TIENWOGIKAL 67 - BUKUIT NE TILIIL Sireet ne Dutero Kanon

Ki kiili Pororyosyek kolas Kamuktaindet

¹ Ingorirenech Kamuktaindet, ak koberuurech, ak kotokyech togeennyi kokwenyech;

² si konaak oreng'ung' eng' ng'wony, ak yetuneng'ung' eng' pororyosyek tugul.

³ Ingolasun piik, ee Kamuktaindet; Ingolasun piik tugul.

⁴ Ingoboiboitu pororyosyek ak kotyenso eng' poiboiyet: Amu irwookyini piik eng' imanda, Ak indochi pororyosyek eng' ng'wony.

⁵ Ingolasun piik, ee Kamuktaindet; Ingolasun piik tugul.

⁶ Kigogon ng'wony iyotennyi: Iberuurech Kamuktaindet, ineendet Kamuktaindennyo.

⁷ Iberuurech Kamuktaindet; Ak kogonyit ineendet komoswek tugul che po ng'wony.