Hébreuli 4 - Féké Testament 1947

¹ Mono on, dadaon an name nding waou, baï ko̱ Ouone mi bi gonjaka hi na baï an name kan guèl yanatana nè, an njoukouna an woro baï mi tane pènrèn bina gonjaka on ya.

² Ka babaï, kli sa mboura bèlabaï hi na mahana ka kli; da lana baïnjaka on na bo̱on jing kli, baï ko̱ klime tane ga ndoï ya, jing tounassaon a kli on ko̱ mi la.

³ Baï na on ko̱ la bilaou, na kan guèl yanatana on, mahana ko̱ kème sa jinguèl: Ko̱ mè lou fèn ka njaka hèrè, Yé kli ba kana guèl yanatana ni tane tiya! Tongna ndingna pina nè ko̱ o̱ tou jinguèl ka titili mossona koukoula.

⁴ Baï ko̱ kè sa an guèl aféké toul name an difala‐sérékè. Da Ouone mi yèng pina nèli bon ka yan tana nè ka name an difala‐sérékè.

⁵ Da guèl on ba aféké: Yé kli ba kana guèl yanatana ni tane tiya!

⁶ Mono on, hanali ko̱ mi ma baï kana bilkè, da kli on ko̱ njoukouli sa mboura bèlabaï hi kli ka tang ambèl, kli pènrèn baï kana bilkè baï ko̱ klime kaou ka ndouri.

⁷ Ouone badi name an hana ba aféké, kassénaï, kè sa ka njaka David, saka bongkè dita afal, mahana ko̱ mi sa ambèl: Kassénaï, tokoré ouime la njakè, Go̱ro̱ baï mi na wang ya.

⁸ Da tokoré Josué mi hi yanatana hi kli jinguèl, kè tane sa toul name aféké afal on ya.

⁹ Mono, name sabbat mi na baï a njoukouli a Ouone mi yan tana kli.

¹⁰ Da kè on ko̱ kan guèl yanatana a Ouone, kè fènè mi yèng pina nèli fènè kéng, mahana ko̱ Ouone mi yèng pina nè jinguèl.

¹¹ Mono on, dadaon an name nza mborokè baï kana guèl yanatana on, an njoukouna mi lé ya, ka mboro séna fal mbé mèrènkè a kli on ko̱ kaou ka ndouri jinguèl.

¹² Baï ko̱ baïnjaka Ouone mi yan ka njèrèn ta, ka outa ta gamba ko̱ outa mbora séré bon, da wé mi ko̱ wal laou kira esprit, ka wal kouroukè kira lo̱lo̱ko̱kè séré bon, da kè to̱ko̱ saon kèrafèn da badinafèn an bil bo̱ro̱.

¹³ Da fèn mossona mbéo ko̱ mi mou monè an nonè mi tane ti ya, da fènli bon mi wéré bi kala ka nona ro̱kè tou an bo̱ko̱ nona kè on ko̱ mi ma an name to̱ko̱ bong njaka na hi nè.

¹⁴ Mono on baï ko̱ na jing loukou zaworo sacrificateur, Jésus, Goune a Ouone, kè on ko̱ ta sé nonkalali tou, dadaon an name ba tounassaon na pou.

¹⁵ Baï ko̱ na tane ti ka zaworo sacrificateur ya, on ko̱ mi tane ma baï ndingna haïo hi na ya; an guèl on ko̱ name kaou hèfèrè, da mi lé nè jing fènli bon mahana ka na, da kè tane ga nding békéfèn ya.

¹⁶ Mono on, dadaon an name guè bèl kangala njaka bara ndingna mbo̱l ndo̱t tane waou, an na mi jing haïo da nza ndingna mbo̱l baï léna mbèla ka name on ko̱ fèn mi nak na.