1 Kiinoo 23 - Kafa Linguistics Project

Leweenaꞌo Boonoshi Shuuni Shuunooch Neexo

¹ Daawiti geenee bi baayehooba, bi bushoo Solomoonin Israꞌeeleenaꞌo toommooch taatiihe.

² Biyoo Israꞌeelee ukkiroo bullin, qeesheenaꞌonaa Leweenaꞌo bullinon ikkooch kiciye.

³ Shaashe natonaa ebiyee damboona tuneti Lewee anaamo bulli haddeehe. Boonoshi haddoo shaashaa shimitta humo tunehe.

⁴ Daawitiyoo, boonoshi daggoochee hiyaa awudda humoon Doono Yeerichi yaafee kexeexi shuunoon ciinnii shuuniyechinaꞌo, shiritta humoon wotta iraasheenaꞌonaa nallechinaꞌonon tuniihe;

⁵ awudda humoon kellechinaꞌo, wotta awudda humoon aroyicha iꞌi bi qanniiti shoddee qiicoona Doono Yeerin galletechinaꞌo tuniihe.

⁶ Daawitiyoo Leweenaꞌon, Lewi bushiisheenaꞌo Gerishooni, Qohaatinaa Meraarinochi gumbi gumb, keejj beera qoodiye.

⁷ Gerishoonichi anaami bushiisheenaꞌo: Ladaaninaa Shimeꞌinane.

⁸ Ladaanichi keejje anaami bushiisheenaꞌo: Iraashoo Yehiꞌeeli, Zetaaminaa Yoꞌeelinane.

⁹ Shimeꞌichi keejje anaami bushiisheenaꞌo: Shelomoti, Hazelinaa Haraaninane. Eboshiyoo Ladaani yareenaꞌochi ukkireenaꞌone.

¹⁰ Shimeꞌichi anaami bushiisheenaꞌo: Yahaati, Zinaahi, Yehuushinaa Beeriyinane. Ebi awuddeenaꞌo Shimeꞌi bushiisheenaꞌone.

¹¹ Yahaati ukkiroone. Biyee desho Zizaahine. Yehuushinaa Beeriyina meeti anaami bushiishoo shiyaaneenaꞌone. Ebich ikke yarotteꞌi haddeeheete.

¹² Qohaatichi awudde anaami bushiisheenaꞌo: Amiraami, Yitsaari, Kebirooninaa Uzeelinane.

¹³ Amiraami anaami bushiisheenaꞌo: Harooninaa Muusinane. Harooninaa bi yareenaꞌona bulli yemeenooch yaafee kechi qiicoon yaafoyich, Doono Yeeri aafooch ixaanoon shoohoyich, bi aafoochaa maddoonaa bi shigoona bulli yemeenoon asheenaꞌon diiroonoyich bariyeete.

¹⁴ Yeer asho Muusichi anaami bushiisheenaꞌoo Leweenaꞌona tookkii haddeeheete.

¹⁵ Muusichi anaami bushiisheenaꞌo: Gerishoominaa Elezeerinane.

¹⁶ Gerishoomichi anaami bushoo, iraashoo Shebuꞌeeline.

¹⁷ Elezeerichi anaami bushoo, iraashoo Rehaabiyine. Elezeerich bare anaami bushiishoo aalloone; tunebaani Rehaabiyichi anaami bushiisheenaꞌo meetinaꞌone.

¹⁸ Yitsaarichi anaami bushoo, iraashoo Shelomitine.

¹⁹ Kebiroonichi anaami bushiishoo: Iraashoo Yeriyi, guttinnoo Amariyi, keejjinnoo Yahazelinaa awuddinnoo Yeqameminane.

²⁰ Uzeelichi anaami bushiishoo: Iraashoo Mikinaa guttinnoo Ishiyaahinane.

²¹ Meraarichi anaami bushiisheenaꞌo: Mahilinaa Muushinane. Mahilichi anaami bushiisheenaꞌo: Elazaarinaa Qiishinane.

²² Elazaari anaami bushoon shiyaanoon qitiye; tunebaani maache bushiishoon shiyitone. Boonoshi xiboo tuneti Qiishi bushiisheenaꞌo boonoshin shaaggiyeete.

²³ Muushichi keejje anaami bushiisheenaꞌo: Mahili, Edeerinaa Yeremootinane.

²⁴ Yaree ukkiroo tuneꞌi boonoshi ikkikkoona boonoshi shigi shigoona kooreeꞌi haddeeti, Lewichi yareenaꞌo eboshine. Boonoshi eeno hiye natonaa ebiyee damboona tunetinaꞌo Doono Yeerichi yaafee kexooch maddee beetinaꞌone.

²⁵ Daawitiyoo, “Israꞌeelee Nuggishoo Doono Yeeri bi asheenaꞌoyich diggoon immitone; bulli yemeenoonoo Yerusaalem beeyemmone.

²⁶ Illa ebich, Leweenaꞌo ebiyee bekk yaafee duukkaanoonaa maddooch heechiibeeti qiiceenaꞌonon shaago boonoshich qaawiyaache” iye.

²⁷ Daawitichi ciireexi getoommon hiye natonaa ebiyee damboona tuneti Lewichi yareenaꞌo haddeeheete.

²⁸ Leweenaꞌochi shuunoo Doono Yeerichi kexoochaa Haroonichi yareenaꞌon gaacho, yaafee kechi addibaabeenaꞌonaa gateenaꞌonon shiimo, yaafeeti qiiceenaꞌon xalliyoonaa yaafee kechi amee shuunoonolla shuunoonane.

²⁹ Wotta yaaree koshoyich, maayi buuree buddinoyich, shittoo giyaanoon shishiitaa kachiibeeti koshoyich, zayitoona xirikketi maayoonaa kachiti kochi buuro aabichona ukkireenaꞌone; boonoshiyoo ebi buureenaꞌo bullin qeellaa qellayii beetinaꞌone.

^30-31 Maaddi maaddoon, womikki womikkoon, shambetooba, agenee keyi baaroobinaa maacheti baaroobina micciibeeti deejjoo Doono Yeerich deejjee beegaatoo Doono Yeerin galletoonaa oogiyoonoyich kuxaanoon bi aafooch neexee beeheete. Boonoshi haddoo ambicho bi tunemmo gaata, qoceeti qociyoommona maddee beeheete.

³² Danee duukkaanoonaa yaafee kexonon shiimee beeheete. Wottoo boonoshi maneenaꞌo tuneti Haroonichi yareenaꞌon Doono Yeerichi yaafee kexeexi maddoona gaachee beeheete.