Уэрэд 14 - ХъыбарыфӀыр. ЩӀэдзапӀэр. Уэрэд ЛъапӀэхэр

14-нэ Уэрэд Тхьэм и хьэщӀэ

Даут и уэрэд

¹ Зиусхьэн! Хэт Уэ уи унэ – чэтэн унэ лъапӀэм исыну зыхуэфащэр? Хэт уи Ӏуащхьэ лъапӀэм тесыну зэппэсыр?

² Мыхъун лъэпкъ зымылэжьу, захуагъэм ирипсэууэ, щыпкъагъэу игу илъыр къэзыӀуатэр арщ;

³ ИтӀани – цӀыхухэм пцӀы ятезымылъхьэу, бзэгузехьэныр зи мыщэну, зи зэран ныбжьэгъум езымыгъэкӀыу, зи гъунэгъур зымыубыр арщ.

⁴ Тхьэм ӀэщӀыб ищӀ цӀыхур къизымыдзэу, ауэ Зиусхьэным фӀэлӀыкӀ хуизыӀэхэм лъытэныгъэ яхуэзыщӀыр арщ; и ягъэ езым къекӀ пэтми, и тхьэрыӀуэ емыпцӀыжыр арщ.

⁵ Хэхъуауэ къратыжын щхьэкӀэ, ахъшэ щӀыхуэ зымыту, лажьэншэм егуэуэну Ӏулъхьэ къеӀызымыхыр арщ. Апхуэдэу псэур игъащӀэкӀэ лъэпэрэпэнкъым.