Hébreuli 5 - Féké Testament 1947

¹ Baï ko̱ zaworo sacrificateurli bon ko̱ klime ya kli mbéo mbéo an wora njoukouli, mi sane baï a njoukouli jing ndingna bakara a fèn on a Ouone, an kème hi toul ndo̱ko̱li da sacrificeli baï toula békéfènli.

² Kè on ko̱ mi ko̱ kli passéta, ko̱ tou fèn ya, da kli on ko̱ wol mborokè, baï ko̱ kè mi ndé bou hèfèrè mone on kéng.

³ Da baï on kè hi sacrificeli baï a dodok békéfèn nèli da baï a njoukouli bon.

⁴ Baï ko̱ njoukouna mbéo tane ga jone ling‐è fènè ya, ba on ko̱ Ouone mi di nè, mono mahana ka Aaron.

⁵ Mono on, Christ kéng kè mi tane ga nza jonafèn fènè ya, baï tèna zaworo sacrificateur, da ba kè on ko̱ mi sa hi nè jinguèl. Mo ba Goune ni, Name aïn mè mboung mo tou!

⁶ Mahana ko̱ kè ndé sa an guèl aféké kéng: Mo ba sacrificateur kambèlè, An mi ma ka mbora Melchisédek.

⁷ Kè on ka name a naïn‐monè, ko̱ kème hiou Ouone ka sa jo̱jo̱ nyèta ka lé léou guè siya mingta ka mbiléou hi nè, ko̱ ma baï kouna nè an guèl houl, da ko̱ Ouone la nè, baï ko̱ kè ngou waou nonè.

⁸ Tongna ko̱ kè ba Goune, kè tou baï lana baï an bil fèn on ko̱ kème to̱ko̱ssé an ndourou.

⁹ Da baï ko̱ kè tèn guédék bon tou, kè gui baï a kli on bon ko̱ la baï nè, nanjou hina yana‐baï‐toul kambèlè.

¹⁰ Ouone bi ling‐è ba zaworo sacrificateur an mi ma ka mbora a Melchisédek.

¹¹ Na jing baïli nyèta baï sanakè, da fènli nyèta lata baï wéra nonkè, baï ko̱ soukou baï tane ga la tang ya.

¹² Baï ko̱ saka nyèta kassénaï mono an ouime ma baï guina ba njou‐to̱ko̱nafènli, da oui pènrèn fèn mahana ka on, dadaon an njoukouna mi féré ka to̱ko̱ titili fènli a none baïnjaka Ouone hi oui, da oui mahana ka kli on ko̱ ji ba pame, da oui ma baï sona laka ko̱ pouta ya.

¹³ Baï ko̱ njoukouli bon on ko̱ njo pame makaou tane touna baïnjaka a guédék ya, baï ko̱ kè pane ba joï goune.

¹⁴ Da laka on ko̱ pouta mi ba baï a pongna njoukouli, kli on ko̱ laou‐kèrafèn akli mi pouta baï touna sik ka mboro fèn on ko̱ bèlta maléba fèn on ko̱ mi bèlya.