Romainli 7 - Féké Testament 1947

¹ Da oui tane ga tou ya yindi, baï ko̱ mème sa baï aïn hi ba njoukouli on ko̱ mi toutou guingna, guingna mi na gangna an toula njoukou ko̱ kème pane ka none dé?

² Baï waïn on ko̱ mi jing wa, guingna mi gna waïn kira wa nè bo̱lo̱ hana ko̱ kème pane ka none; da tokoré wa on mi hou tou, mi sélè an guingna wa nè tou.

³ Mono, tokoré wa nè mi pane ka none, da kème sé ka é wonron aféké, yé kli ma bi ling‐è ba waïn‐maïn; da tokoré wa nè mi hou, guingna on mi sél an toulè tou, da tokoré kème é wonron aféké, kè tane ti ba waïn‐maïn ya.

⁴ Mono baï on yine nili mi ndé hi oui baï houl jing guingna ka bil kli‐mona Christ, baï an ouime ma baï bo̱la jing njoukou aféké, tongna njoukou on ko̱ mi tome nè an wora houli, an name ma baï léna lénakè hi Ouone.

⁵ Baï tokoré ko̱ name pane jing naïn mone jinguèl, nzala békéfèn, on ko̱ mi gui ka mboro guingna, mi joukourou an bil fèn monali baï léna lénakè ko̱ hi houl.

⁶ Da kassénaï ko̱ mi sél na an guingna, ko̱ name hou jing fèn on ko̱ dèn na jinguèl, da mono on, an name kaou koï ka mboro féké laou, da tane ti ka ba mboro tang fèn déna ya.

⁷ Mono on, yé na ma sa ba fèn lé? Guingna ba békéfèn lé? Tane ti on ya. Da tokoré guingna mi tane ga to̱ko̱ hi mi ya, mè tane ga tou békéfèn ya, baï tokoré guingna mi tane ga sa ba: Mo fan hang ya, mè tane ga toutou on ko̱ ba fanahang ya.

⁸ Da békéfèn mi jing mboro baï toul bina baïnjaka guingna ka nding an bili mèrèn fanahang bon baï ko̱ tane guingna békéfèn mi hou.

⁹ Baï ko̱ jinguèl mè kaou ka none, da mè tane ti ka guingna ya, da ko̱ bina baïnjaka guingna mi gui, békéfèn mi tome ka yan da mème hou.

¹⁰ Da bina baïnjaka guingna on mi na baï hina yana hi mi, da jing rou ba fèn hina houl hi mi.

¹¹ Baï ko̱ békéfèn mi jing mboro baï toul bina baïnjaka guingna ka mong mi, da i mi ka mboro on.

¹² Baï on guingna mi na ba tangna fofoto da bina baïnjaka guingna mi na ba tangna fofoto, guédék ka bèlta.

¹³ Mono on, fèn on ko̱ mi bèlta mi féré tèn ba fèn houl jing mi lé? Tane ti on ya. Da ba békéfèn on mi to̱ko̱ ko̱ nonkè ba békéfèn nding fèn baï an mème hou, ka mboro fèn on ko̱ bèlta, an tènrèn none békéfèn ka mboro bina baïnjaka guingna mi wéré nonkè bi kala ka babaï, ko̱ on bon mi bèlya maïya.

¹⁴ Baï ko̱ name toutou guingna ba fèn a Esprit; da mè ba a naïn‐mone ko̱ mi jo̱l mi hi békéfèn.

¹⁵ Baï ko̱ mè tane ga tou fèn on ko̱ mè nding ya, baï fèn on ko̱ mème ji baï ndingnakè, mè tane nding ya, da fèn on ko̱ mème jèk mi ko̱ mème nding.

¹⁶ Da ko̱ mème nding fèn on ko̱ mème tane ga ji baï ndingnakè ya, mè ji bo̱ko̱kè ko̱ guingna ba bèlakè.

¹⁷ Da mono kassénaï tane ti ba mè fèni ba aféké mi ko̱ nding on ya, da ba békéfèn on ko̱ mi na an bili.

¹⁸ Baï ko̱ mème toutou bèlafèn hana mbéo mi tane ga ti an bili ya, on mi sa an bil naïn‐moni, mè ji bo̱ko̱kè, da ba baï ndingna bèlafèn mi tane ga ti jing mi ya.

¹⁹ Baï bèlafèn on ko̱ mème ji baï ndingnakè mè tane ga nding ya, da ba békéfèn on ko̱ mème tane ga ji baï ndingnakè ya, mini ko̱ mème nding.

²⁰ Da tokoré ko̱ mème nding fèn on ko̱ mème ji baï ndingnakè ya, tane ga ti ba mè fèni ba aféké mi ko̱ nding on ya, da ba békéfèn on ko̱ mi na an bili.

²¹ Mono, mè jing guingna on: ko̱ mè fèni mi ji baï ndingna fèn bèlta, da békéfèn mi gna bi jing mi.

²² Baï ko̱ mème jing jangnandaï jing guingna a Ouone, ka mbora njoukou on an bilkè;

²³ da mème ko̱ kène guingna ka toul an bil fèn monili, on ko̱ mi rou béré kira guingna laou ni, da bou mi ba koï guingna békéfèn on ko̱ na an bil fèn monili.

²⁴ Mè ba njou‐to̱ko̱nassé nyèta! Yé guème ko̱ kou mi an kli‐mone houl aïn lé?

²⁵ Mè kaou koukoula hi Ouone mbo̱l Jésus‐Christ, Nanjou na. Mono on, mè fèni ka laou‐kèrafèn ni, mè tèn koï guingna a Ouone, da ka naïn‐moni mè tèn koï guingna a békéfèn.