1 Kiinoo 7 - Kafa Linguistics Project

Yisakoorichi Shiijjeroo

¹ Yisakoorichi awudde anaami bushiisheenaꞌo: Tooli, Fuꞌaahi, Yashuubinaa Shimirooninane.

² Toolichi anaami bushiisheenaꞌo: Uuzi, Refayi, Yereeli, Yahimaayi, Ibisaaminaa Shemuꞌeelinane. Boonoshiyoo yari yaree iraasheenaꞌonaa ginee anaaminaꞌonane. Daawitichi taatee yemeenooba, boonoshi haddoo hiyaa gutte humaa shiritte ballo tunetone.

³ Uuzi bushoo Iziriyine. Iziriyichi anaami bushiisheenaꞌo Mikaꞌeeli, Abidiyi, Yoꞌeelinaa Ishiyaahinane. Iziriyinaa awudde bi bushiisheenaꞌona bulli iraasheenaꞌone.

⁴ Meeti mechechinaꞌonaa bushiishechinaꞌona boonoshi tunetoyich, boonoshi yarooch ginee koyoyich bedditi shaashaa shiritte hume asheenaꞌo beetinaꞌone.

⁵ Yisakoori yoodee yareenaꞌo daggoochee yari yaree haddoona mazgabooch kobereeti, ginee anaaminaꞌo bulli shinnaa shabaatte hume asheenaꞌone.

Biiniyaamichi Shiijjeroo

⁶ Biiniyaamichi keejje anaami bushiisheenaꞌo: Belaahi, Bekeerinaa Yediyaꞌeelinane.

⁷ Belaahichi uuche anaami bushiisheenaꞌo: Ezibooni, Uuzi, Uzeeli, Yerimootinaa Irinane. Boonoshiyoo yaree iraasheenaꞌonaa ginee anaaminaꞌonane. Yari yaree woretoona mazgabooch kobereeti, ginee anaaminaꞌo haddoo hiyaa gutte humaa shaashaa awuddo tunetone.

⁸ Bekeerichi anaami bushiisheenaꞌo: Zemiraahi, Yoꞌaashi, Elezeeri, Eliyonayi, Omiri, Yeremooti, Abiyi, Anaatootinaa Alemeetinane. Eboshi bulli Bekeeri bushiisheenaꞌone.

⁹ Yari yaree woretoona mazgabooch kobereeti yari yaree iraasheenaꞌonaa ginee anaaminaꞌonochi haddoo hiye humaa gutte ballo tunetone.

¹⁰ Yediyaꞌeeli bushoo Bilihaanine. Bilihaanichi anaami bushiisheenaꞌo: Yehuushi, Biiniyaami, Ehuudi, Kenanaahi, Zetaani, Tarisheshinaa Ahishahaarinane.

¹¹ Ebi Yediyaꞌeeli bushiisheenaꞌo bulli yari yaree iraasheenaꞌone; boonoshi daggooch aaraa shabaatte humaa gutte balle koyoyich bedditi ginee anaaminaꞌo beetinaꞌone.

¹² Shufiiminaa Hufiimina Iirichi bushiisheenaꞌone; Hushiimiyoo wotta Aheerichi bushoone.

Nifitaalichi Shiijjeroo

¹³ Nifitaalichi anaami bushiisheenaꞌo: Yahizeeli, Guuni, Yetseerinaa Shaluuminane. Boonoshiyoo Biili bushaa bushiisheenaꞌone.

Minaasichi Shiijjeroo

¹⁴ Minaasichi anaami bushiisheenaꞌo: Sooriyee ashe tuneti bi naamache waanee Asreelin shiyihe; biyoo wotta Gilaadi nihoo Makirin shiyetine.

¹⁵ Makiri Hufiiminaa Shufiimina mecheen shaaggemmoyich tuniihe. Bi maneechi shigo Maꞌaki getteehe. Makirichi bare bushoo Tselofaadi getteehe. Tselofaadi maache bushiishoon baach shiyihe.

¹⁶ Makiri mechee Maꞌaki gutte anaami bushiishoon shiyahan. Boonoshiyoo Fereshinaa Shereeshina getaa shigeheete. Fereshichi anaami bushiisheenaꞌo Ulaaminaa Raqeemina getteeheete.

¹⁷ Ulaami bushoo Bedaanine. Eboshi bulli Minaasi bushoochi bushoo, Makiri bushoo Gilaadichi anaami bushiisheenaꞌone.

¹⁸ Bi manee Hamolekeet Ishoodin, Abezeerinaa Mahilaahinon shiyahan.

¹⁹ Shemiidichi anaami bushiisheenaꞌo: Ahiyaani, Shekeemi, Liqiihinaa Aniyaaminane.

