LUN ALOHTHUI 52 - BAIBEL KANGTHIR (BSI)

Arnam Akangsai Lapen Akangjinso

¹ Arlengkethe nangtum kehingno pen, kopisi chepindak-loma? Arnam akeraithip ke kaike dover.

² Nang bang aphan kepavirji mang-lo, nangde ke kereset anokso asonlo. Nangtum ke kaike kepachobeijisi chesik-rok-lo.

³ Nangtum akeme apar akehingno aphan ning dokmulo, lapen ahok apar kechobei nangning dokmulo.

⁴ Nang chobei atum nanglam pen, rat aphan aning padukji nangning hang-lo!

⁵ Lasi nangtum aphan Arnam kaike aphan nangpavirpo; La nangphan nang-tumhetsi nanghem pen nangnepchekpo.

⁶ Dhoromi arat atum la thek-longsi pherepo; lapen latum nangphan nang ingnekchoisi pupo,

⁷ “Langtha, ladak inut amonit do, kejok kelongji aphan Arnam aphan chikike, bonta amethang akhi aphansi chikilo, lapen hingnosi kejokji aphan cholang-lo.”

⁸ Bonta ne jit ajangthu arong asonsi Arnam ahem thelo, ne kaike aphan la kechemitme akanghon aphan chikitang-lo.

⁹ Ne kaiketa nangphan roji, Arnam, nang keklemtang apot; Nangrat atum angno nang keme pachethangpo.