Saint Luc 14 - Féké Testament 1947

¹ Da baï mi gui mahana ka on, ka name sabbat hana, ko̱ Jésus mi sé an bil voula zaworo mbéo a pharisienli baï sona laka, kli ènrèn nè wongnonli.

² Da mono on, njoukouna mbéo makaou an mbèlè ko̱ monè mi bara hitiou.

³ Da Jésus mi féré sa hi njou‐to̱ko̱na guingnali da pharisienli, ka sa: Ka mboro guingna ma baï haïna mona njoukou ka name sabbat, lé?

⁴ Da kli kaou ka njaka kli. Da Jésus ya njoukou on ko̱ kème haï monè, da kè yèng nè an kème sé.

⁵ Da kè sa hi kli: Guè an woro baï, ko̱ jing goune torofio maléba ndaïya da mi lé an bil lo̱ko̱ mbi, da koukoulion kè ma ko̱ko̱ nè tèn kala ka name sabbat ya lé?

⁶ Da kli tane mapélékè baï sanakè ba aféké toul fèn aïnli ya.

⁷ Da kè sa ébèlbaï hi kli on ko̱ klime di kli, ko̱ kème ko̱ mboro kli, ko̱ klime nza titili kangalali baï an kli fèn kli; da kè sa hi kli:

⁸ Da tokoré njoukouna mi di mo baï gnèna laka ka name bina waïn voulou, mo ko̱ kaou titili kangala ya, maléba touya kè ma di njoukou aféké ko̱ ling‐è mi ti ta ling‐o̱,

⁹ da kè on ko̱ mi di mo kira kè, ma gui ka sa hi mo: Mo yèng guèl aïn hi njoukou aïn, da chonron ma sé mo baï yana sèkèrè guèl kaouna.

¹⁰ Da tokoré klime di mo, mo guè ka kaou sèkèrè guèl kaouna, da njoukou on ko̱ mi di mo gui tou, da kè sa hi mo: Bako̱la mo sé ka kaou guè toulkè soko. Da on yé mo ma kaou jing jonafèn an nona kli on bon, ko̱ kaou sona laka jing mo.

¹¹ Baï ko̱ njoukouna on ko̱ mi ji ba an ling‐è fènè mi ti, yé kè ma è, da njoukouna ko̱ bou monè guè koukoula yé ling‐è ma ti.

¹² Da kè sa hi njoukou on kéng ko̱ di nè baï sona laka: Ko̱ mo jou laka ko̱ séssé mi olaoutoul maléba ka bélaléou, mo di bako̱la noli ya, maléba yine noli ya, maléba mèran njoukou noli ya, maléba ba noli ko̱ nguèrè ta ya, ka touya kli ma féré di mo kéng, da mo ma jing toul ndo̱ko̱.

¹³ Da ko̱ mome jou gnèna laka, mo di foïna njoukouli da njou‐komoronli ka ndo̱ko̱ kli da ka bo̱ko̱ kli, tèn njou‐foukoura nondi.

¹⁴ Da yé mo ma jangndaï, baï ko̱ fèna tane ti baï férakè hi mo ya; baï ko̱ yé mo ma jing toul ndo̱ko̱ ka name tomnahoulkèli a njou‐guédékli.

¹⁵ Da ko̱ njoukouna mbéo ko̱ kaou sona laka jing nè, mi la baï on, kè sa hi Jésus: Yè jangnandaï ba baï a kè on ko̱ son mapa an bilkaou a Ouone.

¹⁶ Da Jésus mi féré sa hi nè: Njoukouna mbéo ko̱ mi jou gnèna laka ka ba bèlaléou, da kè di njoukouli nyèta.

¹⁷ Da ko̱ l’heure sona laka mi gui tou, kè pi koï nè, baï sana hi kli on ko̱ kème di kli: Oui gui, baï ko̱ kème rèk fènli bon o̱tou.

