Apocalypse 20 - Féké Testament 1947

¹ Da ko̱ ange mbéo ourou an nonkala, da diri gui tiya jing clélé a loukou lo̱ko̱ ko̱ sèkèrè mi tiya a yilime, da loukou sal réme an ndo̱kè.

² Da kè ba loukou choï on, tang choï ko̱ ba Zabolo da Satan, da gna nè saka ténakè bo.

³ Da mi wou nè an bil loukou lo̱ko̱ on ko̱ sèkèrèkè mi tiya a yilime da tou njakakè, da mbo̱lo̱ toulkè, an kème ma baï mongna pime pouli ba aféké ya, bo̱l tèn saka ténakè‐bo ta tou. Afal on mi sélè baï name gounfènakè.

⁴ Da mè ko̱ kangala njaka barali, da kli on ko̱ kaou toulkèli, da kè hi kli baï wala baï. Da mè ko̱ laou akli on ko̱ kli koung sol kli jinguèl, baï ko̱ klime sa bongbaï a Jésus, da baï Baïnjaka a Ouone, da kli on ko̱ tane ga houkou an mbèla naïn on ka hiou nè ya, maléba tétéme nè ya, da tane ga ya déna an njaka moung kli maléba ndo̱ko̱ kli ya. Kli pane yana da kli ndé na gangna kira Christ baï saka ténakè bo.

⁵ Da gara houli ni tane ga yan ya, bo̱l tèn saka ténakè‐bo ta tou. Mono ba titili tomnahoulkèli.

⁶ Jangnandaï da tangna fofoto mi ba baï akli ko̱ ndoï jing kli ka titili tomnahoulkèli! Houl an bo̱ko̱ sérékè jing njèran baï ndingna fèna jing kli gounfènakè ya; da kli ma kaou ba sacrificateurli a Ouone da a Christ, da kli ma na gangna mabahana jing nè saka ténakè‐bo.

⁷ Da ko̱ saka ténakè‐bo mi ta tou, yé kè sél Satan an voul jo̱bo̱ nè,

⁸ da kè ma tèn kala baï mongna pime pouli ko̱ mana kouroukè nèng an koukoula, Gog da Magog, baï ndoïna kli baï rouna béré, ro̱ko̱na akli mabahana ka sarika an bèl loukou‐mbi‐tome.

⁹ Da kli sé toul koukoula bon, da ki guèl bina pou a njou‐lana‐bilaouli, da pou on ko̱ kli sé hang ta. Da hèlè tèn an nonkala, da lé gui koukoula ka laka kli.

¹⁰ Da zabolo on ko̱ mong kli, mi wou nè bou bil étang hèlè da soufre, an guèl on ko̱ naïn on da wo̱ko̱ prophète ndé na rou kéng. Da kli ma to̱ko̱ssé ka séssé da ka hangnachoung kambèlè go̱ kambèlè.

¹¹ Da mè ko̱ loukou pouki kangala njaka bara, da kè on ko̱ kaou toulkè, koukoula da nonkala ngou an nonè, da kli tane jing guèl kaouna akli ya.

¹² Da mè ko̱ houli, loukoukèli da lélékèli, kli o bèl kangala njaka bara on. Da takarata bourou tou. Da takarata aféké bourou tou ko̱ ba takarata a yana. Da kè wal baï hi houli ka mboro fèn on ko̱ kè dé bi takaratali on, an mi ma pina akli.

¹³ Da loukou‐mbi‐tome hi houli on ko̱ na bilkè, da houli da guèl a houli hi ko̱ na bil kli; da kè wal baï hi njoukouli mane mbéo mbéo bon, an mi ma pina akli.

¹⁴ Da kè wou houl da guèl a houli bon bil étang hèlè. On ba houl a bo̱ko̱ sérékè tongna ba étang hèlè on.

¹⁵ Da tokoré kème ko̱ ling a njoukou hanali an bil takarata yana ya, kè ma wou kli bou bil étang hèlè.