Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

KEBAR 38 - BAIBEL KANGTHIR (BSI)


Athok Kephrinji Aphan Dovan Keselam
( Keba 27.1-8 )

1 Kephrin athok aphan mirjove athengpi pen alangli adovan selamlo. La atok-phli, keding ingrup pho lapen arpan ingrup pho, lapen la kangtui ingrup kethom.

2 Athaksi anu phli alongsi alangli la anu selamlo, anke la dovan penpen angkleng isinatpo. La kedo-an tam pensi alangli topthip-lo.

3 Dovan aphan kenang an kadokave ajohton alangli selampet-lo; thek-lo aton, bevuk, harlung, avek lapen methek aharlung-heihei. Lahei ajohton an alangli tam angchin pensi selamlo.

4 Alangli tam apaivokak selamsi la dovan adang aber bilo, anke la dovan ebeng an ledampo.

5 Kepon-i a-arnan hongphli alangli selamlo, lapen lahei atok-phli along bilo.

6 Mirjove athengpi alangli kepon-i abarlon-heihei selamlo, lahei tam pensi top-lo.

7 Lapen dovan pupu anat arnan-heihei along kroilo. Dovan ke kapat pen selamsi arlo pangkovang-lo.


Tam Aphumang Keselam
( Keba 30.18 )

8 Tam aphumang alangli selamlo, lapen Hemphu kedo a-Pehem ajakan along kangduk a-arloso atum aloji-heihei pen la tam akeng-ri selamlo.


Hemphu Kedo a-Pehem a-Tikup
( Keba 27.9-19 )

9 Hemphu kedo a-Pehem aphan alangli pe-kanglit kebeng ape pen atikup selamlo. Nitur anat kebeng ape keding ingrup 88, lapen

10 tam anujok hong ingkoisi archak-lo, lapen tam aklong aden ingkoi aber dolo, avek-heihei lapen apanpota rup pensi selamlo.

11 Nirep anat ta kebeng ape ateng isinatsi selamlo.

12 Nichi anat kebeng ape keding ingrup 44 lapen nujok hongkep lapen aden kep dolo, lapen avek-heihei, apanpo-heiheita rup pensi keselam.

13 Nihang anatta kelut anghap kedo adim, kebeng ape arpan ingrup 44 dolo.

14 Ahintin anat kelut anghap dolo, kebeng ape ingrup krepho lapen anujok hongthom lapen aden kethom.

15 Lason thak-thaksi ahintin anghap, hilo-lo kebeng ape ingrup krepho, anujok hongthom lapen aden kethom dolo.

16 Tikup komchen kebeng ape pe-kanglit pensi selamlo.

17 Nujok aden-heihei tam angchin pensi selamlo, lapen avek-heihei, apanpo-heihei lapen athaksi anujok-heihei rup pensi top-lo. Tikup anujok an rup apanpo pen chechulok-lo.

18 Tikup ajakan kebeng ape ke akelu, hepi arong lapen ke-ersip a-ul ape kanglit pensi selamlo lapen keroi asim pen alon pilo. La keding ingrup krenerkep lapen kangtui ingrup phli, tikup kebeng ape ason.

19 La aphan nujok hongphli lapen aden phli pensi parchak-lo. Lahei avek, athak kedip aphan, apanpo-heihei rup pensi selamlo.

20 Pehem aphan akurdang-heihei lapen kekomchen kebengji aphan akurdang-heihei tam pensi selamlo.


Hemphu Kedo a-Pehem Aphan Tasam Ke-enpon

21 Hemphu kedo a-Pehem aphan ke-en atasam alin ketok lahelo, ladaksi hukum kep ketok alongplang hinita bilo. Aphi ke Moses si hukum pilo, lapen keselam ke Aaron kurusar asopo Ithamar kepinkhat ateng pen kam keklem a-Levi atum amen lahelo:

22 Uri asopo lapen Hur asupo, Bezalel, lake Judah akhei penlo, Hemphu hukum kepi an amar keselam abang-lo.

23 La kerapdun atum, Oholiab lake Dan akhei pen Ahisamakh asopolo, kehi akam, arjan ketok abang lapen lutu, hepi arong lapen ke-ersip a-ul ape kanglit kethak abang-lo.

24 Kangthir a-pehem aphan Hemphu along kehodaitang an aser lin suri isi do, lake halaso ahut kedobom alin ateng-lo.

25 Rat pen kelong rup alin ke lin 3, 430 lata halaso ahut kedobom alin ateng-lo.

26 Laso aphai ke amen kechethaptang atum kepi aphai pen ateng chingbarchit-lo, abangphutin akenang ateng pipet-lo, alin halaso ahut kedobom achakri alin ateng-lo. Kadokave pinso bang 603,550 ningkan ingkoi arta lapen sosechot arta amen kechethap along chethap-lo.

27 Rup ke lin 3, 430 lake kangthir a-pehem aphan ke-en ateng-ri pharo isi aphan lapen kebeng ape aphan endet-lo, ateng-ri tin lin 34 enlo.

28 Lin 30 arup ahin abang ke apanpo, anujok avek-heihei halahei athak adip aphan Bezalel selam-idet-lo.

29 Hemphu aphan kehodaitang atam lin 2, 425 an dolo.

30 La pensi Hemphu kedo a-pehem kelut anghap aphan alangli aklong tam adovan la paivokak lapen dovan ajoton-heihei kedo-an selamlo,

31 tikup komchen aklong aphan lapen tikup amangho aphan lapen pehem aphan akurdang kedo an lapen komchen atikup aphan selam-ilo.

Karbi Holy Bible © Bible Society of India, 2010.

Used by permission. All rights reserved worldwide.

Bible Society of India
ကြှနျုပျတို့နောကျလိုကျပါ:



ကြော်ငြာတွေ