Apocalypse 15 - Féké Testament 1947

¹ Da mè ko̱ fèn to̱ko̱nakè aféké an nonkala loukoukè da kakaïya fèn, angeli difala‐séré ko̱ mana jing fèn békékèli difala‐séré ko̱ ba sèkèrèkè, baï ka mboro fèn békékèli on hèrè a Ouone mi mabongkè tou.

² Da mè ko̱ fèn mahana ka fèn loukou mbi a verre on ko̱ mi joukourou jing hèlè, da kli on ko̱ gnèrèn naïn on da tétéme nè, da kènafèn a ling‐è ko̱ o none loukou mbi verre on, kli jing kouléli a Ouone.

³ Da kli di sing a Moïse, koï a Ouone, da sing a Goune badoua a Ouone on, ka sa: Ndingna pina amo ba loukoukè da kak aïya fèn, o Nanjou, Ouone Njèran‐hota‐bon! Ka mboro no mo ba guédék da babaï, mo nanjoukaou a pime pouli.

⁴ Yé guème mi ngou waou nono ya, o Nanjou da ko̱ hi jonafèn ka ling‐o̱ ya lé? Baï ko̱ mo ho̱ko̱ ba tangna fofoto. Baï pime pouli bon ma gui da houkou an mbèlo̱ ka hiou no; baï pina guédék no mi tèn nona njoukouli bon tou.

⁵ Afal fèn aïnli mè ko̱, da temple a tabernacle a sana bongbaï an nonkala mi bourou tou.

⁶ Da angeli difala‐séré ko̱ jing fèn békékèli difala‐séré on, kli tèn kala an bil temple on, da kli bou pouki la lin ko̱ tangta bon da cha ta, da gna hang kli ka ga l’or.

⁷ Da mbéo a zéng a fènli nèng ko̱ yan hi angeli difala‐séré dina tassi l’or ko̱ mba jing hèrè a Ouone ko̱ yan kambèlè go̱ kambèlè.

⁸ Da soussoukou a jonafèn a Ouone da njèran nè mba bil temple, da njoukou mbéo mi ma baï rina bil temple ya, bo̱l tèn fèn békékèli difala‐séré a angeli difala‐séré on mi mafalkè tou.