Tite 3 - Féké Testament 1947

¹ Mo déou laou kli an klime kaou bo̱ko̱ ndo̱ka zaworoli tèn njou‐name gangnali, da la baï bèlta, da mosso baï ndingna bèla pina bon guèbassoko,

² klime tane poukou njoukouna mbéo ya, klime fa baï jing hana ya, klime kaou vomboï, da bou mone kli guè koukoula jing njoukouli bon,

³ baï ko̱ ka tang ambèl na kéng ba ngawa, name fa baï, name la mongnafèn, name tèn koï hi nzala naïn‐mone da fèn jangnandaï toutoul toutoul, name kaou jing sènafèn da name fan hang, ka ma baï an njoukouli mi jèk na, da name jèk hana.

⁴ Da ko̱ bèla go̱ro̱ a Ouone Njou‐yana‐baï‐toul ama tèn sénahang nè jing njoukouli mi tèn tou,

⁵ tane ga ti ka ba mboro ndingna pina guédék ko̱ na fèna mi nding ya, da ka ba mboro ko̱na haïo nè mi ko̱ kème kou na, ka mboro toura on ko̱ mi mboung na ba aféké, da baï féra na tèn fékékè ka mboro Saint‐Esprit,

⁶ ko̱ kème bèrè kon toula nyèta guèbambèl ka mbora Jésus‐Christ Njou‐yana‐baï‐toul ama.

⁷ Mono on baï an name gui guédék ka mboro ndingna mbo̱l nè, an name ma baï tèna njou‐yanapéléli ka mboro oliya a yana kambèlè.

⁸ Baïnjaka aïn mi na lodok, da mè ji an mome sa toul fèn aïnli njèrèn ta, baï kli on ko̱ mi la bilaou a Ouone tou, mi bi hang kli toul ndingna bèla pina bon. Fèn aïnli mi bèlta an njoukouli mi jing fèn an ndourou.

⁹ Da mo ènrèn mono jing baï ouinafèn ngawa da bong mèrèn tangbaï, da njakana tèn fanabaï tou guingna; baï ko̱ njoukouna mi tane ga jing fèna an ndourou ya, fèn on mi na bo̱on.

¹⁰ Da njoukou on ko̱ mi wal hana jing nzanabaï, afal ko̱ mome wara nè bo̱ko̱ mbéo da an bo̱ko̱ sérékè, mo ourou dita jing nè,

¹¹ baï ko̱ mo toutou njoukou mahana ka on mi féré maï maï tou da nding békéfèn, da kè fènè mi wal kon toulè fènè.

¹² Ko̱ mème pi Artémas guè mono maléba Tychique, mo gui moni gata an pou Nicapolis; baï ko̱ mème kaou wang baï kaouna ndourou ka féou tétél.

¹³ Mo pi Zémas njou‐to̱ko̱na guingna da Apollos sé mbora kli gada, mono on an fèna mbéo mi tane pènrèn kli ya.

¹⁴ Da dadaon njoukou nali mi ndé tou bong ndingna bèla pina kéng, baï jingnafèn on ko̱ mi pènrèn kli, mono on an klime tane kaou bo̱on tane léna lénakè ya.

¹⁵ Njoukouli bon ko̱ mi kaou jing mi mi name mo. Mo name kli on bon ko̱ hang kli mi na toula ka tounassaon. An ndingna mbo̱l mi na jing oui bon!