Pinali a Njou‐Mboro‐Pinali 27 - Féké Testament 1947

¹ Da ko̱ klime badi an name sé ka bateau guè guèl Italie, kli hi Paul da njou‐jo̱bo̱ hanali bi ndo̱ka kabita ling‐è ba Julius an sarang a Auguste.

² Da name kaou bateau Adramytte ko̱ mi nding baï séna vongna guè bèl nguéng mbi Asie, name sé ka none mbi, Aristarque, ko̱ ba njou guèl Macédoine an pou Thessalonique mi ndé jing na kéng.

³ Da ko̱ guèlapélé mi taka tou, name kan pou Sidon, da Julius mi nding bèlta jing Paul, ka yèng nè baï sèra sé guè mona bako̱la nèli ka yan tana nè.

⁴ Da name ourou an ndourou, na sé ka none mbi vongna njaka koua Chypre, baï ko̱ koukouna mi ji dèna domboro hi na.

⁵ Da afal ko̱ name hé ta loukou‐mbi‐tome on ko̱ mi na an bèl guèl Cilicie da guèl Pamphylie, name kan pou Myra an guèl Lycie.

⁶ Da kabita mi jing bateau a Alexandre an ndourou ko̱ mi nding baï séna guè guèl Italie, da kème kon na ndourou.

⁷ Da ko̱ name sé jang jang ma name nyèta, da gui tèna guèl Cnide, koukouna mi fan rou hélé gui bèl taka koua Crète, bo̱ltèn ko̱ name ko̱ Salmone an bo̱ko̱ nona,

⁸ da mi la maïya jing na baï séna vongna bèlkè baï kana guèl on ko̱ lingkè ba Beaux‐Port, diya an bèl pou Lasée.

⁹ Da ko̱ name nyèta mi ta tou, séna an none mbi on mi nding baï mbana njaka na kassénaï, da name féou changna laka mi ta tou, Paul mi wara kli,

¹⁰ ka sa hi kli: Njoïli mè ko̱ko̱ ko̱ yé séna an none mbi aïn ma tèn ba fèn houla, da fènli nyèta ma bo̱l, da tane ti ba holali jing bateau ka ho̱kè ya, da tèn yana na fèna kéng.

¹¹ Da kabita mi la baï a njou‐héra bateau, tèn a nanjou bateau ta fènli on ko̱ Paul mi sa.

¹² Da baï ko̱ njaka nguéng on mi tane ti nyèta baï kaouna ndourou ka féou tétél, njoukouli nyèta mi ji baï oura an ndourou, ka kèrè baï séna guè pou Phénix baï ka touya kli ma kan ndourou, on ko̱ ba njaka nguéng Crète ko̱ mi na ènrèn sé guè mboro nord‐rinassé, da mboro sud‐rinassé, baï kaouna ndourou ka féou tétél.

¹³ Da ko̱ koukouna mi kou gui fènènè ka mboro sud klime bi hang kli toul kèrafèn kli ka sé sal réme da ourou ka sé vongna diya guè mboro koua Crète.

¹⁴ Da bongkè diya koukouna bine‐té on ko̱ klime di lingkè ba Euraquilon mi kou tèn mone kli;

¹⁵ da ko̱ mi mbati bateau bi, da bateau mi lé baï séna pélé, name yèng an mi fan rou sé mahana ko̱ mi jiji.

¹⁶ Da name sé ta taka lélé koua on ko̱ lingkè ba Clauda, héra kombone mi mba njaka na ta.

¹⁷ Da afal ko̱ klime bi la bateau guè siya kli gna fèn an bo̱ko̱ bateau baï mbatina bateau bi, da baï ko̱ klime ngou waou ko̱ ka touya kli ma lé guèl sarika on ko̱ lingkè ba Syrte, da klime diri la da sal bateau, da mono on klime yèng da koukouna mi fan rou sé.

¹⁸ Da ko̱ koukouna bine‐té on mi youkouri na nyèta, afal ko̱ guèl mi taka tou klime tissaon baï wouna holali nyèta kon loukou mbi,

¹⁹ da ka name an saïkè klime fan fèn gnana bateau ka ndo̱ko̱ kli fèn kli kon pa.

²⁰ Da ko̱ ma namli nyèta, name tane ga ko̱ takana a séssé maléba mèssè ya, da wouna‐mbi mi pane wouna bateau maïya, da oliya baï kouna mona mi o̱ bon tou.

²¹ Da ko̱ klime tane ga son laka ya bongkè dita Paul mi o hanguèl kli, ka sa: Njoïli, tokoré ouime tane ga fa baï ni jinguèl ya, oui ma oura an koua Crète baï séna tane tiya. Mono ko̱ ouime jing fèn houl da bo̱l fènli mahana ka on.

