1 Kiinoo 4 - Kafa Linguistics Project

Yihudichi Shiijjereenaꞌo

¹ Yihudichi anaami bushiisheenaꞌo: Feretsi, Hetsirooni, Karimi, Huurinaa Shobaalinane.

² Shobaali Reꞌayin shiyihe; Reꞌayi Yahaatin shiyihe; Yahaatiyoo Tsoriꞌeenaꞌochi qaabbechi niheenaꞌo tuneti Ahumayinaa Lahuudinon shiyihe.

^3-4 Huuri, Kaaleebinaa bi mechee Efiraatinochi qaabbe bushoone. Beetilehemin shuunetinaꞌo bi shiijjereenaꞌone. Huurichi anaami bushiisheenaꞌo: Exaami, Phiniꞌeelinaa Ezeerinane. Exaamichi anaami bushiisheenaꞌo: Yezireeli, Ishiminaa Yidibaashinane; bi bushee Hazalelifooni getteehan. Fenuꞌeeli Gedoori katemoon shuunetone; Ezeeriyoo Hushaahi katemoon shuunetone.

⁵ Teqoꞌi katemoon shuuneti Ashuuri Heelinaa Naarina getteebeeti gutte mecheenaꞌon shaaggiye.

⁶ Biyoo Naar waanee Ahuzaami, Hefeeri, Temeeninaa Hahashitaarina getteebeeti anaami bushiishoon shiyihe.

⁷ Wotta Heel waanee Tsereti, Yitsaarinaa Etinaanina getteebeeti anaami bushiisheenaꞌon shiyihe.

⁸ Qoosi Anuubinaa Hasobeebinon shiyihe; wotta Haruumi bushoo Aharihelichi yareenaꞌochi qaabbechone.

⁹ Yaabeetsi getteebeeti ikke uro beehe; biyoo bi maneenaꞌo oogiibeeti uroone. Bi indee, “Oogichaa maaxoo manjaꞌa biin shiyeti taane” iyaꞌa bi shigoon Yaabeetsi iyan.

¹⁰ Yaabeetsiyoo, “Taan diiribe; ta showoon gamichibe; taanna tookki tunebe; qaakkemmi gonde mooyoocheenoo taan quyebe” iꞌi Israꞌeelee Nuggishoo Yeer waan corootiye. Yeeriyoo bi qolleton biich immiye.

¹¹ Shuhaahichi manoo Keluubi Mehirin shiyihe; Mehiri Eshitoonin shiyihe.

¹² Eshitoon Beet Raafin, Faseꞌaahinaa Nahaashi katemoon shuuneti Tehinaahinon shiyihe. Eboshi Rekaahi showee asheenaꞌone.

¹³ Qenaazichi anaami bushiisheenaꞌo: Otineelinaa Seraayinane. Otineelichi anaami bushiisheenaꞌo: Hataatinaa Menotayinane.

¹⁴ Menotayi Ofirin shiyihe. Seraayi kishee shuune ariyechinaꞌo beeyi xaaꞌoo tuneti, Geharashimi katemoon shuuneti Yoꞌaabin shiyihe.

¹⁵ Yefuuni bushoo Kaaleebichi anaami bushiishoo: Iri, Elaahinaa Naaminane. Elaahi bushoo Qenaazine.

¹⁶ Yehaleleelichi anaami bushiisheenaꞌo: Ziifi, Zifaahi, Tiriyahinaa Asareelinane.

^17-18 Iziraahichi anaami bushiisheenaꞌo: Yeteeri, Mereedi, Efeerinaa Yalooninane. Mereedi Farooni bushee Bitiyaahin shaaggiꞌi, Miiriyami getteyaabeeti busheenaa Shamaayinaa Ishibaahina getteebeeti gutte anaami bushiishoonon shiyihe. Ishibaahi Eshiteemi katemoon shuunetone. Mereedi wotta Ayihudeche tuneti bi mechee waanee bi shiyiti anaami bushiisheenaꞌo: Gedoori katemoon shuuneti Yereedi, Sokoohi katemoon shuuneti Hebeerinaa Zanoohi katemoon shuuneti Yekuteelinane.

¹⁹ Hodiyi Nahaamichi maneen shaaggiye; bi shiijjereenaꞌo Qeꞌili katemooch koteti Garimeenaꞌonaa Eshiteemi katemooch koteti Maꞌakeenaꞌonane.

²⁰ Simoonichi anaami bushiisheenaꞌo: Aminooni, Rinaahi, Been Hanaaninaa Tilooninane. Yishichi anaami bushiisheenaꞌo: Zoheetinaa Been Zoheetinane.

