JOSHUA 21 - BAIBEL KANGTHIR (BSI)

Levi Atum Arongsopi

¹ Levi ahemtun ajalin atum Eleazar kurusar, Nun asopo Joshua lapen Israel akhei ahemtun ajalin atum an along damlo.

² Hadak Kanaan adet Shiloh along halatum aphan latum pulo, “Moses aphan Hemphu hukum pisi netum kedoji adim rongsopi-heihei lapen pi atum kepachopan adim la komchen arongsi nangpapitoilo.”

³ Lasi Hemphu ahukum ateng Israel atum Levi atum aphan ajehak arongsopi lapen pi kechopanji alongle halatum amethang alongle angbong pen pilo.

⁴ Levi ahem asangho atum angbong Kohath aro aphansi kechengsi arongsopi-heihei kethak nang-lo. Aaron Kurusar aso-asu aphan Judah, Simeon, lapen Benjamin alongri pen

⁵ Kohath aro atum aphan Ephraim, Dan, lapen Nichi a-Manasseh alongri pen rongsopi rongkep thak-lo.

⁶ Gershon aro aphan Asher, Naphtali lapen Nihang a-Manasseh alongri pen rongsopi rong krekethom thak-lo.

⁷ Merari ahemtun-heihei aro aphan Reuben, Gad, lapen Zebulun alongri pen rongsopi rong krehini thak-lo.

⁸ Moses aphan Hemphu hukum kepi ateng Israel arat atum lahei arongsopi lapen halatum pi kepachopan alongle Levi atum aphan khadot kepathu pen ajok thak-lo.

⁹ Judah lapen Simeon alongri pen

¹⁰ Aaron aso-asu Kohath aro aphan kethak lake Levi atum arongsopi amen lahei helo: Latum aphansi kechengsi thak nangpo.

¹¹ Halatum aphan Arba (lake Anak apo) arongsopi non Hebron pulo, la Judah anglong alongri lapen la pi kechopan komchen alongle pilo.

¹² Tebonseta, rongsopi ahidi lapen la arongso-heihei ke Jephunneh asopo Kaleb aphansi pacheraitoilo.

¹³ Hebron apar(isi chepachong arongsopi) Aaron Kurusar aso-asu aphan aber arongsopi thaktang-lo: Libnah,

¹⁴ Jattir, Eshtemoa,

¹⁵ Holon, Debir,

¹⁶ Ain, Juttah, lapen Beth Shemesh lapen halatum pi kevi alongle: Judah lapen Simeon akhei pen rongsopi rong sirkep pilo.

¹⁷ Benjamin alongri pen rongsopi rong phli pitang-lo: Gibeon, Geba,

¹⁸ Anathoth lapen Almon, lapen halatum pi kevi alongle pen pen rongsopi rong krekethom Aaron aso-asu kurusar atum aphan pekdet-lo.

¹⁹ Kadokave rongsopi kre-kethom, halahei bap-bi ajo penpenlo, lahei Aaron aro akurusar atum aso-asu apharmanlo.

²⁰ Kohath aro akaprek Levi ahem-asangho atum aphan Ephraim alongri pen ajehak arongsopi thak-lo.

²¹ Halatum aphan rongsopi rong phli pek-lo: Shekem, lapen la pi kevi alongle-heihei Ephraim ang-long alongri along (Isi chepachong arongsopi) Gezer,

²² Kibzain lapen Beth Horon, halahei pi kevi alongle-heihei.

²³ Dan alongri pen halatum aphan rongsopi rong phli pektang-lo: Eltekeh, Gibbethon,

²⁴ Aijalon, lapen Gathrimmon, lapen halatum pi kechopan alongle-heihei.

²⁵ Nichi a-Manasseh alongri pen halatum aphan rongsopi rongni pektang-lo: Taanak lapen Gathrimmon lapen halahei pi kechopan alongle-heihei.

²⁶ Kohath ahem-asangho atum kedo-an rongsopi rongkep, halahei pi kechopan alongle-heihei pen pen long-lo.

²⁷ Akaprek arong a-Levi, Gershon aro Nihang a-Manasseh alongri pen rongsopi rongni long-lo: Bashan along Golan (isi chepachong arongsopi) lapen Beeshterah, halatum pi kechopan alongle-heihei pen pen lo.

²⁸ Issakar alongri pen halatum rongsopi rong phli long-lo: Kishion, Daberath,

²⁹ Jarmuth lapen Engannim, halatum pi kechopan alongle-heihei pen penlo.

³⁰ Asher alongri pen halatum rongsopi rong phli long-lo: Mishal, Abdon,

³¹ Helkath, lapen Rehob lapen halatum pi kechopan alongle-heihei pen pen lo.

³² Naphtali alongri pen halatum rongsopi alongri pen halatum rongsopi rongthom long-lo: Galili along Kedesh, la pi kechopan alongle-heihei pen pen (isi chepachong arongsopi), Hammoth Dor lapen Karatan, halatum pi kechopan alongle-heihei pen pen lo.

³³ Gershon aro kaprek-kaprek ahem-asangho atum pangrumpet rongsopi rong krekethom halatum pi kechopan alongle-heihei pen pen lo.

³⁴ Ahin a-Levi Merari aro Zebulun alongri pen rongsopi rongphli long-lo: Jokneam, Kartah,

³⁵ Dimnah, lapen Nahalal, halatum pi kechopan alongle-heihei pen penlo.

³⁶ Reuben alongri pen halatum rongsopi rongphli long-lo: Bezer, Jahaz,

³⁷ Kedimoth, lapen Mephaath, halatum pi kepachopan alongle pen pen lo.

³⁸ Gad akhei pen halatum rongsopi rongphli long-lo: Gilead along Ramoth halatum pi kechopan alongle pen pen (isi chepachong arongsopi), Mahanaim,

³⁹ Heshbon, lapen Jazer, halatum pi kechopan alongle-heihei pen pen long-lo.

⁴⁰ Lasi pangrumpet Merari aro aphan rongsopi rong krehini thak-lo.

⁴¹ Israel arat kechepahemphu alongle pen pangrumpet rongsopi rong phlikep-ra nerkep, lapen

⁴² pi kepachopan aphan halatum kekomchen alongle-heihei Levi atum aphansi pidet-lo.

Israel Atum Longle Kecherai

⁴³ Lasi Israel aphan longle kedo-an halatum aphusar atum aphan Hemphu ahokpet pen kepiji pu kechechak alongle pitang-lo. Halatum la cheraisi hadak dothip-lo.

⁴⁴ Halatum aphusar atum aphan kechechak alonglesi Hemphu longle adang bithe ta pangsamlo. Latum ahotur atum inutbakta latum angno arjap un-edet-lo, pima Israel atum ahotur kedo-an aputhak Hemphu pahailo.

⁴⁵ Israel atum aphan Hemphu kechechak ason an papleng-lo.