyoonaa maaddi maaddoona qechoona boonoshi shuunoo bi tunetoyich, boonoshi qeyiibeeto yaafee kechi katinoochiye.

²⁸ Boonoshi daggoochee qatinaꞌo maddoyich gaacciibeeti qiiceenaꞌo toommooch ukkireenaꞌone; boonoshiyoo qiiceenaꞌo kechii beegaatinaa giyii beegaatina haddii beeheete.

²⁹ Wotta qatinaꞌo echeti qiiceenaꞌo toommooch, yaafeeti qiiceenaꞌo bulli toommooch, qacini buddino, woyino, zayito, ixaanoonaa qimaamoonochi toommooch ukkiretinaꞌone.

³⁰ Tunebaani qimaameenaꞌon baccii beetinaꞌo ikkikke qeesheenaꞌone.

³¹ Qoraahi yaroochee tuneti Shaluumichi gutenee bushoo, Lewee asho Matitiyi maayi buuro giddeebeeti shishe koshon kachiyoyich ukkiretone.

³² Qohaatee yareenaꞌo tuneti boonoshi xibeenaꞌoochee ikkikkeenaꞌo, shambeti shambetoona madooch koteebeeti koshon qanniyoyich ukkiretinaꞌone.

³³ Ikkikke Leweenaꞌochi yareenaꞌo Yeerichi yaafee kexoochaa shoddoon shoddechinaꞌone. Xumoonaa areddoonon maddoo boonoshich bi qaawii beetoyich, bare maddoochee kasheꞌi, yaafee kechi daggooch boonoshich qanniti gateenaꞌooch beeheete.

³⁴ Ebi asheenaꞌo bulli boonoshi qaabbechinaꞌochi yaree woretoona, Leweenaꞌochi yari yaree ukkireenaꞌone. Boonoshiyoo Yerusaalem koteti ukkireenaꞌone.

Taatoo Saaꞌoolichi Qaabbechinaꞌonaa Bi Shiijjeroona

³⁵ Yeꞌeeli Gibeꞌooni katemoon shuuneꞌi arooch kotehe. Bi mechee shigo Maꞌaki getteehe.

³⁶ Bi gutenee bushoo Abidooni getteehe. Bare bi anaami bushiisheenaꞌo Tsuuri, Qiishi, Baali, Neeri, Nadaabi,

³⁷ Gedoori, Ahiyohi, Zakaariyaasinaa Miqilootina getteeheete.

³⁸ Miqilooti Shimeꞌamin shiyihe. Boonoshiyoo boonoshi xibeenaꞌochi gaꞌooch, Yerusaalem kotetinaꞌone.

³⁹ Neeri Qiishin shiyihe. Qiishi Saaꞌoolin shiyihe. Saaꞌooli Yonaataanin, Malkishuwin, Abinadaabinaa Ishibaalinon shiyihe.

⁴⁰ Yonaataani bushoo Merib Baaline; Merib Baali Mikin shiyihe.

⁴¹ Mikichi anaami bushiisheenaꞌo: Fitooni, Meleeki, Tareꞌinaa Akaazinane.

⁴² Akaazi Yaraahin shiyihe; Yaraahi Alemeetin, Azimaweetinaa Zimirinon shiyihe; Zimiri Moosin shiyihe.

⁴³ Moosi Bineeꞌin shiyihe; Bineeꞌi bushoo Refayi, Refayi bushoo Elasaahi, Elasaahi bushoo Atseline.

⁴⁴ Atseli shiritte anaami bushiishoon shiyihe; boonoshiyoo: Aziriqaami, Bokeri, Ishmaꞌeeli, Sheꞌariyi, Abidiyinaa Hanaaninane. Eboshi bulli Atseli bushiisheenaꞌone.