Seelichi Shiijjeroo

²¹ Yihudi bushoo Seelichi anaami bushiisheenaꞌo: Lekaahi katemoon shuuneti Eeri, Mareshi katemoon shuuneti Ladaahinaa Beet Ashebaahi katemooch koteti, muttee tuppoochee qoreddoon shippiibeeti asheenaꞌo,

²² Yoqiimi, Kozibaahi katemee asheenaꞌo, Yoꞌaashinaa Moꞌabee showoon qeejjiichii Lehem wotteti Saraafinane. (Ebi mooyo kooreeto wonna wonnane.)

²³ Boonoshiyoo nuuqqoochee shuuneebeeti qiiceenaꞌon taatoyich shuunoyich Netayimi katemoonaa Gedeeri katemoonooch koteti nuuqqee hachechinaꞌone.

Simoonichi Shiijjeroo

²⁴ Simoonichi anaami bushiisheenaꞌo: Nemuꞌeeli, Yamiini, Yariibi, Zaarinaa Shaawullinane.

²⁵ Shaawulli bushoo Shaluumi; Shaluumi bushoo Mibisaami; Mibisaami bushoo Mishimaahine.

²⁶ Mishimaahichi shiijjereenaꞌo: Bi bushoo Hamuꞌeeli, Hamuꞌeeli bushoo Zakuurinaa Zakuuri bushoo Shimeꞌinane.

²⁷ Shimeꞌi aaraa shiritte anaami bushiishoonaa shiritte maache bushiishoonon shiyihe; tunebaani bi maneenaꞌo meeti bushiishoon shiyaaneenaꞌone. Ebich Simoonichi shiijjeroo Yihudichi shiijjeroochoommon meetaanoone.

²⁸ Boonoshi koteti katemeenaꞌo, Beershaabi, Molaadi, Hatsaar Shuwaali,

²⁹ Biili, Eseemi, Tolaadi,

³⁰ Batuꞌeeli, Horimi, Tsiqilaagi,

³¹ Beet Markabooti, Hatsaar Susiimi, Beet Biirinaa Shaꞌarayiminane. Daawiti taatehoobee aabooch beddaahaa beeti boonoshi katemeenaꞌo eboshine.

³² Ebiyoommon wotta Exaami, Ayini, Rimooni, Tokeeninaa Ashaanina getteebeeti uuche katemeenaꞌonaa

³³ boonoshi guudoona beeti, Baꞌaali katemooch beddaahaa beeti, gafeenaꞌonooch kotetinaꞌone. Ebi boonoshi koorii kotiiti boonoshi yoodee kiinoonaa boonoshi koteti showoonane.

³⁴ Yari yaree iraasheenaꞌo: Meshobaabi, Yamileeki, Amasiyaasi bushoo Yoshaahi,

³⁵ Yoꞌeeli, Aseeli bushoo Seraayi bushoochi bushoo Yoshibiyi bushoo Yehi,

³⁶ Eliyonayi, Yakobaahi, Yeshohaayi, Asayaahi, Adeeli, Yesimeeli, Beenayi,

³⁷ Zizaahi eboshine. Zizaahi Shemayaahi bushoo, Shimiiri bushoo, Yedaayi bushoo, Alooni bushoo, Shiifi bushoone.

³⁸ Ebi iraasheenaꞌo bullichi yaroo shiijjee meettitone.

³⁹ Boonoshiyoo boonoshi gijjoyich mocechi showoon qaawiibee bamboochaa aabi-keyo waan beeti, Gedoori kellooch beddaahaa hammiyeete.

⁴⁰ Arooch mocechi gaawe showoon daneheete. Are showoo gamino, diggoonaa dullaalli showoonane. Aroyee aaf, are showooch beebee echetinaꞌo Kaamee asheenaꞌone.

⁴¹ Yihudee taatoo Hiziqiyaasichi yemeenooba, ebi boonoshi shigo kooreeti asheenaꞌo hammiꞌi, arooch beeti asheenaꞌochi duukkaanoonaa bashoonon happiyeete. Kaamee asheenaꞌonaa Meꞌuneenaꞌonon ciroona hidii aalliiheete. Boonoshi gijjoyich mocechi showoon boonoshi danetoyich, boonoshin aalliichii arooch koteheete.

⁴² Simooni yoodee asheenaꞌoochee uuche balleenaꞌo Seyiri guudooch hammiyeete. Boonoshi iraasheenaꞌo Yishi bushiisheenaꞌo: Felaaxiyi, Neꞌariyi, Refayinaa Uzeelinane.

⁴³ Arooch hammiꞌi, muriccii woditi Amaleeqeenaꞌon wuxiichii and beddaahaa arooch koteheete.