TIENWOGIKAL 122 - BUKUIT NE TILIIL Sireet ne Dutero Kanon

Saaet agobo Jerusalem

¹ Ki abaibaitu ye kimwaiwo icheek kole, “Ongebe kootap Kamuktaindet ne Toroor.”

² Tonondos keelyekyok eng' ormariichoguk, ee Jerusalem.

³ Jerusalem, ne teegat ko uu nganaseet ne tuiyot.

⁴ Ole togoste pororyosyek, pororyosyegap Kamuktaindet ne Toroor, koek paornateet eng' Israel, si komwa kongoi agobo kainetap Kamuktaindet ne Toroor.

⁵ Amu ki kinde olooto ng'echerogap laitornatet che po kirwooget, ng'echerogap laitornatet che po kootap Daudi.

⁶ Osoomji kaalyeet Jerusalem: “Nyooru poroteet icheek che chamin.”

⁷ Ingotebee kaalyeet irimoiguk, ak ingotebee poroteet kooriguk che eecheen.

⁸ Amu tupchosyekyuk ak choronokyuk, amwae nguno ale, “Ingotebenen kaalyeet.”

⁹ Amu kootap Kamuktaindet ne Toroor, Kamuktaindennyo acheeng'un myeeindo.