Hébreuli 2 - Féké Testament 1947

¹ Mono on, baï fènli on, dadaon an nona mi sènta toula fènli on ko̱ name la tou, an name tane yangnaran fèn aïnli ya.

² Da tokoré baïnjaka on ko̱ mi gui ka mbora angeli jinguèl mi na ba babaï, da baï séla guingna bon tèn fana baï bon, jing toul ndo̱ko̱ guédék on ko̱ mi ma.

³ Yé na ngou mahana ka fèn, tokoré name nding chone jing loukou yana‐baï‐toul on lé? ko̱ Nanjou fènè mi sa on ka titilikè, da kli on ko̱ mi la tou, kli to̱ko̱ baï on hi na ko̱ ba babaï.

⁴ Ouone mi ndé to̱ko̱ jing kli kéng, ka mboro fèn to̱ko̱nakèli da fèn sakamli, da njèran pinali toutoul, toutoul, da ka mboro toul ndo̱ka Saint‐Esprit, ko̱ kè wal hi kli ko̱ kaou mara fal toulè.

⁵ Baï ko̱ Ouone mi tane ga yèng njou‐koukoulali ko̱ mi gui, ko̱ name sa baïkè, bi bo̱ko̱ ndo̱ka angeli ya.

⁶ Da njoukouna mbéo an guèl hana sa bongbaï on ka sa: Njoukou ba fèn da mome bi hang‐o̱ toulè lé? Maléba goune a njoukou ba fèn da mome gui baï ko̱na nè lé?

⁷ Mo mosso nè an mi ma ka angeli ya, ka name gounfènakè, Mo goukou mbélé couronne toulè jing jonafèn da dikna, Da mo bi nè toul pina an ndo̱ko̱ bon.

⁸ Da mo kon fènli bon an bo̱ko̱ holè, Baï on ko̱ Ouone mi kon fènli bon an bo̱ko̱ holè, kè tane ga yèng fèna mbéo ya, ko̱ mi na an bo̱ko̱ holè ya. Da kassénaï na pane ga ko̱ fènli bon an bo̱ko̱ holè ya.

⁹ Da na ko̱ Jésus, kè on ko̱ Ouone mi mosso nè an mi ma ka angeli ya, baï name gounfènakè, kè on ko̱ jing mbélé couronne a jonafèn da dikna, baï toul houl on ko̱ kème to̱ko̱ssé, an kè, ka mboro ndingna mbo̱l a Ouone, mi sanran houl baï toula njoukouli bon.

¹⁰ Baï an kè on ko̱ fènli bon na mbo̱l kè, da fènli bon gui ka mbora mè, baï ko̱ kème ji mira goundi nyèta kan jonafèn, an mi ma an kème nding nanjou yana‐baï‐toul akli mi tèn guédék ka mboro to̱ko̱nassé.

¹¹ Baï ko̱ kè on ko̱ wal kli bi baï nè fènè, da kli on ko̱ mi wal bi tou; kli bon ba a Baba mbéo, baï fèn on chonron tane sé nè ya, baï dina kli ba yindi.

¹² Da kè sa: Yé mè sa hi yine nili toul ling‐o̱; Yé mè di sing ko̱ jone mo an woro kli ko̱ ndoï.

¹³ Da aféké: Yé mè bi laou ni toulè. Da aféké: Ko̱, mè da goundi on ko̱ Ouone mi hi mi.

¹⁴ Mahana ka on ko̱ goundi mi yan mbé naïn‐mone da séme, kè ndé yan mone mabahana kéng, baï ko̱ ka mboro houl, kè ma baï mougnoura kè on ko̱ jing njèran a houl, ko̱ mi sa ba zabolo.

¹⁵ Mono on kè ma baï séla kli on bon ko̱ tèn ba koï an bo̱ko̱ jo̱bo̱, ka mboro ngouna waou houl, guèbassoko mane saka akli bon.

¹⁶ Ka babaï, kè tane ga nding on hi angeli ya, da kè nding on hi ba mèlan Abraham.

¹⁷ Mono on ba baï toulè, baï tèna mahana ka yine nèli jing fènli bon, mono an kème tèn ba zaworo sacrificateur baï ndingna haïo da lodok ka bil fènli on ko̱ ba a Ouone, baï hina sacrifice a cho̱ko̱kè baï békéfènli a njoukouli bon.

¹⁸ Baï ko̱ kè fènè mi to̱ko̱ssé an bil yakanafèn jinguèl, kè ma baï léna mbèla kli on ko̱ fèn mi yak kli.