Saint Luc 3 - Féké Testament 1947

¹ Ko̱ Tibère César mi na gangna mane saka botoulè‐dioui, — da Ponce Pilate mi kaou njou‐nama gangna an guèl Judée, Hérode ba tétrarque an guèl Galilée, da yine nè Philippe ba tétrarque an guèl Iturée tèn an guèl Trachonite, da Lysanias ba tétrarque an guèl Abilène,

² ka saka o̱kèo̱ Anne da Caïphe ba zaworo sacrificateurli — baïnjaka Ouone mi guè mona Jean, goune a Zacharie an woropa.

³ Da kème sé mane bil pouli bon an bèl mbi Jourdain, ka sa mboura yana baptême baï hèkèna békéfèn, baï ko̱na békéfèn pa,

⁴ mahana ka on ko̱ mi dé a takarata a baïnjaka prophète Ésaïe: Kè ba mbo̱kakè on ko̱ mi bouka an woropa ba: Oui mosso dombora Nanjou, Oui taka wo̱wo̱k mboro nèli tane ta,

⁵ Bongolo guèli bon ma sourou, Da loukou souraguèli da lélé kondi ma ba guè tiya kon koukoula bon; Ranafèn ma gui tane ta, da ngo̱go̱lok domboroli ma go̱ko̱ro̱ rèngpèng.

⁶ Da naïn‐mone bon ma ko̱ mboro yana‐baï‐toul a Ouone.

⁷ Mono on, kème sa mahana ka on hi ro̱kè njoukouli on ko̱ mi guè monè baï yana baptême: Oui mèran béké choïli, guème ko̱ wara oui baï ngouna hèrè on ko̱ mi nding baï guina lé?

⁸ Mono on, oui to̱ko̱ lénakè ko̱ mapélékè hèkèna békéfèn tou, ka tane ti ba baï an ouime tissaon baï sana ka bil baï ya: Abraham ba baba na! baï ko̱ mème sa hi oui ba, Ouone ma baï féra kone aïnli tèn goundi a Abraham.

⁹ Da kassénaï téna mana an saon dili kéng: mono on, dili bon mi lé bèla lénakè ya, yé kli ma koung ka wou kon hèlè.

¹⁰ Da ro̱kè njoukouli mi oui nè, ka sa: Da on yé na nding ane dé?

¹¹ Kème féré sa, ka sa hi kli: Kè ko̱ jing la séré, kème hi kènkè hi kè on ko̱ mi kaou bo̱on, da kè ko̱ jing laka kème ndé nding mabahana on kéng.

¹² Da njou‐mangna l’impôtli mi ndé gui monè kéng, baï yana baptême da kli oui nè: Njou‐to̱ko̱nafèn, yé na nding ane dé.

¹³ Da kè sa hi kli: Oui mbèkè l’impôt kon toulkè ta bina baïnjaka baï ya.

¹⁴ Da tourougouli mi ndé oui nè kéng: Da ama, yé na nding ane dé? Da kè sa hi kli: Oui vaïn njoukouna mbéo ya, ka koung baï ya, da ji bo̱ko̱kè jing ba mbo̱ri ko̱ ouime jing.

¹⁵ Da ko̱ njoukouli mi kaou baï oliya, da njoukouli bon mi kèrè ka bo̱ko̱ go̱ro̱ kli baï toula Jean, ba kong kè ba Christ.

¹⁶ Jean mi féré sa, ka sa hi kli bon: Babaï, mè nding baptême hi oui ka mbi, da njoukouna mbéo ko̱ ma gui o̱ kè njèrèn ta mi bon, da mè tane ga mapélékè baï séla sal sabo̱ko̱ nè ya. Kè ma nding baptême hi oui ka ba Saint‐Esprit da ka ba hèlè.

¹⁷ Da fèn féna mana an ndo̱kè ma fé guèl baï wana mèrènfèn nè tang ta. Kè ma ndo̱ï mèrèn mapa kon poulè, da kè ma kon sadakèli hèrè ko̱ mi tane hou ya.

¹⁸ Mono, Jean mi sa mboura bèlabaï hi njoukouli ka wara kli maïya toul fèn afékéli nyèta.

¹⁹ Da Hérode, ko̱ ba tétrarque, mi ya Hérodias, waïn a Philippe ko̱ ba mbé yine nè, da Jean mi wara nè baï toul fèn on, da baï toul béké fènli bon ko̱ Hérode mi nding,

²⁰ da Hérode, mi kaïn nding békéfèn ba aféké, ka ba Jean bou jo̱bo̱.

²¹ Da baï mi gui mahana ka on, ko̱ njoukouli bon mi ya baptême tou. Jésus mi ndé ya baptême kéng; da, ko̱ kè pane hiouna Ouone, nonkala mi bourou tou,

²² da Saint‐Esprit mi diri gui da kaou laou toulè bél monè mi na mahana ka nguédé. Da bounaka mi ba gui ka nonkala: Mo ba Goune ni ko̱ mème sé hang‐o̱ nyè ta; mo bi wélé touli ta.

²³ Saka a Jésus hèdi bongkè‐saï ko̱ kème tissaon baï to̱ko̱nafèn, da njoukouli mi ko̱ nè mahana ko̱ kè ba goune a Joseph, ko̱ ba goune a Héli,

²⁴ goune a Matthat, goune a Lévi, goune a Melchi, goune a Jannaï, goune a Joseph,

²⁵ goune a Mattathias, goune a Amos, goune a Nahum, goune a Esli, goune a Naggaï,

²⁶ goune a Maath, goune a Mattathias, goune a Séneï, goune a Josech, goune a Joda,

²⁷ goune a Joanan, goune a Rhésa, goune a Zorobabel, goune a Salathiel, goune a Néri,

²⁸ goune a Melchi, goune a Addi, goune a Kosam, goune a Elmadam, goune a Er,

²⁹ goune a Jésus, goune a Éliézer, goune a Jorim, goune a Matthat, goune a Lévi,

³⁰ goune a Siméon, goune a Juda, goune a Joseph, goune a Jonam, goune a Éliakim,

³¹ goune a Méléa, goune a Menna, goune a Mattatha, goune a Nathan, goune a David,

³² goune a Isaï, goune a Jobed, goune a Booz, goune a Salmon, goune a Naasson,

³³ goune a Aminadab, goune a Admin, goune a Arni, goune a Esrom, goune a Pharès, goune a Juda,

³⁴ goune a Jacob, goune a Isaac, goune a Abraham, goune a Thara, goune a Nachor,

³⁵ goune a Seruch, goune a Ragau, goune a Phalek, goune a Eber, goune a Sala,

³⁶ goune a Kaïnam, goune a Arphaxad, goune a Sem, goune a Noé, goune a Lamech,

³⁷ goune a Mathusala, goune a Enoch, goune a Jared, goune a Maléléel, goune a Kaïnan,

³⁸ goune a Énos, goune a Seth, goune a Adam, goune a Ouone.