2 Jean 1 - Féké Testament 1947

¹ Tangchido mi dé takarata aïn hi Kyria ko̱ Ouone mi sane nè, tèn goune nèli ko̱ mème sé hang kli ka babaï, da tane ti ba mè ka ho̱ko̱ ni ya, da kli on bon kéng ko̱ tou babaï,

² baï toul a babaï ko̱ bi an bila, da ko̱ ma kaou jing na kambèlè.

³ An ndingna mbo̱l da ndingna haïo da go̱ro̱ iki ka Ouone Baba da ka Jésus‐Christ Goune a Baba fènè mi kaou jing na ka babaï da ka sénahang!

⁴ Mè jangndaï nyèta baï ko̱ mè pèng goune no hanali on ko̱ sé ka mboro babaï mahana ko̱ Baba fènè mi sa bi njakè hi na jinguèl.

⁵ Da kassénaï Kyria, mè sa jo̱jo̱ no, tane ti ba ko̱ mème dé féké bina baïnjaka guingna hi mo ya, da on ko̱ na jing na ka titilikè, mono dadaon an name sé hang hana ta.

⁶ Da sénahang ba yé na sé bong bina baïnjaka guingna nèli. Bina baïnjaka guingna ko̱ ouime la ka titilikè jinguèl dadaon an ouime sé mahana on.

⁷ Da kassénaï njou‐rongna njoukouli nyèta sé an bilkaou koukoula aïn, kli on ko̱ tane sa bi kala ko̱ Jésus‐Christ mi gui ka naïn‐mone ya. On ba njou‐mongna njoukouli da antichrist.

⁸ Oui pèng mone baï, an ouime yangnaran ya fèn ko̱ name nding tou, da mono oui mabongkè jing toul ndo̱ko̱ toul fènli on bon.

⁹ Njoukou on ko̱ mi sé dita jing Christ da tane ga bi an bil takanafèn nè ya; njoukou on tane ti jing Ouone ya; kè on ko̱ bi an bil takanafèn a Christ kè ba a Baba fènè da Goune, séré bon.

¹⁰ Tokoré njoukouna mi gui mone baï da to̱ko̱ to̱ko̱nafèn aïn ya, oui ya nè an voul baï ya, da name nè ya,

¹¹ baï ko̱ kè ko̱ name nè, nding mabahana ka kè jing béké ndingna pina nèli.

¹² Mè kaou jing fènli nyèta baï déna takarata hi oui, da mè ji baï déna takarata on ka l’encre ya, da mè oli baï guèna mone baï, da sa baï bi none hana, an jangnandaï a baï mi yé mba.

¹³ Goundi a njo̱‐waïn fèn on ko̱ Ouone mi sane mi name mo.