Apocalypse 8 - Féké Testament 1947

¹ Da ko̱ kè sél fèn mbo̱la an difala‐sérékè, guèl na yime an nonkala ka hanguèl l’heure mbéo.

² Da mè ko̱ angeli difala‐séré on ko̱ o bèl mona Ouone, da mi hi gaga mbo̱sso̱li difala‐séré hi kli.

³ Da ange aféké gui da o toul autel jing lélé ili l’or; da mi hi yombo nyèta hi nè, an kè mi hi on jing hiouna Ouone a njou‐lana‐bilaouli bon an toul autel l’or, ko̱ na an bèl kangala njaka bara on.

⁴ Da soussoukou a yombo on mi hé jing hiouna Ouone a njou‐lana‐bilaouli, ko̱ ourou an ndo̱ko̱ ange on guè bèl mona Ouone.

⁵ Da ange on ba lélé ili l’or on ka ya hèlè an autel on mba bilkè, da kè wou ili on gui toula koukoula. Da afal on ndouna mbamli mi ndou, bo̱ko̱ baïli mi bouka, da fana none mbamli mi fan da koukoula mi to̱.

⁶ Da angeli difala‐séré jing gaga mbo̱sso̱li difala‐séré on mosso mone kli baï oulakè.

⁷ Da titili ange oul da sanri da hèlè ko̱ joukourou jing séme gui falkè, da mi wou gui koukoula; da mbéo a koukoula an zéng a saïkè mi rèng, da mbèo an woro zéng a saïkè a di mi rèng, da doro̱m pa bon rèng kéng.

⁸ Da ange a sérékè mi oul da mi wou fèn ko̱ mahana ka souraguèl gang ta ko̱ mi rèng an none hèlè da lé bil loukou‐mbi‐tome da mbéo an woro zéng a saïkè a loukou mbi on féré tèn séme.

⁹ Da mbéo an zéng a saïkè a fènli on ko̱ mi yé jing yana ko̱ na bil loukou mbi on mi hou, kli on ko̱ pane yana, da mbéo a zéng a saïkè a bateauli bon haou tou.

¹⁰ Da ange a saïkè oul. Da loukou mèssè mi ourou an nonkala ka lé gui koukoula da ba mahana ka léme sél hèlè; ka lé toula hana mbéo a zéng a saïkè a loukou mbili da toutoung mbili.

¹¹ Da ling a mèssè on ba Absinthe; da mbéo a zéng a saïkè a mbili bon féré tèn Absinthe, da njoukouli nyèta mi hou baï mbi on, baï ko̱ mi gui ba fèn a joungnafèn.

¹² Da ange a nèngkè mi oul, da mi wan mbéo an zéng a saïkè a séssé, da mbéo a zéng a saïkè a féou, da mbéo a woro zéng a saïkè a mèssèli, mono on an klime gui yilime, da séssé mi tane jang ka mbéo a zéng a saïkè ya, da ndé mahana ka hangnachoung kéng.

¹³ Da mè ko̱, da mè la diki mbéo mi jo̱ an hanguèl nonkala, ka bouka béta guè siya: Go̱ro̱ séta, goro̱ séta, go̱ro̱ séta hi kli on ko̱ bi an toul koukoula, baï a bo̱ko̱ baïli a gaga mbo̱sso̱ a angeli saï ko̱ pane tane ga oul ya.