Уэрэд 126 - ХъыбарыфӀыр. ЩӀэдзапӀэр. Уэрэд ЛъапӀэхэр

126-нэ Уэрэд Зиусхьэным унэр имыщӀмэ

УдэкӀуеиным и уэрэд. Сэлмэн и уэрэд

¹ Зиусхьэным унэр имыщӀмэ, ар зыщӀхэм пщӀэншэу Ӏуэху ящӀэ; Зиусхьэным къимыхъумэмэ къалэр, къэрэгъулыр сакъыу зэрымыжейр пщӀэншэщ.

² Жьыуэ фыкъызэрытэджри, кӀасэу фызэрыгъуэлъыжри, гузэвэгъуэкӀэ щӀакхъуэ зэрыфшхри – пщӀэншэщ. Зиусхьэным Езым фӀыуэ илъагъухэм щыжейкӀэ зыхуэныкъуэр яретыж.

³ Мыращ Зиусхьэным и тыгъэр – сабийхэрщ; Абы и фӀыщӀэ тыныр – ныбэм къикӀ сабийр арщ.

⁴ ГуащӀэшхуэм иӀыгъ шабзэшэм хуэдэщ уи щӀалэгъум къыпхуэхъуа уи къуэхэр.

⁵ Зи шабзалъэр абыхэмкӀэ зыгъэнщӀа цӀыхур насыпыфӀэщ. Къалэ куэбжэм Ӏут и бийхэм епсалъэ щыхъукӀэ, и нэхэр упӀэрэпӀэнкъым.