TIENWOGIKAL 126 - BUKUIT NE TILIIL Sireet ne Dutero Kanon

Poiboiyet ne oo

¹ Ye kiweekta Kamuktaindet ne Toroor che kigeluul che po Zion, ko ki kiige che irwotitoi.

² Konyi anyun roryot kutusweekyok, ak ki nyi ng'elyebwekyok tyenwogik; komwa anyun pororyosyek kole, kogoyachi Kamuktaindet ne Toroor tuguuk che eecheen.

³ Kogoyaiywech Kamuktaindet ne Toroor tuguuk che eecheen; che kiboiboitune.

⁴ Iweech chechook che kigeluul, ee Kamuktaindet ne Toroor, ko uu ainoosyek che po murot tai.

⁵ Che kolsei eng' peegap kong' ko kesei eng' poiboiyet.

⁶ Agot ngo wendi koriiroti, koibei kesweek, koweeksei kogasanugei, koibu ratuutikyik che po peek.