LEVI 3 - BAIBEL KANGTHIR (BSI)

Kejalang Athok-heihei

¹ Mane jongsi kejalang athok chainong ejon pilote, la chainong alo kalite aju kavepin achainong api nangji.

² Bangpo abang pi aphu athak ari batpo lapen Hemphu kedo a-Pehem ajakan along alangli la pathipo. Aaron aro akurusar atum la avi dovan ahintin anat arsi po,

³ lapen la aber ketok ateng si pi athan Hemphu aphan kecho adan pipo: Aphek-angthin athak kedo athu an,

⁴ ahambi-heihei lapen la athak kedo-an athu, lapen angthin akemenei aphar pinangji.

⁵ Kephrin athok penpen lahei kurusar atum dovan athak kedo-an phrin nangpo. Kecho athok angnim Hemphu aphan aning pangsamlo.

⁶ Jongsi kejalang athok aphan bire-sak mate bi si enlo pulote la alo mate api setame, bonta la aju avepin nangji.

⁷ Mane jongsi biresak ejon dan pilote,

⁸ alangli la aphu athak ari bat si Pehem athengno pathi nangji. Kurusar atum la avi dovan ahintin anat arsi po la pen

⁹ aber ketok ateng pi athan Hemphu aphan kecho athok ason pajirpo; athu, amoi arbung an arme kerot along-an kedo athu, aphek-angthin ketelom athu an,

¹⁰ ahambi-heihei lapen lahei athak kedo athu, lapen angthin akemenei aphar pinangji.

¹¹ Adeng kedo akurusar abang la kedo-an dovan athak Hemphu aphan isi kecho athok asonsi phrin-ipo.

¹² Mane abang jongsi bi ejon pilote,

¹³ la aphu athak alangli ri bat si Pehem athengno la pathipo. Kurusar atum la avi dovan atok phli anat arsipo,

¹⁴ lapen Hemphu aphan la aber athan-heihei isi kecho athok ason pajirpo: aphek-angthin athak kedo-an athu.

¹⁵ ahambi lapen la athak athu kedo-an, lapen akemenei angthin aphar.

¹⁶ Kurusar abang la kedo-an dovan athak phrin si Hemphu aphan ning kepangsamjin athok ason pajirpo. Athu an ke Hemphu apharmanlo.

¹⁷ Athu mate avi badu a-Israel aso tame choche det nangji; lake Israel aso atum rengtik an kaike kebiver nangji Aronlo.