1 Kiinoo 27 - Kafa Linguistics Project

Ginee Iraasheenaꞌo

¹ Nati daggooch beeti ageno bulliich, agen agenoona kaallo giyiꞌi, taatoonaa asheenaꞌonoyich bulli mooyona maddeebeeti, Israꞌeelee qaabbechi yaree iraasheenaꞌo, humee iraasheenaꞌonaa ballee iraasheenaꞌona eboshine: Ikkikke kaallooch hiyaa awudde hume kaallechinaꞌo beetinaꞌone.

² Batti batti agenooch kaallechinaꞌochi ukkiroo, Zabideli bushoo Yashobaamine. Bi kishooch hiyaa awudde hume ginee naayo beetone.

³ Biyoo Feretsichi yaroone. Batti batti agenoobee kaallechi ginee naayinaꞌochi ukkireenaꞌo bulli toommooch iraashetone.

⁴ Guttinnee agenooch, kaallechinaꞌochi iraashoo Ahoohee asho Dodaayine. Bi kishooch hiyaa awudde hume ginee naayo beetone. Miqilootiyoo biyee deshi iraashoone.

⁵ Keejjinnee agenooch, keejjinnee ginee naayinaꞌochi iraashoo qeeshoo Yoyaadi bushoo Beenayine. Bi kishooch hiyaa awudde hume ginee naayo beetone.

⁶ Shaasheenaꞌo daggoochee beelloo tunetonaa shaasheenaꞌochi ukkiroo tunetona ebi Beenayine. Bi guuphi daggooch bi bushoo Amizabaadi beetone.

⁷ Awuddinnee agenooch awuddinnee iraashoo Yoꞌaabichi manoo Asaheeline. Bi xaaꞌooch bi bushoo Zebaadiyi kereetone. Bi kishooch hiyaa awudde hume ginee naayo beetone.

⁸ Uuchinnee agenooch uuchinnee iraashoo Iziraahee asho Shamihuutine. Bi kishooch hiyaa awudde hume ginee naayo beetone.

⁹ Shirittinnee agenooch shirittinnee iraashoo Teqoꞌee ashoo Ikeeshi bushoo Iraahine. Bi kishooch hiyaa awudde hume ginee naayo beetone.

¹⁰ Shabaattinnee agenooch shabaattinnee iraashoo Efreemee yoodoochee tuneti Feloonee asho Heleezine. Bi kishooch hiyaa awudde hume ginee naayo beetone.

¹¹ Shimittinnee agenooch shimittinnee iraashoo Zaari gumboochee tuneti, Hushatechi Sibekayine. Bi kishooch hiyaa awudde hume ginee naayo beetone.

¹² Yiixiyinnee agenooch yiixiyinnee iraashoo Biiniyaamee yoodoochee tuneti Anaatootee asho Abezeerine. Bi kishooch hiyaa awudde hume ginee naayo beetone.

¹³ Aashirinnee agenooch aashirinnee iraashoo Zaarichi gumboochee Nexoofee asho Maharayine. Bi kishooch hiyaa awudde hume ginee naayo beetone.

¹⁴ Aaraa ikkinnee agenooch aaraa ikkinnee iraashoo Efreemee yoodoochee tuneti, Feratoonee asho Beenayine. Bi kishooch hiyaa awudde hume ginee naayo beetone.

¹⁵ Aaraa guttinnee agenooch aaraa guttinnee iraashoo Otineelichi yaroo tuneti Nexoofee asho Helidaayine. Bi kishoochoo hiyaa awudde hume ginee naayo beetone.

