2 Tim 2 - Féké Testament 1947

¹ Mono on, goune mi, mono mi pou mo ka ndingna mbo̱l on ko̱ mi na ka bila Christ‐Jésus.

² Da baï on ko̱ mo mi la an njaka ni, an wora njou‐lana bongbaïli nyèta, mo hi baï on hi njoukouli on ko̱ ba lodok, kli on ko̱ yé kli ndé ma baï to̱ko̱nakè hi njou‐afékéli kéng.

³ Mo bou toulo̱ baï to̱ko̱nassé jing mi mahana ka bèla tourougou a Christ‐Jésus.

⁴ Njoukou on ko̱ mi sé béré mahana ka tourougou, kème tane ga bi hang‐è toul fèn yana aïn ya, baï an kème bi wélé toula kè on ko̱ mi di nè ba tourougou;

⁵ da tokoré njoukouna on ko̱ mi fa bala kéng hina mbélé couronne hi nè tane tiya, tokoré kème tane ga joung hang ka mborokè ya.

⁶ Dadaon an njou‐pana paï ko̱ nding pina mi dourou lénakè ti dambèl.

⁷ Mo kèrè fal baï on bèlta ko̱ mème sa: baï ko̱ yé Nanjou ma hi cho̱kna baï touna fènli bon hi mo.

⁸ Mo bi laou‐o̱ toula Jésus‐Christ, kè ba mèran David, ko̱ mi tome an wora houli bong bèlabaï ni,

⁹ ka mboro baï on ko̱ mème to̱ko̱ssé bo̱l tèn gnana mi an bil sal réme, mahana ka njou‐séla guingna. Da baïnjaka Ouone mi tane ga gna bi ya.

¹⁰ Baï on mi ko̱ mè bou touli jing fènli bon baï toula kli on, ko̱ Ouone mi sane kli bi kala, mono on an kli kéng mi ndé ma baï jingna yana‐baï‐toul on ko̱ mi na ka bila Christ‐Jésus jing jonafèn kambèlè.

¹¹ Baïnjaka aïn mi na lodok: Baï ko̱ tokoré name ndé hou jing nè, yé na ma ndé yan jing nè kéng.

¹² Da tokoré name ba pou, yé na ma ndé na gangna jing nè kéng, da tokoré name njomo nè, yé kè ma ndé njomo na kéng.

¹³ Da tokoré name tane ti lodok ya, amè kè kaou lodok, baï ko̱ kème tane ga ma baï njomona monè fènè ya.

¹⁴ Mo déou laou kli toul baï aïnli ka sa bi njaka kli an nona Nanjou an klime tane njaka toul baïnjaka ya, baï ko̱ on ba bo̱on, da mi bo kli on ko̱ mi la baï on.

¹⁵ Mo nza mborokè gata baï hina mono ko̱ mi ma an nona Ouone, njou‐pina on ko̱ ma baï guina ka chonron ya, ka wal baïnjaka on ko̱ ba babaï ka mborokè guédék.

¹⁶ Da mo ènrèn mono jing bong tangbaï da baï poukounafèn, baï ko̱ yé kli ma taïnkon guèbambèl jing baï pongna bong njaka Ouone.

¹⁷ Da yé baïnjaka kli ma laka mahana ka badènrèn. An woro kli on ba Hyménée da Philète,

¹⁸ njoukouli on ko̱ mi sé maï maï ka mboro babaï, ko̱ klime sa name tomnahoulkèli mi ta tou, da sokoro tounassaon a njoukou hanali bou.

¹⁹ Da pouna bètè a Ouone mi o siya pou jing fèn bo̱la on ko̱ mi baka bi jing baïnjaka aïnli: Nanjou mi toutou kli on ko̱ ba amèli; da: Dadaon an njoukouli bon ko̱ mi di ling a Nanjou, an klime yèng ndingna maï maï.

²⁰ An bil loukou voulou tane ti ba ili l’or maléba ili l’argent mi ko̱ na ndourou ka ho̱kè ya, da ndé ili di tèn ili poïn kéng, hanali ba ili dikna da hanali mi tane ti ba ili dikna ya.

²¹ Mono on, tokoré njoukouna mi tourou go̱rè tang fofoto ka pong fèn aïnli, yé kè ma tèn ba ili dikna on ko̱ Ouone mi walè bi baï nè, da kè mabongkè baï ndingna pina a njou‐onatoul da kè mosso mboro nè tou baï ndingna bèla pina bon.

²² Da mo ngou nzala bala goune, da sé fal ndingna guédék, tounassaon, sénahang, go̱ro̱ iki, mabahana jing kli on ko̱ mi hiou Nanjou jing tangna go̱ro̱ fofoto.

²³ Da mo pong fanabaï ngawa bo̱on baï ko̱ mo mi toutou fèn on mi mboung ba njakana.

²⁴ Da tane ma an njou‐koï a Nanjou mi njaka ya, da kème nding fèn vo jing njoukouli bon, ka ma baï to̱ko̱nafèn hi njoukouli, da tou baï bouna toulè jing to̱ko̱nassé;

²⁵ ka to kli on ko̱ mi fa baï toul baï tang guédék jing bouna mone baï guè koukoula, ka oli ko̱ ka touya Ouone ma hi go̱ro̱ hèkèna békéfèn hi kli an klime kan baï touna babaï.

²⁶ Da kli ma kèrè fal mone kli tangta, ka ourou an ndaou a zabolo, baï ko̱ kème ba kli baï ndingna fèn on ko̱ mi na mara fal toulè.