Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

1 Timothée 4 - Féké Testament 1947

1 Da Esprit mi sa tang ta ko̱ ka sèkèrè name yé njoukou hanali ma yèng tounassaon da la esprit mongnafènli, tèn to̱ko̱nafènli a zabololi,

2 ka mboro mongnafèn a njoukouli on, ko̱ mi ba wo̱ko̱, klime piou laou‐tounafèn akli fèn kli, mahana ka réme ko̱ hèlè mi reng rou nyèta.

3 Klime koung guingna baï éna waïn ya, da sa bi njaka njoukouli an klime chang sona naïn, naïn on ko̱ Ouone mi mosso an kli on ko̱ mi la bilaou da tou babaï mi ya jing kaouna koukoula hi Ouone.

4 Baï ko̱ fèn mossona bon a Ouone mi bèlta, da fèna mbéo tane ti baï pongnakè ya, tokoré njoukouna mi ya jing kaouna koukoula hi nè,

5 baï ko̱ fèn on mi wal bi baï nè, ka mboro baïnjaka Ouone da hiouna nè.

6 Tokoré mo mi déou laou a yindi, toul fèn aïnli, yé mo tèn ba bèla njou‐bakara a Christ‐Jésus, ka pou jing baïnjaka a tounassaon da ka mboro bèla to̱ko̱nafèn on ko̱ mo mi sé falkè bo̱l tèn kassénaï.

7 Da mo pong fèn poukouna baï da mèrèn tang liya a hona waïnli.

8 Da mo wara mono fèno ka mboro pèngna bong njaka a Ouone; baï ko̱ njoukouna mi tane ga jing fèn nyèta ya jing ndara kli‐mone, da njoukou mi jing fèn on ko̱ ma fènli bon ka mboro pèngna bong njaka a Ouone, baï ko̱ on ba bina gonjaka an yana on ko̱ mi na kassénaï, da yana on ko̱ mi nding baï guina.

9 Baïnjaka aïn mi na lodok, da mi ma an njoukouli bon mi ya.

10 Baï toul baï on name nding pina da rou ka to̱ko̱nassé baï ko̱ name bi hang na toul oliya Ouone ko̱ yan, kè on ko̱ ba Njou‐yana‐baï‐toula a njoukouli bon da Njou‐yana‐baï‐toul ka babaï baï a kli on ko̱ la bilaou.

11 Mo sa fèn aïnli bi kala ka to̱ko̱ hi njoukouli.

12 Mo yèng an njoukouna mbéo mi tane jèk mo ya, baï ko̱ mo mi pane ba bala goune; da mo tèn ba mèrènkè baï a kli on ko̱ la bilaou, ka baïnjaka, ka tangna bong séna, ka sénahang, ka tounassaon, tèn ka go̱ro̱ tang fofoto.

13 Bo̱l tèn ko̱ mème guè, mo bi laou‐o̱ toul kèna takarata, ka warafèn, da to̱ko̱nafèn.

14 Mo tane nding chone jing toul ndo̱ko̱ on ko̱ mi na bilo̱ ya, on ko̱ mi hi mo ka mboro bong njaka a Ouone, mahana ko̱ tangchidoli mi goukou ndo̱ko̱ kli toulo̱.

15 Mo pèng fènli on bon bèlta ka bi hang o̱ bon toul kli, mono on an none bèla pina noli mi tèn kala an nona njoukouli bon.

16 Mo pèng mono fèno, tèn to̱ko̱nafèn no, ka laïbi jing fèn aïnli, ko̱ jing pina on, yé mo ma kou mono fèno tèn kli on ko̱ mi la baï no.

Published by the British and Foreign Bible Society in 1947.

British & Foreign Bible Society
ကြှနျုပျတို့နောကျလိုကျပါ:



ကြော်ငြာတွေ