Efreemichi Shiijjeroo

²⁰ Efreemichi shiijjeroo: Bi bushoo Shutelaahi, Shutelaahi bushoo Bereedi, Bereedi bushoo Tahaati, Tahaati bushoo Eleꞌadaahi, Eleꞌadaahi bushoo Tahaati,

²¹ Tahaati bushoo Zabaadinaa Zabaadi bushoo Shutelaahinane. Gaatee asheenaꞌo Ezeerinaa Eliyaadinon wuxiyeete. Ebiyoo boonoshi gijjoon bogi daammaa boonoshi waatoyichiye.

²² Ebich boonoshi nihoo Efreemi meeti aaboon eeppii muusheneꞌi kotehe. Bi xibeenaꞌo waaꞌi biin goggiiheete.

²³ Aroochee Efreemi bi mecheena danehe; xifaꞌa bushoon shiyahan. Biyoo gonde mooyo bi kexooch bi shaggitoyich, ebi bushoon Beeriyi iꞌi shigiihe.

²⁴ Bi maache bushee Sheeri getteehan. Biyoo Dambee Beet Horoonin, Deshi Beet Horooninaa Uzen Sheerina getteebeeti katemeenaꞌon shuuniihan.

²⁵ Efreemi shiyiti bare bushoo Refaahi getteehe. Refaahi bushoo Resheefi, Resheefi bushoo Telaahi, Telaahi bushoo Taahaani,

²⁶ Taahaani bushoo Ladaani, Ladaani bushoo Amihuudi, Amihuudi bushoo Elishami,

²⁷ Elishami bushoo Nuuni, Nuuni bushoo Yaasine.

²⁸ Ebi Efreemichi yareenaꞌo yechiꞌi boonoshi koteti showoo, Beeteelinaa bi guudoona beeti gishiishi katemoona, aabi-keyo waanaa Naaraan beddaahaa beeti showoo, aabi-gimo waanaa Gezeer beddaahaa beeti showoonaa bi guudoona beeti gishiishi katemoona, Shekeemi katemoonaa bi guudoona beeti gishiishi katemoona, Ayaahi katemoonaa bi guudoona beeti gishiishi katemoonane.

²⁹ Minaasichi yareenaꞌo wotta Beet Sheꞌaanin, Tanaakin, Megidin, Doorinaa ebi katemeenaꞌochi guudoona beeti gishiishi katemeenaꞌonon yechitinaꞌone. Israꞌeeli bushoo Yooseefichi shiijjereenaꞌo ebi xaaꞌeenaꞌooch koteheete.

Aseerichi Shiijjeroo

³⁰ Aseerichi anaami bushiisheenaꞌo: Yimini, Yishiwaahi, Yishiwinaa Beeriyinane. Boonoshi manee Seerine.

³¹ Beeriyichi anaami bushiisheenaꞌo: Hebeerinaa Berizayiti katemoon shuuneti Malikelinane.

³² Hebeeri Yafeleexi, Shomeerinaa Hotaamina getteebeeti keejje anaami bushiishoonaa Shuwaahi getteyaabeeti ikke maache busheenon shiyihe.

³³ Yafeleexichi anaami bushiisheenaꞌo: Fasaaki, Bimihalinaa Ashiwaatinane. Eboshi Yafeleexichi anaami bushiisheenaꞌone.

³⁴ Shomeerichi anaami bushiisheenaꞌo: Ahi, Rogaahi, Yehubaahinaa Araaminane.

³⁵ Bi manoo Heleemichi anaami bushiisheenaꞌo: Tsofaahi, Yimini, Sheleeshinaa Amaalinane.

³⁶ Tsofaahichi anaami bushiisheenaꞌo: Suwaahi, Harinefeeri, Shuwaali, Beeri, Yimiraahi,

³⁷ Bezeeri, Hoodi, Shaami, Shilishaahi, Yitiraaninaa Beraahinane.

³⁸ Yeteerichi anaami bushiisheenaꞌo: Yefuuni, Fisifaahinaa Araahinane.

³⁹ Ulaahichi anaami bushiisheenaꞌo: Araahi, Haneelinaa Ritsiyinane.

⁴⁰ Eboshi bulli Aseeri yoodeenaꞌone. Boonoshiyoo yaree iraasheenaꞌo, woraafa getteeti asheenaꞌo, ginee anaaminaꞌonaa aricheti iraasheenaꞌonane. Aseeri yoodee daggooch yari yaree woretoona kobereeti, ginee koyoyich bedditi hiyaa shiritta hume asheenaꞌo beetinaꞌone.