1 Мусэ 36 - ХъыбарыфӀыр. ЩӀэдзапӀэр. Уэрэд ЛъапӀэхэр

Эсау къытехъукӀахэр

¹ Мис Эсау, Эдоми ар дыдэрщ, къытехъукӀахэр.

² Эсау къишащ фызу Ханаан ипхъухэм ящыщу: Адэ, хет цӀыхухэм ящыщу Елонэ ипхъу, хъыу цӀыхухэм ящыщу Цыбеон и къуэ Анэ ипхъу Охьоливамэ.

³ Апхуэдэу Исмэхьил ипхъу Басемати, Нэбаиот и шыпхъур.

⁴ Адэ Эсау къыхуилъхуащ Елифаз; Басемат къилъхуащ Рэуел.

⁵ Охьолибамэ къилъхуащ Еущ, Ялам, Къорахь сымэ. Ахэр Эсау и къуэхэщ, Ханаан щӀыналъэм къыщыхуалъхуауэ.

⁶ Къищтащ Эсау езым и фызхэри и къуэхэри, ипхъухэри, и унэм ис цӀыху псори, и хъушэхэри, и Ӏэщ псори, Ханаан щӀыналъэм къыщилэжьа и мылъкуу хъуари, икӀи кӀуащ нэгъуэщӀ щӀыналъэ, езым и къуэш Екъуб и пащхьэ икӀри.

⁷ Сыт щхьэкӀэ жыпӀэмэ абыхэм я мылъкухэр апхуэдизкӀэ куэд хъурти, зэгъусэу псэужыфыртэкъым ахэр, здызекӀуэ щӀыналъэми ихуэжыртэкъым, я Ӏэхъушэхэм я куэдагъым къыхэкӀыу.

⁸ Апхуэдэу щытӀысащ Эсау Сеир бгыщхьэм деж. Эсау, Эдомри арщ.

⁹ Мыхэращ къытехъукӀар бгыщхьэ Сеир щыпсэу Эдом цӀыхухэм я адэ Эсау:

¹⁰ Мис Эсау и къуэхэм я цӀэхэр: Елифазэ, Эсау и фыз Адэ и къуэр, Рэуел, Эсау и фыз Басемат и къуэр.

¹¹ Елифаз иӀэт къуэхэр: Тэман, Омар, Цэфэу, Гъатам, Къэназ сымэ.

¹² ТымнаӀ Эсау и къуэ Елифаз и унэӀут бзылъхугъэт; абы Елифаз къыхуилъхуащ Амалек. Ахэрщ Эсау и фыз Адэ и къуэхэм къатехъукӀахэрщ.

¹³ Мис Рэуел и къуэхэри: Нахьат, Зэрахь, Шам, Миззэ. Ахэр Эсау и фыз Басемат и къуэхэм къатехъукӀарщ.

¹⁴ Цыбеон и къуэ Анэ ипхъу Охьолибамэ, Эсау и фызым, и къуэхэщ мыхэр: абы Эсау къыхуилъхуащ Еуш, Ялам, Корахь сымэ.

¹⁵ Мис Эсау и къуэхэм къатехъукӀахэм я нэхъыжьхэр. Эсау и щыпэлъху Елифаз и къуэхэр: нэхъыжь Тэман, нэхъыжь Омар, нэхъыжь Цэфэу, нэхъыжь Кэназ,

¹⁶ нэхъыжь Корахь, нэхъыжь Гъатам, нэхъыжь Амалек. Ахэрщ Елифаз и нэхъыжьхэу Эдом и щӀыналъэм щыӀахэр; ахэр Адэ и къуэхэм къатехъукӀащ.

¹⁷ Мыхэр Эсау и къуэ Рэуел и къуэхэм къатехъукӀащ: нэхъыжь Нахьат, нэхъыжь Зэрахь, нэхъыжь Шам, нэхъыжь Миззэ. Ахэр Рэуел и нэхъыжьхэу Эдом и щӀыналъэм щыӀахэрщ; ахэр Эсау и фыз Басемат и къуэхэм къатехъукӀащ.

¹⁸ Мыхэр Эсау и фыз Охьолибамэ и къуэхэщ: нэхъыжь Еуш, нэхъыжь Ялам, нэхъыжь Корахь. Ахэр Анэ ипхъу Охьолибамэ, Эсау и фызым, къилъхуа нэхъыжьхэщ.

¹⁹ Мис ахэрщ Эсау, Эдом аращ, и къуэхэм къатехъукӀар, икӀи ахэрщ я нэхъыжьхэр.

