Colossienli 3 - Féké Testament 1947

¹ Mono on, tokoré mi ndé tome oui jing hana jing Christ, oui nza fènli on ko̱ na an nonkala, an guèl on ko̱ Christ mi kaou an mboro wonron ndo̱ka Ouone.

² Oui bi hang baï toul fènli on ko̱ mi na an nonkala, da tane ti ba toul fènli on ko̱ mi na an koukoula ya.

³ Baï ko̱ oui mi hou tou, da yana abaï mi mou jing Christ ka bila Ouone.

⁴ Ko̱ Christ ko̱ ba yana na mi tèn, mono on, yé oui ma ndé tèn jing nè ka jonafèn kéng.

⁵ Mono on, oui i fèn mone baïli on ko̱ na an koukoula, ndingna rome, ladidifèn, nzala naïn‐mone, nzala ndingna békéfèn, fanahang ko̱ ba pouna ngala,

⁶ baï toul fènli on mi ko̱ hèrè a Ouone lé toula goundi on ko̱ mi fa baï.

⁷ Oui ndé sé jinguèl an woro kli kéng, ko̱ oui mi kaou bo̱ko̱ békéfènli on.

⁸ Da kassénaï oui njomo mone baï kéng an fèn aïnli bon, hèrè, joungna hèrè, sènafèn, poukounafèn, béké baï ko̱ tèn kala an njaka baï.

⁹ Oui ba wo̱ko̱ jing hana ya, baï ko̱ oui mi njomo mone baï jing tang njoukou abaï jing pina nè tou,

¹⁰ da oui bou ba féké njoukou on, ko̱ mi kaïn féré jing féké tounafèn, baï tèna mahana ka tétéme mona kè on ko̱ mi mosso nè jinguèl tou.

¹¹ Da mboro on Grec maléba Juif maléba njou‐ina gassa, maléba njou‐ina gassa ya, maléba njou‐woropa maléba Scythe, maléba koï, maléba goune gangna mi tane tiya; baï ko̱ Christ ba fèn bon; da an bil fèn bon.

¹² Mono mahana ka njoukouli on ko̱ Ouone mi sane oui tèn kala tou, njoukouli on ko̱ mi tang fofoto, da njoukouli on ko̱ Ouone mi sé hang baï ta, oui bou go̱ro̱ ko̱nassé, pana bil, laou kaouna ka lome, bou mone guè koukoula da vonamboï.

¹³ Oui bou toul baï rou jing hana, oui yèng bi mboro hi hana, da tokoré njoukouna mi yé jing baï hana an toula njoukou aféké, mahana ko̱ Christ mi yèng bi mboro abaï, oui ndé nding mabahana on kéng.

¹⁴ Da ta toul fèn aïnli bon oui bou sénahang, ko̱ ba sal on ko̱ mi gna oui baï guina guédék.

¹⁵ An go̱ro̱ iki a Christ mi na gangna an bil go̱ro̱ baï, baï fèn on ko̱ Ouone mi di oui baï guina kli‐mone mbéo. Da oui kaou koukoula hi nè.

¹⁶ An baïnjaka a Christ mi bi an bil baï guèbambél; oui to̱ko̱ saon fènli hi hana, da oui wara hana ka cho̱k?-?nali bon jing psaumeli da dinassing a Ouone da dinassing a Esprit, oui di sing hi Ouone ka ndingna mbo̱l an bil go̱ro̱ baï.

¹⁷ Da fènli bon on ko̱ ouime nding, tokoré baïnjaka maléba fèn ndingna, oui nding fènli bon, ka bil ling a Nanjou Jésus, da oui kaou koukoula hi Ouone Baba ka mboro nè.

¹⁸ Oui waïnli, oui kaou bo̱ko̱ hola wa abaïli jing fènli on ko̱ mi mabongkè ka bila Nanjou.

¹⁹ Oui wa waïnli oui ndé sé hang waïn abaïli an go̱ro̱ baï mi tane sé oui jing kli ya.

²⁰ Oui goundi, oui la baï a baba abaïli tèn ma abaïli jing fènli bon, baï ko̱ on mapélékè ka bila Nanjou.

²¹ Oui baba a goundi, oui tane nding fèn njèrèn ta jing goune abaïli ya, mono on, an hang kli mi sé siya ya.

²² Oui njou‐bakarali, oui la baï akli on ko̱ ba nanjou abaïli ka mboro naïn‐mone jing fènli bon, oui nding baï nona kli ka ho̱kè ya, mahana ko̱ ma bi wélé toula njoukouli, da oui nding jing go̱ro̱ baï ka babaï, baï ko̱ oui mi ngou waou nona Nanjou.

²³ Fènli bon ko̱ oui mi nding, oui nding ka laou baï fèn baï, mahana ka ndingnakè hi Nanjou, da ti ba ndingnakè hi njoukouli ya.

²⁴ Baï ko̱ oui toutou yé Nanjou ma féré hi ko̱ko̱ a yanapélé hi oui. Oui nding bakara ba baï toula Nanjou, Christ.

²⁵ Baï njoukou on ko̱ mi nding maï maï, yé kè ma kaïn jing maï maï on ko̱ kème nding, da Ouone mi tane ga dik njoukounali ta hana ya.