Yoodi Yoodee Ukkireenaꞌo

¹⁶ Israꞌeelee yoodi yoodee ukkireenaꞌo eboshine: Roobeeli yoodoyich ukkiroo, Zikiri bushoo Elezeeri; Simooni yoodoyich ukkiroo, Maꞌaki bushoo Shefaxiyi,

¹⁷ Lewi yoodoyich ukkiroo, Qemuꞌeeli bushoo Hashibiyi; Harooni yaroyich ukkiroo, Sadooqi;

¹⁸ Yihudi yoodoyich ukkiroo, Daawiti manoo Elihi; Yisakoori yoodoyich ukkiroo, Mikaꞌeeli bushoo Omiri;

¹⁹ Zebulooni yoodoyich ukkiroo, Abidiyi bushoo Ishimaayi; Nifitaali yoodoyich ukkiroo, Azireli bushoo Yerimooti;

²⁰ Efreemi yoodoyich ukkiroo, Azaziyi bushoo Hosheehi; Minaasi yoodee asheenaꞌoochee qatinaꞌoyich ukkiroo, Fedayi bushoo Yoꞌeeli;

²¹ Gilaadee showooch beeti Minaasi yoodoochee qatinaꞌoyich ukkiroo, Zakaariyaasi bushoo Iidi; Biiniyaami yoodoyich ukkiroo, Abeneeri bushoo Yaseli;

²² Daani yoodoyich ukkiroo, Yerohaami bushoo Azareline. Israꞌeelee yoodeenaꞌochi ukkireenaꞌo eboshine.

²³ Doono Yeeri Israꞌeeleenaꞌon shimaajji xojjenoochoommon woddiyemmo bi tunoon bi gibenikkitoyich, Daawiti hiye natonaa hiye natoyee deshoonon haddaanoone.

²⁴ Tseruuyi bushoo Yoꞌaabi haddoon wonniye. Tunebaani ciichaanoone. Boonoshi haddeyee naboona Israꞌeeleenaꞌo toommooch kaaro kindiye. Ebich boonoshi haddoo taatoo Daawitichi mazgabooch giyaanoone.

Taatoochi Yaaphee Toommooch Ukkireti Ukkireenaꞌo

²⁵ Adeeli bushoo Azimaweeti, taatee kechi ginjabeetooch ukkiroone. Uziyaahi bushoo Yonaataani goyechi showooch, katemeenaꞌooch, gafeenaꞌonaa dilaaleenaꞌonooch beeti ginjabeetooch ukkiroone.

²⁶ Keluubi bushoo Iziri goyoon gochii beetinaꞌo toommooch ukkiroone.

²⁷ Remaatee asho Shimeꞌi woyinee budinaꞌochi ukkiroone. Shefiimee asho Zabidi woyinee uyee qiicee kechi ukkiroone.

²⁸ Gederee asho Baꞌaal Hanaani Shefeeli worebe showooch beeti zayitee mixinaꞌonaa caaree mixinaꞌonochi ukkiroone. Yoꞌaashi zayito kiceebeeti kechi toommooch ukkiroone.

²⁹ Shaaroonee asho Shixiraayi, Shaarooni gaddooch quyeebeeti gijjeenaꞌochi ukkiroone. Adilaayi bushoo Shafaaxi, bambooch beeti gijjeenaꞌochi ukkiroone.

³⁰ Ishmaꞌeelee asho Obiili gaaleenaꞌochi ukkiroone. Meronootee asho Yehidiyi kureenaꞌochi ukkiroone.

³¹ Hagaaree asho Yaziizi bageenaꞌonaa emmisheenaꞌonochi ukkiroone. Eboshi bulli taatoo Daawitichi yaappheenaꞌo toommooch ukkireenaꞌone.

Daawitichi Katini Mikkirechinaꞌo

³² Mullechonaa koorechona tuneti Daawitichi niheeshoo Yonaataani mikkirechone. Biinnaa Hakimooni bushoo Yehiꞌeelina taatoochi bushiishoon dojjechinaꞌone.

³³ Akixofeeliyoo taatoochi mikkirechone. Arikee asho Hushayiyoo taatoochi shunechone.

³⁴ Beenayi bushoo Yoyaadinaa Abiyataarina Akixofeeli xaaꞌooch kereetinaꞌone. Yoꞌaabiyoo taatoochi ginee iraashoone.