Уэрэд 149 - ХъыбарыфӀыр. ЩӀэдзапӀэр. Уэрэд ЛъапӀэхэр

149-нэ Уэрэд ЩӀыхь уэрэд

¹ УэрэдыщӀэ хужыфӀэ Зиусхьэным: Абы хуэщыпкъэхэм я зэӀущӀэм Абы щӀыхь щыхурещӀ.

² Израил ирегуфӀэ ар къэзыгъэщӀам и хьэтыркӀэ; Цион и къуэхэр я Пащтыхьым хурегуфӀэ.

³ Абы щӀыхь хуэфщӀын папщӀэ фыкъафэ; уэрэд хужыфӀэ тимпанрэ пшынэдыкъуэкъуэкӀэ.

⁴ Сыту жыпӀэмэ Зиусхьэныр и цӀыху лъэпкъым къыхуогуфӀэ, пагагъэ зигу имылъхэм текӀуэныгъэр къарегъэхь.

⁵ Абы хуэщыпкъэхэм ирегъэмэхуэшхуэ, текӀуэныгъэр къыдахауэ, гуфӀэурэ, уэрэд жреӀэ, я тӀысыпӀэм щысу.

⁶ Тхьэм хуащӀ щӀыхьышхуэр я бзэгу трырелъ абыхэм, иреӀыгъ джатэ дзитӀыр,

⁷ Тхьэм цӀыху лъэпкъым ятрищӀыхьа хьэкумыр ягъэзэщӀэну, ягъэпшынэну лъэпкъ цӀыкӀухэр,

⁸ абыхэм я пащтыхьхэм пщэхъу иралъхьэну, я цӀыху цӀэрыӀуэхэм гъущӀ Ӏэхъулъэхъу иралъхьэну,

⁹ Тхьэм къарипэса хьэкумыр хуащӀыну. Мы щӀыхьыр – Абы хуэщыпкъэ псоми ейщ. Зиусхьэным щӀыхь хуэфщӀ.