1 Kiinoo 24 - Kafa Linguistics Project

Qeesheenaꞌo Boonoshi Shuuni Shuunooch Neexo

¹ Harooni bushiisheenaꞌo qoodeeto eechenane: Harooni bushiisheenaꞌoo, Nadaabi, Abiihi, Elazaarinaa Itamaarinane.

² Tunebaani Nadaabinaa Abiihina bushoon shiyaanoon beebee boonoshi nihoyee shiichiꞌi qitiyeete. Ebich Elazaarinaa Itamaarina qeeshoon tuneheete.

³ Elazaari bushoo Sadooqinaa Itamaari bushoo Ahimeleekina biin gaachetaa, Daawiti boonoshin, boonoshi maddoommona qoodii qoodiꞌi shuunooch neechiye.

⁴ Itamaarichi yareenaꞌochoyee beshe ukkireenaꞌo Elazaarichi yareenaꞌoochee daneheete. Ebich Elazaari yaroochee yaree ukkiroo tuneto aaraa shirittoo, wotta Itamaari yaroochee yaree ukkiroo tuneto shimittoone.

⁵ Elazaarinaa Itamaarinochi yaree daggooch yaafee kechi iraasheenaꞌonaa Yeeri iraashiiti iraasheenaꞌona beetinaꞌo boonoshi tunetoyich boonoshi qoodeeto ixoonane.

⁶ Lewee asho, Netaaneli bushoo koorechi Shemayaahi, taatoo aafoochaa, iraasheenaꞌo, qeeshoo Sadooqinaa Abiyataari bushoo Ahimeleekina aafoochaa, wottoo qeesheenaꞌonaa Lewee yoodee yaree ukkireenaꞌo aafoochaa boonoshi shigoon kooriye. Bi kooritoo ikke yaroon Elazaarichoochee baroon wotta Itamaarichoochee ixoona tiijjiibeeniye.

⁷ Batti Batti ixoo Yehoyariibich, guttinnee ixoo Yedaayich,

⁸ keejjinnee ixoo Hariimich, awuddinnoo Seꞌoriimich,

⁹ uuchinnoo Malikiyich, shirittinnoo Miyamiinich,

¹⁰ shabaattinnoo Haqoosich, shimittinnoo Abiyich,

¹¹ yiixiyinnoo Yaasich, aashirinnoo Shekaniyich,

¹² aaraa ikkinnoo Eliyashibich, aaraa guttinnoo Yaqiimich,

¹³ aaraa keejjinnoo Hufaahich, aaraa awuddinnoo Yeshebaabich,

¹⁴ aaraa uuchinno Biligaahich, aaraa shirittinnoo Imeerich,

¹⁵ aaraa shabaattinnoo Heziirich, aaraa shimittinnoo Hafizeezich,

¹⁶ aaraa yiixiyinnoo Fetahiyich, hiyinnoo Yeheziqeelich,

¹⁷ hiyaa ikkinnoo Yakiinich, hiyaa guttinnoo Gamuulich,

¹⁸ hiyaa keejjinnoo Delayich, hiyaa awuddinnoo Maziyaahich, kechiye.

¹⁹ Israꞌeelee Nuggishoo Doono Yeeri gettitoommon, boonoshi qaabbechi Harooni boonoshich qociiti qociyoommon, Doono Yeerichi yaafee kexooch giyi boonoshi maddemmi maddee qociyoo ebine.

Eche Leweenaꞌo Boonoshi Shuuni Shuunooch Neexo

²⁰ Eche Lewi bushiisheenaꞌo wotta: Amiraami bushoo Shubaꞌeeli, Shubaꞌeeli bushoo Yehidiyi;

²¹ Rehaabiyi bushiishoochee iraashoo Ishiyaahi;

²² Yitsaareenaꞌoochee Shelomoti, Shelomoti bushiishoochee Yahaati;

²³ Kebirooni bushiisheenaꞌo: Qaabboo Yeriyi, bi hilloo Amariyi, keejjinnoo Yahazeli, awuddinnoo Yeqamemi;

²⁴ Uzeeli bushoo Miki, Miki bushoo Shamiiri;

²⁵ Mikichi manoo Ishiyaahi, Ishiyaahi bushoo Zakaariyaasi;

²⁶ Meraari bushiishoo Mahilinaa Muushina, Yaziiyi bushoo Beeni;

²⁷ Meraari bushiishoo Yaziiyi bushiisheenaꞌo tuneti, Beeni, Shohaami, Zakuurinaa Ibiirina;

²⁸ Mahili bushoo, Elazaari; Elazaari anaami bushoon shiyaanoone.

²⁹ Qiish waanee, Qiishi bushoo Yerahimeeli;

³⁰ Muushi bushiisheenaꞌo wotta Mahili, Edeerinaa Yerimootina. Eboshi boonoshi yari yaree woretoona haddeeti Leweenaꞌone.

³¹ Boonoshi maneenaꞌo tuneti Harooni bushiisheenaꞌo tuniitoommon, taatoo Daawiti, Sadooqi, Ahimeleeki, qeesheenaꞌochi yaree ukkireenaꞌonaa Leweenaꞌochi yaree ukkireenaꞌona beetoochaa ixoon duppiyeete. Qaabbe manoochi kechi asheenaꞌonaa guuche manoochi kechi asheenaꞌona tate ixoon duppiyeete.