Apocalypse 22 - Féké Testament 1947

¹ Da kè to̱ko̱ hi mi loukou mbi yana, ko̱ o̱ mahana ka jo̱kanya ko̱ tèn an kangala njaka bara a Ouone da a Goune badoua on,

² da an bil domboro pou on, da hélé loukou mbi on, da mbora lèkè di yana on mana, ko̱ lé lénakè botoulè‐séré toutoul, ko̱ lé lénakè féou bon, da goï di on mana baï haïna mona mèran pime pouli bon.

³ Da kèkènafèn tane ti ba aféké ya. Da kangala njaka bara Ouone da Goune badoua mana an bilkè, da koï nèli ma nding bakara hi nè.

⁴ Da kli ma ko̱ nonè da ling‐è ma dé bi njaka moung kli.

⁵ Da hangnachoung tane ti ba aféké ya, da kli tane ji takana lampe maléba takana a séssé ya, baï ko̱ Nanjou Ouone mi taka hi kli, da kli ma na gangna kambèlè go̱ kambèlè.

⁶ Da kè sa hi mi: Baïnjaka aïnli mi na lodok da ba babaï; da Nanjou Ouone a espritli a prophèteli pi ange nè baï to̱ko̱na hi koï nèli fènli on ko̱ hèdi baï guina kassénaï.

⁷ Da oui ko̱ mè gui gata. Jangnandaï mi ba baï a kè on ko̱ pèng baïnjaka on a bong njaka Ouone an takarata aïn!

⁸ Da mè Jean ba kè on ko̱ la da ko̱ fèn aïnli. Da ko̱ mè la da ko̱ mè lé bou koukoula baï houkouna bèl mbo̱ka ange on ka hiou nè, ko̱ to̱ko̱ fèn aïnli hi mi.

⁹ Da kè sa hi mi: Mo pèng bèlta ka nding fèn on ya. Mè ba njou‐ndo̱ko̱ba bakara jing mo, da jing yine noli, ko̱ ba prophèteli, da jing kli on ko̱ pèng baïnjaka a takarata aïn: Mo hiou ba Ouone.

¹⁰ Da kè sa hi mi: Mo tou baïnjaka on a bong njaka Ouone an takarata aïn ka fèn mbo̱la ya; baï ko̱ namkè hèdi tou.

¹¹ Kè ko̱ vaïnfèn, an kème pane ba koï vaïnafèn, da kè ko̱ ba dakame, an kème pane ba koï dakame; da kè ko̱ ba guédék, an kème pane ndingna guédék, da kè ko̱ ba tangna fofoto, an kème pane tangna fofoto guèbambèl.

¹² Oui ko̱, mè gui gata, da toul ndo̱ko̱ mi yé ndo̱ko̱ ni baï hina njoukou mbéo mbéo bon ko̱ mi ma pina akli.

¹³ Mè ba Alpha da Oméga, titilikè da sèkèrèkè, tèn saoukè da o̱rakè.

¹⁴ Jangnandaï mi ba baï akli on ko̱ tourou la akli mono on, an klime ma baï guina mona di yana, da ma baï rina ka njakakèli baï kana bil pou on!

¹⁵ An kala ba nvali, da njou‐hala ngalali, da njou‐maïnli, da njou‐ina njoukouli, da njou‐téna ndamli, da njoukou mbéo mbéo bon ko̱ sé hang wo̱ko̱ da ba wo̱ko̱!

¹⁶ Mè Jésus, mè pi ange ni baï sana bongbaï fèn aïnli, baï a égliseli. Mè ba saon da mèran David, mèssè ko̱ cha ka toulapélé.

¹⁷ Da Esprit da féké waïn sa: Mo gui. Kè ko̱ la, an kème sa: Mo gui. Kè ko̱ po̱ko̱ mbi mi i nè, an kème gui; kè ko̱ ji ji, an kème jo̱ mbi yana on ko̱ ba bavè.

¹⁸ Mè sa bongbaï hi njoukouli bon on ko̱ la baïnjaka on a bong njaka Ouone an takarata aïn. Tokoré njoukouna mi hi baï aféké kon toulkè, yé Ouone ma hi kon toulè fèn békékèli on ko̱ dé an bil takarata aïn;

¹⁹ da tokoré njoukouna mi lou guèfal baïnjaka on a bong njaka an bil takarata aïn Ouone ma lou guèlè guèfal an di yana, da guèlè an tangna fofoto pou, fèn aïnli on ko̱ takarata sa baï toulkè.

²⁰ Kè ko̱ sa bongbaï a fèn aïnli kè sa: Babaï mè gui gata. Amen! Mo gui, Nanjou Jésus!

²¹ An ndingna mbo̱l a Nanjou Jésus mi kaou jing njou‐lana‐bilaouli! Amen!