Éphésienli 2 - Féké Testament 1947

¹ Da oui on ko̱ kème hi yana hi oui ko̱ ouime ba houl jinguèl ka mboro séla guingna tèn mboro békéfèn abaïli,

² guèl ko̱ ouime sé rou jinguèl ka bong séna an bilkaou koukoula aïn, ka mboro zaworo a njèranli an siya, ka esprit on ko̱ kassénaï mi nding an bila goundi a njoukouli on ko̱ fa baï.

³ Da na bon mi ndé kaou jinguèl jing kli kéng jing nzala naïn‐mona, ka bou fal nzala naïn‐mone tèn laou‐kèrafèn na, da ka bo̱ko̱di na, na ba goune hèrèli mahana ka afékéli.

⁴ Da Ouone ko̱ mi jing nguèra haïo baï kakaïya sénahang nè ko̱ kème sé hang na jing rou,

⁵ da tongna on ko̱ name ba houl ka mboro séla guingna na, kème féré yana hi na ka bila Christ, (ko̱ mi kou na ka mboro ndingna mbo̱l),

⁶ da kème tome na jing nè, ka ya na baï kaouna jing nè an guèli an nonkala, ka bila Christ‐Jésus.

⁷ Baï an kème to̱ko̱ kakaïya nguèra ndingna mbo̱l nè ka sakali on ko̱ mi nding baï guina ka mboro pana bilè jing na ka bila Christ‐Jésus.

⁸ Baï ko̱ ka mboro ndingna mbo̱l mi ko̱ oui kou tou ka mboro tounassaon, da fèn on mi tane ti ba abaï fèn baï ya, on ba toul ndo̱ka Ouone,

⁹ tane ti ba baï pina ya, mono on an njoukouna mbéo mi tane jone monè fènè ya.

¹⁰ Baï ko̱ na ba fèn pina a Ouone ko̱ kème mosso ka bila Christ‐Jésus baï an name nding bèla pina, bèla pina on ko̱ Ouone mi badi jinguèl ka tang ambèl tou, dadaon an name sé rou.

¹¹ Baï on, oui tane yangnaran ya, ko̱ oui ba gentili ka naïn‐mone jinguèl ko̱ bi ling baï ba njou‐ina gassali ya, jing kli on ko̱ mi bi ling kli ba njou‐ina gassali ka naïn‐mone, on ko̱ mi nding ka ndo̱ka njoukou,

¹² da ka name o̱kèo̱ oui kaou tane Christ, da ouime wal jing fènli an pou a Israël, da oui ba goni‐njou?-?kouli jing baï bina gonjaka an none hana, tane oliya da tane Ouone an mona njou‐koukoula aïn.

¹³ Da kassénaï ka bila Christ‐Jésus, oui on ko̱ mi kaou dita jinguèl, oui gui monè ka mboro séme a Christ.

¹⁴ Baï ko̱ kè ba go̱ro̱ iki na, kè on ko̱ kème mosso na ko̱ ba séré tèn mbéo, da bèngnèrèn nguéne on guèfal ko̱ mi wal na.

¹⁵ Baï ko̱ kème moungnourou baï ènran none hana jèkèdè jing naïn‐monè, guingna a bina baïnjaka guingna on ko̱ ba njèran baï, an kème ma baï ndingna kli séré tèn ba féké njoukou mbéo bo̱l ka bilè fènè, mono on, an kème nding go̱ro̱ iki gui.

¹⁶ Mono on, an kème ndé ndo̱ko̱ kli séré bon kon fal hana jing Ouone jing kli‐mone mbéo ka mboro di‐croix, baï ko̱ kème i baï ènran none hana jèkèdè ka mboro on.

¹⁷ Da kème gui ka sa mboura go̱ro̱ iki hi oui on ko̱ mi kaou dita jinguèl, da kème ndé sa mboura go̱ro̱ iki hi kli on ko̱ mi kaou diya.

¹⁸ Bai ko̱ mbo̱l kè na séré bon jing guèl kana baï guèna mona Baba ka bila Esprit mbéo bo̱l.

¹⁹ Mono on, oui tane ti ba goni njoukouli da béré njoukouli ba aféké ya, da oui ba njou‐goto pouli jing njou‐lana‐bilaouli da njoukouli an bil voul a Ouone.

²⁰ Baï ko̱ mi za oui bi toul bètè a njou‐mboro‐pinali da prophèteli, Jésus‐Christ fènè ba titili kone kouroukè.

²¹ Ka bilè voulou on bon mi na mara hana ka mborokè, da hé gang guè siya baï tèna temple ko̱ ba tangna fofoto ka bila Nanjou,

²² da ka bilè mi ndé za oui kéng baï tèna voul kaouna a Ouone ka bila Esprit fènè.