TIENWOGIKAL 87 - BUKUIT NE TILIIL Sireet ne Dutero Kanon

Nganaseetap Zion

¹ Mi lumeiywondennyi tuloonook che tiliileen.

² Chamei Kamuktaindet ne Toroor kurgotigap Zion Kosiir meng'otosyek tugul che po Jakobo.

³ Kimwaitaenen tuguugap teegisto, Ee inyee nganaseetap Kamuktaindet.

⁴ Amwae kainetap Rahab ak Babilon eng' icheek che ingeno: Ogeer Philistia, ak Tyro, kobooto Kush; Ki kisikyin chiichi olooto.

⁵ Ee, kimwaei agobo Zion keele, “Ki kisikyin olooto chiichi ak chiichoo;” ak igimiti Ne Toroor Miising' ineendet.

⁶ Tuun iiti Kamuktaindet ne Toroor ye sirei piik, kole Ki kisikyin chiichi olooto.

⁷ Mwaei icheek che tyeni ak icheeget che urerendos kole, Miitei oldang'ung' kong'iikyuk tugul che po peek.