Сеир къытехъукӀахэр

²⁰ Мыхэр Хор лъэпкъым щыщ Сеир и къуэхэу а щӀыналъэм щыпсэуахэрщ: Лотан, Шэуал, Цыбеон, Анэ,

²¹ Дищэн, Ецэр, Дищэн сымэ. Ахэр Сеир и къуэхэу Хор цӀыхухэм я нэхъыжьхэщ, Эдом и щӀыналъэм щыпсэуахэрщ.

²² Лотан и къуэхэщ: Хьорыйрэ Хьэмамрэ; Лотан и шыпхъур Тимнэщ.

²³ Мыхэр Шэуалэ и къуэхэщ: Алуан, Манахьат, Эбал, Шэфэу, Онам сымэ.

²⁴ Мыхэр Цыбеон и къуэхэщ: Айэрэ Анэрэ. Анэр езым и адэ Цыбеон и шыдхэр щигъэхъум щыгъуэ губгъуэ нэщӀым псы хуабэ къыщызыгъуэтарщ.

²⁵ Мыхэр Анэ и бынхэщ: Дишонрэ Анэ ипхъу Охьолибамэрэ.

²⁶ Мыхэр Дишон и къуэхэщ: Хьэмдан, Ещбан, Итран, Къэран сымэ.

²⁷ Мыхэр Эцер и къуэхэщ: Билхьан, ЗаӀауан, Акъан сымэ.

²⁸ Мыхэр Дишан и къуэхэщ: Уц, Аран.

²⁹ Мыхэр хор цӀыхухэм я нэхъыжьхэщ: нэхъыжь Лотан, нэхъыжь Шэуал, нэхъыжь Цыбеон, нэхъыжь Анэ,

³⁰ нэхъыжь Дишон, нэхъыжь Эцер, нэхъыжь Дишан. Мис хор цӀыхухэм я нэхъыжьхэр, Сеир щӀыналъэм нэхъыжьыгъуэр зэрыщаӀыгъам хуэдэу зэкӀэлъыкӀуэу.

Эдом цӀыхухэм я пащтыхьхэмрэ я лӀакъуэхэмрэ

³¹ Мис израил цӀыхухэм пащтыхь яӀэн и пэкӀэ Эдом щӀыналъэм деж пащтыхьу щыщытахэр.

³² Эдом пащтыхьу щыщытащ Бэла, Бэор и къуэр, абы и къалэм и цӀэуи щытащ Динхьабэ.

³³ Бэла лӀэри, пащтыхьыгъуэр иубыдащ абы и ужькӀэ Иобаб, Зэрахьым и къуэм, Боцрэ щыщым.

³⁴ ЛӀащ Иобаб, абы и ужькӀи пащтыхьыгъуэр иубыдащ Хушам, тэманхэм я щӀыналъэм щыщым.

³⁵ Хушам лӀэри, абы и ужькӀэ пащтыхь хъуащ мидиан цӀыхухэр Моаб хэкум деж щыхэзыгъэщӀа Хадад, Бэдад и къуэр; абы и къалэм и цӀэт Ауит.

³⁶ Хадад лӀа нэужь, пащтыхь хъуащ Самлэ, Масрэкъэ щыщыр.

³⁷ Самлэ лӀэри, бы и ужькӀэ пащтыхь хъуащ Шаул, псы Ӏуфэм Ӏут Рехьовот щыщыр.

³⁸ Шаул лӀа нэужь, пащтыхь хъуащ БаӀал-Хъанан, Эхбэр и къуэр.

³⁹ БаӀал-Хъанан, Эхбэр и къуэр, лӀэри абы и ужькӀэ пащтыхь хъуащ Хадар: абы и къалэм и цӀэщ Пау; абы и фызым и цӀэщ Мэхьэтабэл, Мезахьаб и къуэ Матрэд ипхъущ.

⁴⁰ Мыхэр Эсау и нэхъыжьхэм я цӀэхэрщ, я лъэпкъхэмкӀэ, я щӀыпӀэхэмкӀэ, я цӀэхэмкӀэ: нэхъыжь Тымнэ, нэхъыжь Алуа, нэхъыжь Етэт,

⁴¹ нэхъыжь Охьолибамэ, нэхъыжь Елэ, нэхъыжь Пинон,

⁴² нэхъыжь Къэназ, нэхъыжь Тэман, нэхъыжь Мыбцар,

⁴³ нэхъыжь Магдиел, нэхъыжь Ирам. Ахэрщ Эдом нэхъыжьхэр, я псэупӀэхэмкӀэ, езыхэм я щӀыналъэм деж. Аращ Эсау Эдом цӀыхухэм я адэр.