Sams-Zgame 54 - Anumzamofo Routage Avantafere

Ra Anumzamo kegava hunantegahie huno asunte'nea zagamere

¹ Anumzamoka kagika'areti nagu'vazio. Hankanaveka'anu nagu'a refko hunka nago.

² Anumzanimoka nunamu keni'a nentahinka, nanekema kasami'nuana kagesa antenka antahio.

³ Na'ankure ru vahe'ma emani vahe'mo'za hara renantazageno, vahe'ma zamazeri havizama nehaza vahe'mo'za nahefri'za nehaze. Zamagra Anumzamofonkura antahi amaneza nesaze.

⁴ Hianagi Anumzamo nazahu nera mani'ne. Agra naza hige'na kasefa hu'na mani'noe.

⁵ Ha' vahe'nimo'zama nagri'ma nazeri haviza hu antahintahima retro'ma haza antahintahia, eri arukrahe hugeno, zamagri zamazeri haviza hino. Anumzamoka kagrama huvempama hunana kante antenka, ana vahetmina zamahe fri vagarege'za mago'enena ama mopafina omaniho.

⁶ Ra Anumzamoka nagra navesite kagritera ofa kresramna nevu'na, susu hugante'na kagia ahentesga hugahue. Na'ankure e'inama hanuana knare hu'ne!

⁷ Na'ankure kagra maka hazenkenifintira nagu nevazinka, nazahanke'na ha' vahe'ni'aramina hara huzmagatere'noe.