Уэрэд 46 - ХъыбарыфӀыр. ЩӀэдзапӀэр. Уэрэд ЛъапӀэхэр

46-нэ Уэрэд Псоми я нэхъ Лъагэр

¹ УэрэдыӀуэхэмрэ пшынауэхэмрэ я пашэм папщӀэ. Корах и къуэхэм папщӀэ. Уэрэд

² Ӏэгу феуэ цӀыху лъэпкъ псори, гуфӀэгъуэм и макъ лъэщкӀэ Тхьэм зыхуэвгъазэ;

³ сыту жыпӀэмэ Зиусхьэну Псом я нэхъ Лъагэр шынагъуэщ, – щӀыгу псоми и Пащтыхьышхуэр.

⁴ ЦӀыху лъэпкъхэр ди Ӏэ кърилъхьащ, лъэпкъ цӀыкӀухэр ди лъэгу къыщӀигъэуващ.

⁵ ӀыхьэфӀ тхуэхъунур тхухихащ – Израил лъэпкъыу фӀыуэ илъэгъуар зыгъэгуфӀэ Ӏыхьэр.

⁶ ГуфӀэгъуэ макъышхуэм хэту, Зиусхьэну Тхьэр дэкӀуеящ и унэшхуэм, сыринэ макъхэр къэӀу зэпыту.

⁷ Ди Тхьэм щыхь уэрэдыр хужыфӀэ, щӀыхь уэрэдыр хужыфӀэ, ди пащтыхьым щӀыхь уэрэдыр хужыфӀэ, хужыфӀэ.

⁸ Сыту жыпӀэмэ Тхьэр щӀыгу псоми я пащтыхьщ; щӀыхь уэрэд жыфӀэурэ, щӀыхь хуэфщӀ.

⁹ Тхьэм цӀыху лъэпкъхэр егъэӀурыщӀэ, и тахътэ лъапӀэм тесщ Ар.

¹⁰ Ибрэхьим игъэлъапӀэ Тхьэм и цӀыху лъэпкъым деж щызэрыугъуеящ цӀыху лъэпкъхэм япщхэр; сыту жыпӀэмэ щӀыгум щынэхъ лъэрыхьхэри Тхьэм и Ӏэ илъщ; Ар абыхэм я щхьэщ.