¹⁸ Da kli bon kèrè fèn mbèo ka tissaon baï pariyabaï. Titili njoukou sa hi njou‐pina on! Mè zé goune sél koukoula da mè ji baï séna ka ko̱, mè sa jo̱jo̱ no, an mome yèng mi an mème sé.

¹⁹ Da aféké mi kaïn sa: Mè zé ndaïyali bo tou, ko̱ sé séré séré jing hana, da mè ji séna ka lé kli; mè sa jo̱jo̱ no an mome yèng mi an mème sé.

²⁰ Da aféké mi kaïn sa: Mè ya waïn bi vouli tou da baï on mi mè tane mapélékè baï guèna ya.

²¹ Da koï on mi féré fal ka sa baï on hi nanjou nè. Da baï on mi go̱ra nanjou voulou mi sé nè ta, da kè sa hi koï nè: Mo sé gata guè loukou domboro tèn lélé domboro pouli, ka ya foïna njoukouli da njou‐komronli ka ndo̱ko̱ kli da ka bo̱ko̱ kli tèn njou‐foukoura nondi, ka gui.

²² Da koï aïn mi sa: Nanjou, mè nding mabahana ko̱ mome sa bi njaka ni, da guèl afékéli na bo̱on.

²³ Da nanjou mi sa hi koï aïn: Mo sé guè panamboro wakali, mo to̱ko̱ssé hi kli baï an klime gui bilkè, da baï on an bil vouli mi mbarou.

²⁴ Baï ko̱ mè sa hi mo, yé njoukouna mbéo an zéng njoukouli on ko̱ mè di kli baï sona laka, ma sanran laka ni ya.

²⁵ Da ro̱kè njoukouli mi nyè maïya sé domboro jing Jésus. Da kè ki monè, ka sa hi kli:

²⁶ Tokoré njoukouna mi gui moni da jèk baba nè fènè ya, da ma nè, tèn waïn nè, da goune nèli da yine nèli, da njo̱ waïn fèn nèli, tèn dodok yana nè fènè kéng ya, kè tane ma baï tèna njou‐séna bong ni ya.

²⁷ Da njoukouna ko̱ tane hol dodok di‐croix nè fènè ya, da gui fali ya, kè tane ma baï tèna njou‐séna bong ni ya.

²⁸ Guè a woro baï, ko̱ kème ji baï zana gangnafèn, kè tane kaou baï kèna cho̱ko̱kè ka kome, ka tou kong ba yé mbo̱ri mapélékè, baï zana rou o̱ ya lé?

²⁹ Maléba touya da ko̱ kème mosso bètèkè tou, da kème tane ma baï ndingna garakè ya, da njoukouli bon mi ko̱ on kli tissaon baï gaïna nè,

³⁰ ka sa: Njoukou aïn mi tissaon baï zanakè, da kè tane ma baï ndingna garakè ya.

³¹ Maléba nanjoukaou an hani, ko̱ to̱koré kème sé baï rouna béré kira nanjoukaou aféké, da kè tane kaou baï foula falkè ka kome, ka tou kong ba yé kè ma jing njoukouli ma ténakè‐té sé baï wounatoul jing kè on, ko̱ gui baï rounakè jing njoukouli on, ko̱ mi mane ténakè‐té‐séré ya lé?

³² Maléba tokoré ko̱ nanjoukaou aféké mi pame dita, kè pi ka oui mborokè kong ba yé kli ma baï kaouna longna pou jing hana lé.

³³ Mono on, njoukouna an woro baï ko̱ mi tane yèng fèn nèli bon ya, kè tane ma baï tèna njou‐séna bong ni ya.

³⁴ Tome ba bèlafèn, da tokoré tome mi bo̱l rina nè, yé kè féré kaïn ri an hane dé?

³⁵ Kè tane ma baï koukoula ya, maléba an kala ya. Kli kon pa nè. Da kè on ko̱ soukè mi outa dadaon an kème la.