Уэрэд 99 - ХъыбарыфӀыр. ЩӀэдзапӀэр. Уэрэд ЛъапӀэхэр

99-нэ Уэрэд Зиусхьэным дыкъигъэщӀащ, Абы дрейщ

ЩӀыхь къурмэным папщӀэ уэрэд

¹ Зиусхьэным гуфӀэгъуэ макъыр хуэфӀэт, зэрыщӀыгуу!

² ГуфӀэгъуэкӀэ фыхуэлажьэ Зиусхьэным; уэрэд жыфӀэурэ фихьэ Абы и пащхьэ!

³ Зиусхьэныр Тхьэуэ зэрыщытыр зыгурывгъаӀуэ: Аращ дыкъэзыгъэщӀар, Абы дрейщ, дрицӀыху лъэпкъщ, и мэл хъушэм дыщыщщ.

⁴ Арэзыныгъэ фигу илъу, Абы и къалэбжэм, и пщӀантӀэхэм, щӀыхь хуэфщӀурэ, фыдыхьэ. ЩӀыхь хуэфщӀ Абы, Абы и цӀэр фӀэт!

⁵ Сыту жыпӀэмэ фӀыщ Зиусхьэныр: игъащӀэкӀэ мыкӀуэдыжынщ Абы и лъагъуныгъэр, и щыпкъагъэр ялъэӀэсынщ щӀэблэ псоми.