²² Da mè wara oui kassénaï, an ouime bi hang baï guè tiya, baï ko̱ njoukouna mbéo an woro baï ba houl tane tiya, bo̱l ba bateau ka ho̱kè mi bo̱l.

²³ Baï ko̱ ange a Ouone, kè on ko̱ mè ba amè da ndé nding bakara hi nè kéng mi o bèl moni ka hangnachoung aïn,

²⁴ ka sa: Mo tane ngou waou ya Paul; dadaon yé mo ma o nona César, da mono, Ouone mi hi njoukouli on bon ko̱ mi guè jing mo hi mo.

²⁵ Baï toul baï aïn, njoïli, oui bi hang baï guè tiya, baï ko̱ mème la bi laou Ouone ni, baï aïn ko̱ kème sa yé ma gui mahana ka on ko̱ kème sa hi mi.

²⁶ Da yé ma wouna na bou bil koua hana.

²⁷ Da ko̱ hangnachoung botoulè‐nèng mi gui tou, ko̱ koukouna mi youkouri na ka wou na mane none loukou‐mbi Adratique, hèdi hangnachoung loukou njou‐bateau mi kèrè ba klime hèdi koukoula tou.

²⁸ Da klime lé mbi ka ko̱ brasseli mane bongkè‐séré, da afal gounfènakè, klime kaïn lé mbi ba aféké ka ko̱ brasseli mane botoulè‐dioui.

²⁹ Da waou mi i kli, baï ka touya yé ma bi na bou bèl nguéng ka ho̱ kone, mono klime diri loukou rémli mane nèng guè taka bateau, da klime oli an guèl mi taka.

³⁰ Da ko̱ njou‐bateauli mi nza mborokè baï ngouna ka yèng bateau, klime diri kombone bou none mbi mahana yé ba ko̱ klime ji baï dira loukou rémli an toul bateau on,

³¹ da Paul mi sa hi kabita da tourougouli: Tokoré njoukou aïnli mi tane ga kaou bil bateau ya, oui ba kouna tane tiya.

³² Da on tourougouli mi koung sal kombone da yèng lé sé bil mbi.

³³ Da ko̱ guèl mi taka tou, Paul mi sa jo̱jo̱ kli bon baï sona goune laka hana da, ka sa: Kassénaï ma name botoulè‐nèng tou, ko̱ ouime oli ba fèn ka chang laka, da tane ga son laka hana ya.

³⁴ Baï on mè sa jo̱jo̱ baï baï sona laka da, an mone baï mi pou oui, baï ko̱ yé pouran toula njoukouna mbéo an woro baï mi tane ma baï bo̱la ya.

³⁵ Da ko̱ kème sa baï aïn o̱tou, kè bi mapa, da kaou koukoula hi Ouone an none kli bon, kè haou mapa on da tissaon baï sonakè.

³⁶ Da on kli bon mi bi hang kli guè tiya, da ndé son akli kéng.

³⁷ Da na bon ko̱ kaou bil bateau on njoukouli mi mane ténakè‐séré‐faltoulkè‐bongkè‐difala‐séré‐falbo̱ko̱kè‐difala‐mbéo.

³⁸ Da ko̱ klime son laka ma tou, klime wou mèrèn mapa kon loukou mbi baï an bateau mi na koforo.

³⁹ Da ko̱ guèlapélé mi taka tou, kli tane ga tou koukoula on ya, da klime ko̱ goune nguéng wana ndo̱ko̱ mbi an toul sarika, klime bakèdakè jing hana baï chomna bateau guè toulkè tokoré klime mabongkè.

⁴⁰ Da ko̱ klime sél loukou réme tou, kli yèng loukou réme on bou bil loukou mbi, da klime ndé yèng sal kina bateau mabahana kéng, da ko̱ klime tone la bateau guè siya hi koukouna tou, kli miri sé nguéng.

⁴¹ Da klime lé an jingna mbi on ka bine bateau sé guè koukoula, da njaka bateau mi ri ka pou bi; da taka bateau mi tissaon baï go̱ra baï ko̱ wouna mbi mi mingta.

⁴² Da tourougouli mi badi baï ina njou‐jo̱bo̱li, baï ko̱ ka touya hanali ma kon mbi ka ou da ngou.

⁴³ Da kabita, baï ko̱ kème ji baï léna mbèla Paul, kème dèn kli jing fèn on ko̱ klime kèrè baï ndingnakè, da kème sa bi njaka njoukouli on ko̱ mi toutou ouna mbi baï an klime kon mbi ka ou ba koukoula ti dambèl;

⁴⁴ da garakèli, hanali mi kaou toul sarapandé da afékéli an toul fèn bateau hanali. Da mono on, kli bon mi ba nguéng bèlta.