Apocalypse 5 - Féké Testament 1947

¹ Da mè ko̱ an mboro wonron ndo̱ka kè on ko̱ kaou toul kangala njaka bara, takarata on ko̱ baï dé an bilkè bon da an kaïnkè bon, da ko̱ goukou nè bi ka fèn mbo̱lali difala‐séré.

² Da mè ko̱ ange ko̱ njèrèn ta ko̱ bouka béta guè siya: Guème ma baï boura takarata on da sél fèn mbo̱lali on an ndourou lé?

³ Da njoukou mbéo an nonkala maléba an koukoula, maléba an bo̱ko̱ koukoula tane ma baï boura takarata on ya, maléba ko̱na toulkè.

⁴ Da mè lé léou nyèta, baï ko̱ kli nza njoukou mbéo pélé, ko̱ mi ma baï boura takarata on, maléba ko̱na toulkè.

⁵ Da mbéo an zéng an tangchidoli mi sa hi mi: Mo lé léou ya; mo ko̱ mamou ko̱ ba mèran kadouk a Juda, saon a David, kè gnèrèn baï njéna baï boura takarata da sél fèn mbo̱la rou difala‐séré.

⁶ Da mè ko̱, an woro kangala njaka bara da fènli nèng ko̱ yan, da an woro tangchidoli on Goune badoua mbéo mi o mahana ka ina nè, jing tèwè difala‐séré da nonè difala‐séré ko̱ ba Espritli a Ouone difala‐séré, ko̱ kè pi kli manguèl an koukoula bon.

⁷ Da kè gui da ya takarata, on an mboro wonron ndo̱ka kè on ko̱ kaou toul kangala njaka bara on.

⁸ Da ko̱ kè ya takarata on tou, fènli nèng on ko̱ yan jing tangchidoli bongkè‐séré‐faltoulè‐nèng, kli lé bou mbèla Goune badoua on, kli bon mi kaou jing koulé mbéo mbéo da dina tassi l’or ko̱ mi mba jing yombo, ko̱ ba hiouna Ouone a njou‐lana‐bilaouli.

⁹ Da kli di féké sing, ka sa: Mo mi ma baï yana takarata on da sél fèn mbo̱lali an ndourou: baï ko̱ mi i mo jinguèl, da mo zé njoukouli ka mèran kadoukli bon jing séme no baï a Ouone, da ka njaka baïli bon, da njoukouli toutoul bon, da pime pouli bon.

¹⁰ Da mo mosso kli baï guina bilkaou da sacrificateurli baï a Ouone na, da kli na gangna toul koukoula.

¹¹ Da mè ko̱, da mè la baïnjaka a angeli nyèta on ko̱ na gui ki kangala njaka bara on, da fènli on ko̱ yan da tangchidoli on. Kli mane ténakè‐té‐bo̱ko̱?-?té da ténakè‐té bo̱ko̱ ro̱ko̱ta.

¹² Kli bouka béta guè siya: Goune badoua ko̱ mi i nè jinguèl tou, mi ma baï jingna njèran, da nguèra, da chokna, da gangna, da dikna, da jonafèn da samnafèn.

¹³ Da fènli on bon ko̱ Ouone mosso ko̱ mana an nonkala da an koukoula da an bo̱ko̱ koukoula, da an toul none loukou‐mbi‐tome, da fènli on bon ko̱ mana an bilkè, mè la ko̱ kli sa: An kè on ko̱ kaou toul kangala njaka bara, da an Goune badoua mi hi samnafèn, da dikna, da jonafèn da name gangna, kambèlè go̱ kambèlè.

¹⁴ Da fènli nèng on ko̱ yan mi sa: Amen! Da tangchidoli mi lé an koukoula da houkou an mbèlè, ka hiou nè.