Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Saint Matthieu 28 - Féké Testament 1947

1 Afal ko̱ name sabbat mi ta tou, da titili name semaine ka toulapélé, Marie an Magdala tèn Marie aféké mi gui baï ko̱na pal a Jésus.

2 Da mono, koukoula mi to̱ nyèta; baï ko̱ ange a Nanjou mi diri ka nonkala, da gui koukoula ka bourou kone saou guèfal, da kaou toulkè.

3 Nonè mi o̱ mahana ka fana none mbame, da la nè mi poukou ta mahana ka neige.

4 Da waou mi i tourougouli ta, da mone kli mi to̱ kli, da kli kaou mahana ka houli.

5 Da ange mi féré sa, ka sa hi waïnli on: Oui waou ya; baï ko̱ mè toutou oui nza Jésus aïn ko̱ klime bara nè bi di‐croix.

6 Kè tane ti guèl aïn ya; baï ko̱ kème tome tou, mahana yé baï ko̱ kème sa jinguèl. Oui gui ka ko̱ guèl ko̱ Nanjou na bou rou.

7 Da oui sé ga ka sa hi njou‐séna bong nèli, ko̱ kè tome an wora houli tou. Da mono yé kè sé dambèl hi oui guè guèl Galilée; oui ma ko̱ nè an soko, mono mi mè sa hi oui tou.

8 Da kli ourou an njaka pal gata ka none waou tèn jangnandaï nyèta, kli ngou ka sé baï sanakè hi njou‐séna bongli.

9 Mono Jésus mi woutoul jing kli, ka sa: Mè name oui nyèta. Da kli gui ka ba bo̱kè da houkou ka hiou nè.

10 Da Jésus sa hi kli: Oui waou ya; oui sé ka sa hi yine nili an klime sé guè guèl Galilée; da yé kli ma ko̱ mi an soko.

11 Da ko̱ klime yé séna, mono tourougou hanali mi gui bil pou, ka sa bongkè hi loukou sacrificateurli fènli bon ko̱ mi tèn kli tou.

12 Da ko̱ klime ndoï jing tangchidoli da bakèdakè, kli hi mbo̱ri nyèta hi tourougouli,

13 ka sa: Oui sa: Njou‐séna bong nèli mi gui ka hangnachoung da ri monè guèfal, ko̱ name na name.

14 Da tokoré njou‐name gangna mi la baï on, yé na mong nè, da yé na ma ya barabaï guèfal an toul baï.

15 Da tourougou aïnli mi ya mbo̱rikèli, da nding mahana ko̱ kème to̱ko̱ hi kli, da baï aïn mi ti an wora Juifli bo̱l tèn kassénaï.

16 Da njou‐séna bongli botoulè‐mbéo mi sé guè guèl Galilée an toul souraguèl, an guèl on ko̱ Jésus mi sa hi kli.

17 Da ko̱ klime ko̱ nè, kli houkou ka hiou nè. Da afékéli mi nding ka ndouri.

18 Da Jésus mi guè mone kli, ka sa hi kli, ka sa: Kè hi njèran bon hi mi an toula nonkala tèn koukoula.

19 Da on, oui sé ka mosso njou‐séna bongli an bil pime pouli bon, ka nding baptême hi kli, ka bil ling a Baba da ka Goune tèn ka Saint‐Esprit,

20 ka to̱ko̱ hi kli baï bouna fal fènli bon ko̱ mème sa bi njaka baï. Da mono mè ma kaou jing oui name bon bo̱l tèn sèkèrè name a koukoula.

Published by the British and Foreign Bible Society in 1947.

British & Foreign Bible Society
ကြှနျုပျတို့နောကျလိုကျပါ:



ကြော်ငြာတွေ