Colossienli 2 - Féké Testament 1947

¹ Baï ko̱ mè ji an ouime toutou ko̱ laou ni mi rou maïya baï toul baï, da baï akli on ko̱ mi kaou pou Laodicée, tèn kli bon on ko̱ mi tane ga ko̱ noni ka naïn‐mone ya,

² baï an klime bi hang kli guè tiya, ko̱ klime vo jing hana ka sénahang, da klime jing nguèra cho̱kna on ko̱ mba, an klime tou didissi baï a Ouone nguite on ko̱ ba Christ,

³ ko̱ an bilè mi mou nguèra bon a cho̱kna tèn tounafèn.

⁴ Mè sa on hi oui baï an njoukouna mbéo mi tane mong oui jing baï mongnafèn hana ya.

⁵ Baï tongna ko̱ mème tane ti jing oui ka naïn‐mone ya, da mè makaou jing oui ka esprit, da mè jangndaï baï ko̱ mème ko̱ko̱ ko̱ oui pèng mboro pina abaï bèlta, da oui mi kaou pou wang jing tounassaon abaï ka bila Christ.

⁶ Mono on mahana ko̱ oui mi ya Christ‐Jésus Nanjou jinguèl, mono oui sé mahana ka on an bilè.

⁷ Oui tèn mahana ka on ko̱ saonkè mi ri dita an koukoula, da oui hon an bilè, da oui kaou pou wang ka tounassaon abaï mahana ko̱ klime sa mboura hi oui jinguèl, da kaou koukoula hi Ouone guèbambèl.

⁸ Oui pèng mone baï an njoukouna mi ba oui mahana ka koï ya, ka mboro sénahang cho̱kna nè, da mongnafèn bo̱on, da ka mboro fal tang baï a njoukouli, da ka mboro fal titili fènli an koukoula aïn, da mi tane ti ba ka mboro fala Christ ya.

⁹ Baï ko̱ nguèra bon a Ouone babaï mi na an bilè ka kli‐mone.

¹⁰ Da oui mi mba jing fènli bon an bilè on, ko̱ ba onatoul a gangna pouli bon, tèn njèranli.

¹¹ Da ka bilè ko̱ oui mi i gassa tou, jing ina gassa on ko̱ ndo̱ko̱ mi tane nding ya, da jing ba ina gassa a Christ fènè, ko̱ mi koung naïn‐mone guèfal an kli‐mone baï,

¹² baï ko̱ mi ndé goro oui jing nè ka mboro baptême, mono on ndé tome oui mabahana jing nè kéng, ka mboro tounassaon, jing njèran pina a Ouone ko̱ mi tome nè an wora houli.

¹³ Da oui ko̱ ba houl jinguèl ka mboro séla guingna abaïli, da ina gassa ya a naïn‐mone baïli, kè mi kaïn féré hi yana hi oui mabahana jing nè, da kème yèng bi mboro séla guingna nali bon tou.

¹⁴ Da kème taka takarata dofènli ko̱ mi sa kon toula, da ko̱ pong na guèfal tou, da kème sél on guèfal an mboro na, da kè bara ka pandé bi toul di‐croix.

¹⁵ Da kème bo gangna pouli da njèranli, da to̱ko̱ kli an nona ro̱kè bi kala, ko̱ kè mi gnèrèn kli ka mboro di‐croix.

¹⁶ Mono on an njoukouna mbéo mi wal baï kon toul baï, baï toul fèn sona maléba fèn njona, maléba loukou name, maléba féké féou, maléba name sabbatli ya;

¹⁷ ko̱ ba tétéme a fèn on ko̱ nding baï guina, da kli‐monkè ba a Christ.

¹⁸ Oui yèng an njoukouna mbéo mi ri toul ndo̱ko̱ abaï ya, ka mboro ko̱ oui ji bo̱ko̱kè baï bouna mone baï guè koukoula da baï dikna angeli, baï bina hang‐è toul fèn on ko̱ kème tane ga ko̱ ya, kème joung monè bo̱on jing laou a naïn‐monè,

¹⁹ da kème tane ga ching dodok toulkè ya, ko̱ mi hi kli‐mone bon, ka mboro kourou mone jing néon, baï jingna njèran ka mara bo̱lo̱ hana, an mi hon da hon jing hona a Ouone.

²⁰ Tokoré oui mi hou jinguèl jing Christ jing titili fènli an koukoula aïn tou, baïfèn da oui mi kaou mahana ko̱ oui mi pane an koukoula, baï tèna koï a dofènli on lé?

²¹ Mo ba ka ndo̱ko̱ ya! da mo sala guè njako̱ ya! da mo da ya!

²² Dofèn aïnli bon ko̱ ba fèn limna, tokoré njoukou mi nding pina rou, da ko̱ saonkè ba ka mboro bina baïnjaka guingna da to̱ko̱nafènli a njoukouli lé?

²³ Njoukou mi ko̱ fèn on mahana ka cho̱kna ka babaï, baï dikna fèn mahana ko̱ go̱ro̱ kli mi jiji, da bouna mone kli guè koukoula, baï ndingna fèn njèran jing kli‐mone kli, fènli on ba bo̱on, da tane ma baï tana nzala naïn‐mone ya.